പ്രായപൂര്ത്തിയാകാത്ത സ്വന്തം പെണ്മക്കളെ പീഡിപ്പിച്ച പിതാവിന് ജാമ്യമില്ല
മഞ്ചേരി: പത്ത്, പതിമൂന്ന്, പതിനാല്, പതിനേഴ് പ്രായമുള്ള പെണ്മക്കളെ ലൈംഗിക പീഡനത്തിന് വിധേയരാക്കിയെന്ന കേസില് റിമാന്റില് കഴിയുന്ന പിതാവിന്റെ ജാമ്യാപേക്ഷ മഞ്ചേരി പോക്സോ സ്പെഷ്യല് കോടതി തള്ളി. തിരുവനന്തപുരം സ്വദേശിയായ നാല്പത്തേഴുകാരന്റെ ജാമ്യാപേക്ഷയാണ് ജഡ്ജി സുരേഷ് ബാബു തള്ളിയത്. 2020 ജനുവരി 17ന് മുമ്പുള്ള പലദിവസങ്ങളില് 10 വയസ്സുകാരിയെയും 2019 ഏപ്രില് മാസത്തില് 14കാരിയെയും 2020 ജനുവരി 15ന് മുമ്പുള്ള പലദിവസങ്ങളില് 17കാരിയെയും 2019 ഡിസംബര് 26നും 2020 ജനുവരി 16നുമിടയില് പലതവണ ലൈംഗിക പീഡനത്തിനിരയാക്കിയെന്നാണ് കേസ്. പീഡനത്തെ തുടര്ന്ന് ഫാത്തിമ ചാരിറ്റി ഹോമില് അഭയം തേടിയ പെണ്കുട്ടികള് സിസ്റ്റര് ആന്മേരിയോട് പീഡന വിവരം വെളിപ്പെടുത്തുകയായിരുന്നു. വളാഞ്ചേരി പൊലീസ് 2020 ജനുവരി 18ന് പ്രതിയെ അറസ്റ്റ് ചെയ്തു.
RECENT NEWS
കരിപ്പൂരിൽ സ്വർണം തട്ടിയെടുക്കാനെത്തിയ സംഘത്തെ പോലീസ് പിടികൂടി
കരിപ്പൂർ: 56 ലക്ഷം രൂപയുടെ സ്വര്ണ്ണം കടത്തിയ യാത്രക്കാരനും, ഇയാളുടെ അറിവോടെ കടത്ത് സ്വര്ണ്ണം കവര്ച്ച ചെയ്യാന് കരിപ്പൂര് എയര്പോര്ട്ടിലെത്തിയ ആറുപേരടങ്ങിയ കവര്ച്ചാസംഘവും അറസ്റ്റിലായി. ഖത്തറില് നിന്നും 30.04.24 തിയതി [...]