നിറമരുതൂര് സ്കൂളിനെ മാതൃകാ സ്പോർട്സ് സ്കൂളാക്കും – വി. അബ്ദുറഹ്മാൻ
താനൂര്: സംസ്ഥാനത്ത് കായിക മേഖലയില് വലിയ രീതിയിലുള്ള മാറ്റങ്ങള് കൊണ്ടുവരുമെന്നും നിറമരുതൂര് ഗവ. ഹയര് സെക്കന്ഡറി സ്കൂളിനെ മാതൃകാ സ്പോര്ട്സ് സ്കൂളാക്കി മാറ്റുമെന്നും കായിക – ന്യൂനപക്ഷ ക്ഷേമ വകുപ്പ് മന്ത്രി വി. അബ്ദുറഹ്മാന്. നിറമരുതൂര് ഗവ. ഹയര് സെക്കന്ഡറി സ്കൂളില് നിര്മ്മിച്ച മള്ട്ടിപര്പസ് സ്റ്റേഡിയത്തിന്റെയും ഗ്യാലറിയുടെയും ഉദ്ഘാടനം നിര്വഹിച്ചു സംസാരിക്കുകയായിരുന്നു മന്ത്രി.
കൃത്യമായ മാസ്റ്റര്പ്ലാന് അനുസരിച്ചാണ് സ്കൂളിലെ അടിസ്ഥാനസൗകര്യ വികസനം നടപ്പിലാക്കുന്നത്. സ്കൂളുകളില് കായികോത്സവങ്ങള് നടത്താനുള്ള സൗകര്യങ്ങള് ഒരുക്കും. നിറമരുതൂര് സ്കൂളിലെ സൗകര്യങ്ങള് കേരളത്തിനു മാതൃകയാക്കാവുന്ന രീതിയില് വികസിപ്പിക്കുമെന്നും അദ്ദേഹം പറഞ്ഞു.
1.89 കോടി രൂപ ചെലവില് നിര്മ്മിച്ച, പ്രീ എഞ്ചിനീയറിങ് സ്ട്രക്ചറോടു കൂടിയ ഇന്ഡോര് സ്റ്റേഡിയത്തില് ബാസ്ക്കറ്റ് ബോള് കോര്ട്ട്, വോളിബോള് കോര്ട്ട്, ഗ്യാലറി തുടങ്ങി വിപുലമായ സംവിധാനങ്ങള് ഒരുക്കിയിട്ടണ്ട്.
നിറമരുതൂര് ഗ്രാമപഞ്ചായത്ത് പ്രസിഡന്റ് ഇസ്മായില് പുതുശ്ശേരി ചടങ്ങില് അധ്യക്ഷനായി. ജില്ലാ പഞ്ചായത്തംഗം വി.കെ.എം. ഷാഫി, താനൂര് ബ്ലോക്ക് പഞ്ചായത്ത് അംഗം പോളാട്ട് നാസര്, പഞ്ചായത്തംഗം ശാന്തമ്മ, ഡി.ഡി.ഇ. കെ.പി രമേഷ്കുമാര്, വിദ്യാകിരണം ജില്ലാ കോ-ഓര്ഡിനേറ്റര് സുരേഷ് കൊളശ്ശേരി, ഹെഡ്മാസ്റ്റര് ടി.വി. ദിനേഷ്, പ്രിന്സിപ്പള് പി.ബി.ഷിജു, ജി.യു.പി. സ്കൂള് ഹെഡ്മിസ്ട്രസ് ടി. വി .ലത, പി. ടി. എ.പ്രസിഡന്റ് കെ. ടി. ശശി, മുസ്തഫ പൊക്ലാത്ത്, ടി.പി.ഹാജറ പങ്കെടുത്തു.
ഹജ് തീർഥാടനത്തിന് കരിപ്പൂർ വഴി ഉയർന്ന നിരക്ക് ഈടാക്കുന്നത് തടയണം-ഇ ടി
RECENT NEWS
ജീവനക്കാരുടെയും അധ്യാപകരുടെയും പണിമുടക്ക് – പ്രതിഷേധ സംഗമം
മലപ്പുറം : സംസ്ഥാനത്തെ സർക്കാർ ജീവനക്കാരും അധ്യാപകരും നടത്തുന്ന പണിമുടക്കിനിടനുബന്ധിച്ച് അസറ്റ് ( അസോസിയേഷൻ ഫോർ സ്റ്റേറ്റ് എംപ്ലോയീസ് ആൻഡ് ടീച്ചേഴ്സ്) മലപ്പുറം സിവിൽ സ്റ്റേഷന് മുന്നിൽ പ്രതിഷേധ സംഗമം നടത്തി. പങ്കാളിത്ത പെൻഷൻ പിൻവലിക്കുക, ശമ്പള [...]
