September 2, 2024

റിദാൻ ബാസിൽ വധത്തിൽ സ്വർണ കടത്ത് സംഘത്തിന് ബന്ധമെന്ന് പി വി അൻവർ, അന്വേഷണം ആവശ്യപ്പെട്ട് കുടുംബം

മലപ്പുറം: കോഴിക്കോട് അന്താരാഷ്ട്ര വിമാനത്താവളത്തിലെ സ്വർണക്കടത്ത് മാഫിയയും പോലീസും തമ്മിലുള്ള അവിശുദ്ധ കൂട്ടുകെട്ടിനെച്ചൊല്ലി വിവിധ കോണുകളിൽ നിന്ന് ഉയരുന്ന ആരോപണങ്ങൾക്ക് കൂടുതൽ സാധുത നൽകി വിഷയത്തിൽ പി വി അൻവർ എംഎൽഎയുടെ ഇടപെടൽ. എടവണ്ണയിലെ റിദാൻ ബാസിലിന്റെ കൊലപാതകം സ്വർണ കള്ളക്കടത്ത് സംഘത്തിന്റെ വിവരങ്ങൾ പുറത്തു വിടുമെന്ന ഭയത്തിലാണെന്ന് പി വി അൻവർ ആരോപിച്ചു. വിവിധ അവസരങ്ങളിലായി വിമാനത്താവളത്തിന് പുറത്ത് നിന്ന് കള്ളക്കടത്ത് സ്വർണം പിടികൂടി എഡിജിപി എംആർ അജിത്കുമാറിൻ്റെ നേതൃത്വത്തിലുള്ള പോലീസ് സംഘം വലിയൊരു അളവ് സ്വർണം സ്വന്തമാക്കിയതായും അൻവർ പറഞ്ഞു.

എം.ആർ.അജിത്കുമാറിന് സ്വർണക്കടത്ത് സംഘവുമായി നേരിട്ട് ബന്ധമുണ്ട്. കരിപ്പൂർ വിമാനത്താവളം വഴി കടത്തിയ സ്വർണം വിമാനത്താവളത്തിന് പുറത്ത് നിന്ന് പിടികൂടാൻ ദുബായ് കേന്ദ്രീകരിച്ചുള്ള സംഘമാണ് പോലീസിനെ സഹായിക്കുന്നത്. ഈ സംഘം യാത്രക്കാരുടെ ടിക്കറ്റ് നമ്പരിലെ വിവരങ്ങൾ പോലീസിന് കൈമാറും. കടത്തുകാരനെ തിരിച്ചറിയാനും പിടികൂടാനും ഇത് സഹായകമാകും. ഇതിൽ നിന്നും വലിയൊരു ശതമാനം സ്വർണം പോലീസുകാർ തന്നെ സ്വന്തമാക്കി ബാക്കി മാത്രമേ കണക്കിൽ ഉൾപ്പെടുത്തുകയുള്ളു.

ദുബായിൽ നിന്ന് ഏതെങ്കിലും മലയാളി സ്വർണ ബിസ്‌ക്കറ്റ് കൊണ്ടുവന്നാൽ അജിത്കുമാറിൻ്റെ നിയന്ത്രണത്തിലുള്ള ദുബായിലെ സ്വർണക്കടത്ത് സംഘത്തിന് വിവരം ലഭിക്കുമെന്നും അൻവർ കൂട്ടിച്ചേർത്തു. വ്യക്തിയുടെ യാത്രാവിവരങ്ങളും ഇവർക്ക് ലഭിക്കും. സ്വർണം കടത്തുന്ന മറ്റെല്ലാ സംഘത്തെയും ഇവർ ലക്ഷ്യമിടുന്നുണ്ടെന്നും എംഎൽഎ കൂട്ടിച്ചേർത്തു.

റിദാൻ ബേസിലിൻ്റെ കൊലപാതകത്തിന് പിന്നിലും ഇതേ സംഘമാണെന്നും അദ്ദേഹം പറഞ്ഞു.

“റിദാന് ഈ സംഘത്തെക്കുറിച്ച് പല രഹസ്യങ്ങളും അറിയാം. അത് പുറത്തുവിടുമെന്ന് ചില പോലീസുകാരോട് ഇയാൾ പറഞ്ഞിരുന്നു. വെടിയേറ്റ് മരിച്ചപ്പോൾ, ഉറ്റ സുഹൃത്ത് ഷാനെ പ്രതിയാക്കി പോലീസ് ഒരു കഥ തയ്യാറാക്കി. റിദാൻ്റെ ഭാര്യ എന്നോട് പറഞ്ഞു. ഷാനുമായി വിവാഹേതര ബന്ധമുണ്ടെന്ന് സമ്മതിക്കാൻ പോലീസ് സംഘം നിർബന്ധിച്ചതായി റിദാന്റെ ഭാര്യ തന്നോട് വെളിപ്പെടുത്തിയാതും അൻവർ പറഞ്ഞു. ഈ അവിഹിത ബന്ധം ബാസിലിൻ്റെ കൊലപാതകത്തിലേക്ക് നയിച്ചതായി തെളിയിക്കാനായിരുന്നു പോലീസിന്റെ ശ്രമം. ബേസിലിൻ്റെ ഭാര്യയുമായി തനിക്ക് അവിഹിത ബന്ധമുണ്ടെന്ന് സമ്മതിക്കാൻ കേസിലെ പ്രതിയായെ ഷാനെ മൂന്നര ദിവസം ക്രൂര മർദനത്തിന് ഇരയാക്കി,” അൻവർ കൂട്ടിച്ചേർത്തു.

 

താനൂർ ജിഫ്രി കസ്റ്റഡി കൊലപാതകം, മുൻ എസ് പിയെ പ്രതിചേർക്കണമെന്ന് ജിഫ്രിയുടെ കുടുംബംപുതിയ സംഭവവികാസങ്ങളുടെ അടിസ്ഥാനത്തിൽ കേസ് പുനരന്വേഷിക്കാൻ ബേസിലിൻ്റെ കുടുംബം ആവശ്യമുന്നയിച്ചു. എം.ആർ.അജിത്കുമാർ, എസ്.സുജിത്ദാസ് എന്നിവരുമായി ബന്ധപ്പെട്ട് താൻ ശേഖരിച്ച വിശദമായ റിപ്പോർട്ടുമായി മുഖ്യമന്ത്രിയെ ഉടൻ കാണുമെന്നും അൻവർ പറഞ്ഞു. വിരമിച്ച ജഡ്ജിയുടെ മേൽനോട്ടത്തിലുള്ള പ്രത്യേക അന്വേഷണ സംഘത്തിന് കീഴിൽ വിശദാംശങ്ങൾ അന്വേഷിക്കാൻ മുഖ്യമന്ത്രിയോട് ആവശ്യപ്പെടുമെന്നും അദ്ദേഹം പറഞ്ഞു.

Sharing is caring!