പൊന്നാനിയിൽ ബൈക്കപകടത്തിൽ ഒരു കുടുംബത്തിലെ രണ്ടു യുവാക്കൾ മരിച്ചു

പൊന്നാനിയിൽ ബൈക്കപകടത്തിൽ ഒരു കുടുംബത്തിലെ രണ്ടു യുവാക്കൾ മരിച്ചു

പൊന്നാനി : വെളിയംകോട് നിയന്ത്രണം വിട്ട ബൈക്ക് പാലത്തിൽ കൈവരി നിർമിക്കുന്നതിനായി കെട്ടിയ കമ്പിയിലേക്ക് ഇടിച്ച് കയറി രണ്ട് പേര്‍ മരിച്ചു.വെളിയംങ്കോട് അങ്ങാടി സ്വദേശി (22) വയസുള്ള പള്ളിത്താഴത്ത് ആഷിക്ക്,കരിങ്കല്ലത്താണി സ്വദേശി (19) വയസുള്ള മാട്ടേരി വളപ്പില്‍ ഫാസില്‍ എന്നിവരാണ് മരിച്ചത്.കഴിഞ്ഞ ദിവസം രാത്രി പൊന്നാനി ചാവക്കാട് ദേശീയ പാതയിൽ വെളിയംങ്കോട് ആണ് സംഭവം.

നിയന്ത്രണം വിട്ട ബുള്ളറ്റ് ബൈക്ക് പാലത്തിൽ കൈവരി നിർമിക്കുന്നതിനായി കെട്ടിയ കമ്പിയിലേക്ക് ഇടിച്ച് കയറുകയായിരുന്നു. അപകടത്തിൽ മറ്റൊരാൾക്കും ഗുരുതരമായി പരിക്കേറ്റിട്ടുണ്ട്.അപകടത്തില്‍ പരിക്കേറ്റ ആഷികിനെ നാട്ടുകാർ പൊന്നാനി താലൂക്ക് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.ഗുരുതമായി പരിക്കേറ്റ ഫാസിലിനെ കോട്ടക്കലിലെ സ്വകാര്യആശുപത്രിയില്‍ എത്തിച്ചെങ്കിലും മരണം സംഭവിക്കുകയായിരുന്നു

ഷിഹാബ് ഹസീന ദമ്പതികളുടെ മകനാണ് ആഷിഖ്. ആദിൽ ആദില എന്നിവർ സഹോദരങ്ങളാണ്. ആഷിഖ് ൻ്റെ പിതാവ് ശിഹാബിൻ്റെ സഹോദരിയുടെ മകനാണ് കൂടെ മരണപ്പെട്ട ഫാസിൽ.ഷരീഫ്, ഷാഹിദ ദമ്പതികളുടെ മകനാണ് ഫാസിൽ. ഇരുവരും വിദ്യാത്ഥികളാണ്.

പ്ലസ് വൺ സീറ്റ് ക്ഷാമത്തിൽ സമരവുമായി എസ് എഫ് ഐയും

Sharing is caring!