മനാഫ് വധക്കേസ് പുനപരിശോധന ഹർജി പരിഗണിക്കുന്നത് വൈകുന്നത് പി വി അൻവറിന്റെ സ്വാധീനം മൂലമെന്ന് കുടുംബം
മലപ്പുറം: ഒതായി മനാഫ് വധക്കേസിൽ പി വി അൻവർ എം എൽ എയെ കുറ്റ വിമുക്തിനാക്കിയതിനെതിരെ കുടുംബം ഹൈക്കോടതിയിൽ നൽകിയ പുനപരിശോധന ഹർജി വൈകുന്നതിനെതിരെ കുടുംബം രംഗതെത്തി. പി വി അൻവർ എം എൽ എയുടെ സ്വാധീനമാണ് കേസ് പരിഗണിക്കുന്നതിന് സംസ്ഥാന സർക്കാരിന്റെ ഭാഗത്തു നിന്നുള്ള താൽപര്യ കുറവെന്ന് കുടംബം ആരോപിച്ചു. പോലീസ് കേസ് പ്രകാരം 1995ലാണ് മനാഫിനെ ഒതായി ടൗണിൽ വെച്ച് പി വി അൻവറിന്റെ സഹോദരി പുത്രൻമാർ അടക്കമുള്ളവർ കൊലപ്പെടുത്തുന്നത്. പുനഃപരിശോധനാ ഹർജിയിൽ വിധി കാത്തിരിക്കുന്ന ഒരാളെ പൊലീസ് അസോസിയേഷൻ പരിപാടിയിൽ ഉദ്ഘാടകനായി ക്ഷണിച്ചതിനെയും മനാഫിന്റെ കുടുംബം വിമർശിച്ചു. ഇത്തരമൊരു ചടങ്ങിൻ്റെ ഉദ്ഘാടകനായത് വഴി അദ്ദേഹത്തിന് പോലീസ് സേനയെ എളുപ്പത്തിൽ സ്വാധീനിക്കാൻ കഴിയുമെന്ന് കുടുംബം പറഞ്ഞു.
ഒന്നാം സാക്ഷി കൂറുമാറിയതിനെ തുടർന്ന് കേസിലെ രണ്ടാം പ്രതിയായ അൻവറടക്കമുള്ള 21 പേരെ മഞ്ചേരി അഡീഷണൽ ജില്ലാ സെഷൻസ് കോടതി വെറുതെ വിട്ടിരുന്നു. വിധിക്കെതിരെ സംസ്ഥാനം ഹൈക്കോടതിയിൽ അപ്പീൽ നൽകിയതോടെ മനാഫിൻ്റെ കുടുംബവും പുനഃപരിശോധനാ ഹർജിയുമായി രംഗത്തെത്തിയിരുന്നു.
“റിവ്യൂ ഹർജിയിൽ കോടതി നടപടികൾ ഇതുവരെ ആരംഭിച്ചിട്ടില്ല. ഞങ്ങൾ 2009 ൽ ഹർജി സമർപ്പിച്ചു, 2011 ൽ കോടതി ഫയൽ ചെയ്തു, തുടർ നടപടികളൊന്നും ആരംഭിച്ചിട്ടില്ല. നടപടി വേഗത്തിലാക്കേണ്ടത് സംസ്ഥാനമാണ്, അവർ താൽപര്യം കാണിക്കുന്നില്ല. 29 വർഷങ്ങൾക്ക് ശേഷവും ഈ കേസിൽ ഞങ്ങൾക്ക് നീതി ലഭിച്ചിട്ടില്ലെന്നത് എംഎൽഎയുടെ സ്വാധീനം കാരണമാണെന്നാണ് ഞങ്ങൾ കരുതുന്നത്ഠ, മനാഫിന്റെ പിതൃസഹോദരൻ പള്ളിപ്പറമ്പൻ അബൂബക്കർ പറഞ്ഞു.
കേസിൽ ഒത്തുതീർപ്പിനായി വൻതുക വാഗ്ദാനം ചെയ്തതായും കുടുംബം ആരോപിച്ചു.
ഒത്തുതീർപ്പിനായി കേസിൻ്റെ വിചാരണയ്ക്ക് മുമ്പ് ഞങ്ങൾ 50 ലക്ഷം രൂപ വാഗ്ദാനം ചെയ്തിട്ടുണ്ട്, ഞങ്ങളെ സമീപിച്ച ഇടനിലക്കാർ തുക നൽകാൻ പി വി അൻവറിൻ്റെ കുടുംബം തയ്യാറാണെന്ന് അറിയിച്ചിരുന്നു. എന്നാൽ, ഞങ്ങൾ അത് സ്വീകരിച്ചില്ല, ഇടനിലക്കാരോട് പറഞ്ഞു. കൊലപാതകത്തിൽ എം.എൽ.എയും മറ്റ് പ്രതികളും പരസ്യമായി മാപ്പ് പറയണമെന്ന് മനാഫിൻ്റെ ബന്ധു പള്ളിപ്പറമ്പൻ അബൂബക്കർ പറഞ്ഞു.
ഓട്ടോറിക്ഷാ ഡ്രൈവറും വെള്ളച്ചാൽ സ്വദേശിയുമായ മനാഫ് (29) 1995 ഏപ്രിൽ 13 ന് ഒതായി അങ്ങാടിയിൽ വെച്ചാണ് കൊല്ലപ്പെടുന്നത്. കേസിലെ മുഖ്യപ്രതി എടവണ്ണ മുണ്ടേങ്ങരയിലെ മലങ്കാടൻ ഷഫീഖിനെ 25 വർഷങ്ങൾക്ക് ശേഷമാണ് പൊലീസ് അറസ്റ്റ് ചെയ്തത്. കേസിലെ മൂന്നാം പ്രതിയായ മലങ്ങാടൻ ഷെരീഫും അൻവറിൻ്റെ മരുമക്കളിൽ ഒരാളാണ്. കേസിൽ ഏഴാം പ്രതിയായിരുന്ന എംഎൽഎയുടെ പിതാവ് പി വി ഷൗക്കത്തലി കുറ്റപത്രം സമർപ്പിക്കും മുൻപേ മരിച്ചു.
RECENT NEWS
മലപ്പുറം നഗരസഭയിൽ ഡ്രോൺ സർവേ പദ്ധതി ഉദ്ഘാടനം ചെയ്തു
മലപ്പുറം: മലപ്പുറം നഗരസഭയിൽ അമൃത് പദ്ധതിയുടെ ഭാഗമായി ജി.ഐ.എസ് അധിഷ്ടിത മാസ്റ്റർ പ്ലാൻ തയ്യാറാക്കുന്നതിനായി മലപ്പുറം നഗരസഭ പ്രദേശത്തിന്റെയും ചുറ്റുമുള്ള പഞ്ചായത്ത് പ്രദേശങ്ങളുടെയും നിലവിലുള്ള ഭൂവിനിയോഗ പഠനത്തിനുള്ള ഡ്രോൺ സർവ്വേ ആരംഭിച്ചു. ഓരോ [...]
