ശരീഅത്തിനെതിരായ നിയമനിര്മാണം അംഗീകരിക്കില്ല ; മുസ്ലിം ലീഗ്
മലപ്പുറം: മുത്തലാഖ് വിഷയത്തില് കോടതി വിധി ദുരുപയോഗം ചെയ്ത് നിയമനിര്മാണം നടത്തിയാല് അംഗീകരിക്കില്ലെന്ന് മുസ്ലിം ലീഗ് ദേശീയ ജനറല് സെക്രട്ടറി പികെ കുഞ്ഞാലിക്കുട്ടി എംപി. കോടതി വിധിയുടെ മറവില് ശരീഅത്തിന്റെ ആത്മാവ് തന്നെ ജനവിരുദ്ധമാണെന്ന നിലപാട് അംഗീകരിക്കാനാവില്ല. മുത്തലാഖിന്റെ ദുരുപയോഗമാണ് വിഷയമെങ്കില് ചര്ച്ചയാവാം. വിഷയത്തില് രാഷ്ട്രീയ മുതലെടുപ്പ് അംഗീകരിക്കാനാവില്ലെന്നും അദ്ദേഹം മാധ്യമ പ്രവര്ത്തകരോട് പറഞ്ഞു.
മുസ് ലിം പേഴ്സനല് ലോ ബോര്ഡിന്റെ കൂടെയാണ് വിഷയത്തില് മുസ്ലിം ലീഗ് ഉള്ളത്. കോടതി വിധി വന്ന അവസരത്തില് ഓര്ഡിനന്സ് കൊണ്ട് വരരുത്. പാര്ലമെന്റില് ചര്ച്ച ചെയ്തതിന് ശേഷം മാത്രമേ നിയമനിര്മാണം നടത്താവു. സുപ്രീംകോടതി വിധിയില് പറഞ്ഞതും അതാണ്. ആറു മാസം സമയം അതിനായി നല്കിയിട്ടുണ്ട്. കേന്ദ്രസര്ക്കാരിന്റെ പല നിലപാടുകളും വച്ച് നോക്കുമ്പോള് ആശങ്കയുണ്ട്. കോടതി വിധി ദുരപയോഗം ചെയ്ത് രാഷ്ട്രീയ ആയുധമാക്കാനാണ് കേന്ദ്ര സര്ക്കാര് ഇതുവരെ ശ്രമിച്ചിട്ടുള്ളതെന്നും അദ്ദേഹം പറഞ്ഞു.
RECENT NEWS
വിദ്യാഭ്യാസ വകുപ്പിൻ്റെ കെടുകാര്യസ്ഥത; എം.എസ്.എഫ് ഡി.ഡി.ഇ ഓഫീസ് ഉപരോധം
മലപ്പുറം: വിദ്യാഭാസ മേഖലയിൽ നിരന്തരം പ്രശ്നങ്ങൾ സൃഷ്ടിച്ച് വിദ്യാർത്ഥികൾക്ക് മൂല്യവത്തായ വിദ്യാഭ്യാസം സർക്കാർ നിഷേധിക്കുകയാണെന്ന് എം.എസ്.എഫ് ജില്ലാ പ്രസിഡൻ്റ് കബീർ മുതുപറമ്പ് പറഞ്ഞു. സ്കൂൾ യൂണിഫോം വിതരണം പൂർത്തിയാക്കുക, വ്യാപക പിഴവുകളുള്ള ഏഴ്, [...]