മലപ്പുറം ജില്ലയിൽ 521 കോടി രൂപയുടെ വൈദ്യുതി പ്രസരണ പദ്ധതികൾ, വോൾട്ടേജ് ക്ഷാമത്തിനും പരിഹാരം
മലപ്പുറം: ജില്ലയില് 2032 ഓടെ 521 കോടി രൂപയുടെ പദ്ധതികൾ പൂർത്തീകരിക്കുക എന്ന ലക്ഷ്യവുമായി കെ എസ് ഇ ബി. കഴിഞ്ഞ വേനല്ക്കാലത്തുണ്ടായ വോള്ട്ടേജ് ക്ഷാമത്തിനും വൈദ്യുതി പ്രതിസന്ധിയ്ക്കും പരിഹാരമായി വിവിധ പദ്ധതികള് ആരംഭിച്ചതായും കെ.എസ്.ഇ.ബി ട്രാന്സ്മിഷന് സര്ക്കിള് ഡപ്യൂട്ടി ചീഫ് എഞ്ചിനീയര് അറിയിച്ചു.
2027-2032 കാലത്തേയ്ക്കുള്ള 521 കോടി രൂപയുടെ ഹ്രസ്വ, മദ്ധ്യ, ദീര്ഘകാല പദ്ധതികളാണ് പ്രസരണ വിഭാഗത്തില് മലപ്പുറം പാക്കേജില് ഉള്പ്പെടുത്തിയിട്ടുള്ളത്. ഈ പദ്ധതികള്ക്കായുള്ള ഭരണ -സാങ്കേതികാനുമതികള്, സ്ഥലമേറ്റെടുപ്പ്, ലൈന് റൂട്ട് അപ്രൂവല്, വിശദമായ എസ്റ്റിമേറ്റ് തയ്യാറാക്കല്, ടെന്ഡറുകള് എന്നിവ പൂര്ത്തീകരിക്കേണ്ടതുണ്ട്. ഇതിനായുള്ള നടപടികള് ആരംഭിച്ചു കഴിഞ്ഞു. മലപ്പുറം പാക്കേജില് ഉള്പ്പെടുത്തിയിട്ടുള്ള വിവിധ പ്രവൃത്തികള് മുന്ഗണനാക്രമത്തില് ഏറ്റെടുത്ത്, 2032 ഓടെ മുഴുവന് പ്രവൃത്തികളും പൂര്ത്തീകരിക്കാനാണ് ലക്ഷ്യമിട്ടിരിക്കുന്നതെന്നും ഡപ്യൂട്ടി ചീഫ് എഞ്ചിനീയര് അറിയിച്ചു.
വോൾട്ടേജ് ക്ഷാമം പരിഹരിക്കുന്നതിന്റെ ഭാഗമായി കുന്നുംപുറം, വെന്നിയൂര്, ഇന്കല് (ഊരകം) എന്നീ സബ്സ്റ്റേഷനുകളുടെ നിര്മ്മാണവും, വെങ്ങാലൂരില് താല്ക്കാലികമായി ഒരു ട്രാന്സ്ഫോര്മര് സ്ഥാപിച്ച് വൈദ്യുതി നല്കുന്നതിനുള്ള പ്രവൃത്തികളും ത്വരിത ഗതിയില് പുരോഗമിക്കുകയാണ്. കൂരിയാട്, പരപ്പനങ്ങാടി, തിരൂര്, എടരിക്കോട്, മാലാപറമ്പ്, എടപ്പാള്, പൊന്നാനി, മേലാറ്റൂര് എന്നീ സബ്സ്റ്റേഷനുകളിലെ ട്രാന്സ്ഫോര്മറുകളുടെ ശേഷി വര്ധിപ്പിക്കുന്ന പ്രവൃത്തികളും ഈ സാമ്പത്തിക വര്ഷത്തില് പൂര്ത്തീകരിക്കാന് സാധിക്കും. ഇതോടെ ജില്ലയില് നിലവിലുള്ള വോള്ട്ടേജ് ക്ഷാമത്തിനും, വൈദ്യുതി പ്രതിസന്ധിയ്ക്കും പരിഹാരമാകും.
തിരുവാലി, കാടാമ്പുഴ, മലപ്പുറം ജി.ഐ.എസ് എന്നീ സബ്സ്റ്റേഷനുകളുടെയും അവയുടെ അനുബന്ധ പ്രസരണ ലൈനുകളുടെയും നിര്മ്മാണം 2025 മെയ് മാസത്തിനുള്ളില് പൂര്ത്തീകരിക്കും. 110 കെ.വി സബ്സ്റ്റേഷനുകളായ പുളിക്കല്, വേങ്ങര, വെന്നിയൂര്, എന്നിവയ്ക്കും 33-കെ.വി സബ്സ്റ്റേഷനുകളായ ചങ്ങരംകുളം, കൊണ്ടോട്ടി എന്നിവയ്ക്കും കെ.എസ്.ഇ.ആര്.സി യുടെ അംഗീകാരം ലഭിച്ച് സ്ഥലമേറ്റടുപ്പും അനുബന്ധ പ്രവര്ത്തനങ്ങളും നടന്നു വരികയാണ്.
എസ് സുജിത്ത് ദാസിന്റെ മെഡലുകൾ തിരിച്ചു വാങ്ങണമെന്ന് പി കെ നവാസ്
RECENT NEWS
സ്ത്രീത്വത്തെ അപമാനിച്ച സി പി എം തെന്നല പഞ്ചായത്ത് മെംബറെ പുറത്താക്കണം- എ പി അനിൽകുമാർ
മലപ്പുറം: തെന്നല പഞ്ചായത്തിലെ സിപിഎം ലോക്കൽ കമ്മിറ്റി മുൻ സെക്രട്ടറിയും പഞ്ചായത്തിലേക്ക് തെരഞ്ഞെടുക്കപ്പട്ടെ വ്യക്തിയുമായ സെയ്തലവി മജീദിന്റെ വിദ്വേഷ പ്രസംഗം സ്ത്രീ വിരുദ്ധവും അങ്ങേയറ്റം മനുഷ്യത്വവിരുദ്ധമാണെന്ന് കെപിസിസി വർക്കിംഗ് പ്രസിഡൻറ് എ പി [...]
