തേഞ്ഞിപ്പലത്ത് രണ്ടിടത്ത് വാഹനാപകടം
തേഞ്ഞിപ്പലം: ദേശീയപാത തേഞ്ഞിപ്പലം പോലീസ് സ്റ്റേഷനടുത്ത വളവില് കണ്ടെയ്നര് ലോറി നിയന്ത്രണം വിട്ട് മറിഞ്ഞും കോഹിനൂറിനടുത്ത് കാറ് നിയന്ത്രണം വിട്ട് മതിലിലിടിച്ചുമാണ് അപകടങ്ങള് . പുലര്ച്ചെ ഒരു മണിയോടെ കൊച്ചിയില് നിന്ന് ഡല്ഹിയിലേക്ക് ചരക്കുമായി പോകുന്ന കണ്ടെയ്നര് ലോറി നിയന്ത്രണം വിട്ട് ഡിവൈഡറില് കയറി മറിഞ്ഞാണ് അപകടമുണ്ടായത്. അപകടത്തെ തുടര്ന്ന് ദേശീയ പാതയില് മണിക്കൂറുകളോളം വാഹന ഗതാഗതം ഭാഗികമായി തടസ്സപ്പെട്ടു. തേഞ്ഞിപ്പലം, ഹൈവേ പോലീസ്, ട്രോമാകെയര് വളണ്ടിയര്മാര് എന്നിവരുടെ നേതൃത്വത്തില് മൂന്ന് ക്രെയിനുകള് ഉപയോഗിച്ചാണ് കണ്ടെയ്നര് നിവര്ത്തിയത്. റോഡില് വീണ ചരക്കുകള് ജെ സി ബി ഉപയോഗിച്ച് നീക്കിയ ശേഷം രാവിലെയാണ് വാഹന ഗതാഗതം പൂര്ണ്ണമായും പുനസ്ഥാപിച്ചത്. കോഹിനൂര് ദേവതിയാല് റോഡില് ടയര് പൊട്ടിയതിനെ തുടര്ന്ന് നിയന്ത്രണം വിട്ട കാറ് മതിലില് ഇടിക്കുകയായിരുന്നു. അപകടങ്ങള് നടന്ന വാഹനങ്ങളിലുണ്ടായിരുന്നവര് നിസാര പരിക്കുകളോടെ രക്ഷപ്പെട്ടു.
RECENT NEWS
കരിപ്പൂരിൽ സ്വർണം തട്ടിയെടുക്കാനെത്തിയ സംഘത്തെ പോലീസ് പിടികൂടി
കരിപ്പൂർ: 56 ലക്ഷം രൂപയുടെ സ്വര്ണ്ണം കടത്തിയ യാത്രക്കാരനും, ഇയാളുടെ അറിവോടെ കടത്ത് സ്വര്ണ്ണം കവര്ച്ച ചെയ്യാന് കരിപ്പൂര് എയര്പോര്ട്ടിലെത്തിയ ആറുപേരടങ്ങിയ കവര്ച്ചാസംഘവും അറസ്റ്റിലായി. ഖത്തറില് നിന്നും 30.04.24 തിയതി [...]