ബി.ജെ.പി നടപ്പാക്കുന്നത് ബ്രിട്ടീഷുകാരുടെ ബുള്ഡോസര് രാജ്: വി.ഡി സതീശന്
തേഞ്ഞിപ്പലം: നിരപരാധികളായ കുടുംബങ്ങളുടെ വീടും കച്ചവട സ്ഥാപനങ്ങളും ബുള്ഡോസര് ഉപയോഗിച്ച് ഇടിച്ചു നിരത്തുന്ന ബിജെപി സര്ക്കാറുകള് ബ്രിട്ടീഷ് സാമ്രാജ്യത്വത്തെയാണ് അനുകരിക്കുന്നതെന്ന് പ്രതിപക്ഷ നേതാവ് വിഡി സതീശന്. 1857 ല് ബ്രിട്ടീഷ് പട്ടാളം ഡല്ഹി ഇടിച്ചു നിരത്തിയപ്പോള് ഹിന്ദുക്കളും മുസ്ലിംകളും ഒരുമിച്ച് നിന്നാണ് അതിനെ നേരിട്ടത്. പിറന്ന വീട്ടില് നിന്ന് പാലായനം ചെയ്യേണ്ടി വന്ന അവര് സഹോദര്യത്തോടെ അതിനെ അതിജീവിച്ചു. സമാനമായി പുതിയ കാലത്തും മാനവിക ഐക്യം ഇതിനെ പ്രതിരോധിക്കുകയും അതിജീവിക്കുകയും ചെയ്യുമെന്നും അദ്ദേഹം വ്യക്തമാക്കി.
കാലിക്കറ്റ് സര്വകലാശാല മുഹമ്മദ് അബ്ദുറഹിമാന് ചെയര് ഫോര് സെക്യുലര് സ്റ്റഡീസിന്റെ രണ്ടു ദിവസം നീണ്ട ‘അസഹിഷ്ണുതക്കെതിരെ ഇന്ത്യ’ദേശീയ സെമിനാറിന്റെ സമാപന സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു. വിദ്വേഷം പരത്തി ജനങ്ങളെ ഭിന്നിപ്പിക്കുന്ന ബി.ജെ.പിയുടെ വര്ഗീയ അജണ്ടക്കെതിരെ ജനങ്ങളെ ഒന്നിപ്പിക്കുന്ന ഇന്ത്യയുടെ ദേശീയ പ്രസ്ഥാനത്തിന്റെ പാരമ്പര്യമാണ് കോണ്ഗ്രസ് ഉയര്ത്തിപ്പിടിക്കുന്നതെന്നും അദ്ദേഹം വ്യക്തമാക്കി. അബ്ദുറഹിമാന് ചെയര് ഗവേണിങ് ബോഡി അംഗവും മുന് എം.പിയുമായ സി.ഹരിദാസ് ആധ്യക്ഷം വഹിച്ചു. എം.കെ രാഘവന് എം.പി, ആര്യാടന് ഷൗക്കത്ത്, ആര്.എസ് പണിക്കര്, വീക്ഷണം മുഹമ്മദ്, മുല്ലശേരി ശിവരാമന് നായര് പ്രസംഗിച്ചു.
മഞ്ചേരിയിൽ ശുചീകരണ ബോധവത്ക്കരണത്തിനായി മിനി മാരത്തൺ സംഘടിപ്പിച്ചു
RECENT NEWS
സമസ്തയിലെ തർക്ക പരിഹാരത്ത് ആയുസ് ഒരുദിനം; അതൃപ്തി അറിയിച്ച് ലീഗ് നേതൃത്വം
മലപ്പുറം: സമസ്തയിലെ പ്രശ്നങ്ങൾക്ക് അറുതിയാകുന്നുവെന്ന സൂചനകൾക്ക് ആയുസ് ഒരു ദിവസം മാത്രം. സമസ്തയിലെ ഒരു വിഭാഗവും മുസ്ലിം ലീഗുമായുള്ള പ്രശ്നങ്ങൾ പരിഹരിക്കാനുള്ള ചർച്ചയിലെ ധാരണ ലംഘിച്ചതായി പാണക്കാട് സാദിഖലി ശിഹാബ് തങ്ങളും പി.കെ. [...]
