മാതൃസ്നേഹം അളക്കാന് ‘സ്നേഹ പൂര്വ്വം അമ്മ’ ഷോര്ട്ട്ഫിലിം
മലപ്പുറം: മലപ്പുറത്തുനിന്നും പുറത്തിറങ്ങിയ മാതൃസ്നേഹത്തിന്റെ ആഴംഅളക്കുന്ന ‘സ്നേഹ പൂര്വ്വം അമ്മ’ സോഷ്യല് മീഡിയയില് ശ്രദ്ധേയമാകുന്നു. ജീവിതതിരക്കിനിടയില് അമ്മ മക്കള്ക്കൊരു ഭാരമായി കരുതുന്ന വര്ത്തമാന കാലത്ത് വൃദ്ധസദനങ്ങളില് തള്ളപ്പെടുന്ന അമ്മജീവിതങ്ങളിലേക്കുള്ള കണ്ണ് തുറപ്പിക്കലാണ് ഹനീഫ് രാജാജി സംവിധാനം ചെയ്ത് വി.പി ഷംസുദ്ധീന് പ്രധാന വേഷത്തിലഭിനയിക്കുന്ന ഈ ഷോര്ട്ട്ഫിലിം.വൃദ്ധസദനത്തിലെത്തിച്ച മകന് ഒടുവില് മാനസാന്തരം വരുന്നതാണ് കഥ. എന്നാല് അമ്മയെ കാണാനെത്തിയെങ്കിലും ഇനിയൊരിക്കലും മടങ്ങാത്തലോകത്തേക്ക് യാത്രയാകുകയും ചെയ്യുന്നു. നബീല് തൗഫീഖാണ് നിര്മ്മിച്ചിരിക്കുന്നത്. കഴിഞ്ഞ ദിവസം പുറത്തിറങ്ങിയ ഷോര്ട്ട്ഫലിം യൂട്യൂബിലും ഫെയ്സ്ബുക്കിലുമായി ഒരു ലക്ഷത്തിലധികം പേര് ഇതിനോടകം കണ്ടുകഴിഞ്ഞു.
RECENT NEWS
രാഹുൽ ഗാന്ധിയെ അപമാനിച്ചതിന് അൻവറിനെതിരെ കേസെടുത്തു
മണ്ണാർക്കാട്: രാഹുല് ഗാന്ധിക്ക് എതിരായ അധിക്ഷേപ പരാമര്ശത്തില് പി.വി.അന്വറിനെതിരെ കേസെടുത്തു. രാഹുല് ഗാന്ധിയുടെ ഡിഎന്എ പരിശോധിക്കണമെന്ന പരാമര്ശത്തിന് എതിരെയാണ് നടപടി. മണ്ണാര്കാട് കോടതി നിര്ദേശപ്രകാരം പാലക്കാട് നാട്ടുകല് പൊലീസാണ് [...]