ഹോട്ടലുകളിൽ പരിശോധന, വൃത്തിഹീനമായ പാകം ചെയ്ത സ്ഥാപനങ്ങൾക്ക് നോട്ടീസ്

ഹോട്ടലുകളിൽ പരിശോധന, വൃത്തിഹീനമായ പാകം ചെയ്ത സ്ഥാപനങ്ങൾക്ക് നോട്ടീസ്

മലപ്പുറം: പകർച്ചവ്യാധി നിയന്ത്രണ പരിപാടിയുടെ ഭാഗമായി സംസ്ഥാനമൊട്ടാകെ നടക്കുന്ന ഹെല്‍ത്തി കേരള പരിശോധനയുടെ ഭാഗമായി ജില്ലയിലെ ഭക്ഷണ നിർമ്മാണ വിതരണ കേന്ദ്രങ്ങളിൽ ആരോഗ്യവകുപ്പ് പരിശോധന നടത്തി. ഭക്ഷണജന്യ – ജലജന്യ രോഗങ്ങൾ തടയുന്നതിന് വേണ്ടി ഭക്ഷണ നിർമ്മാണ വിതരണ യൂണിറ്റുകളുടെ ശുചിത്വം ഉറപ്പാക്കുന്നതിനായി ആണ് പരിശോധനകൾ നടത്തിയത്.

332 ഹോട്ടലുകള്‍, തട്ടുകടകള്‍, 276 കൂള്‍ബാറുകള്‍ , 23 കാറ്ററിംഗ് സെന്ററുകള്‍, 210 ബേക്കറികള്‍, 8 ഐസ് പ്ലാന്‍റുകള്‍, 9 കുടിവെള്ള ബോട്ടിലിംഗ് യൂണിറ്റുകള്‍, 9 സോഡാ നിര്‍മാണ യൂണിറ്റുകള്‍ , 22 സ്വകാര്യ കുടിവെള്ള ടാങ്കുകള്‍, 13 ഐസ്ക്രീം യൂണിറ്റുകള്‍ എന്നിവ പരിശോധിച്ചതില്‍ വൃത്തിഹീനമായ സാഹചര്യത്തില്‍ ഭക്ഷണം പാകം ചെയ്തതിനും, മലിനജലം പുറത്തേക്ക ഒഴുക്കിയതിനും, പകര്‍ച്ചവ്യാധി പടരുന്ന സാഹചര്യം സൃഷ്ടിച്ചതിനും ആയി 41 ഹോട്ടലുകള്‍ക്കും , 23 കൂള്‍ ബാറുകള്‍ക്കും 5 കാറ്ററിംഗ് സെന്‍റര്‍കള്‍ക്കും,13 ബേക്കറികള്‍ക്കും 2 ഐസ്പ്ലാന്റുകള്‍ക്കും നോട്ടീസ് നല്‍കി .

കൃഷിയിടത്തിൽ നിന്നും ഷോക്കേറ്റ് മലപ്പുറത്ത് കുട്ടി മരിച്ചു
നിയമലംഘനങ്ങള്‍ കണ്ടെത്തിയ ഇടങ്ങളില്‍ വിവിധ ഇനങ്ങളിലായി 53200 രൂപ പിഴയായി ഈടാക്കുകയും ചെയ്തു. ജില്ലയിലെ ജൂനിയര്‍ ഹെല്‍ത്ത് ഇന്‍സ്പെക്ടര്‍മാര്‍ , ഹെല്‍ത്ത് ഇന്‍സ്പെക്ടര്‍മാര്‍, ഹെല്‍ത്ത് സൂപ്പര്‍വൈസര്‍മാര്‍ , ടെക്നിക്കല്‍ അസിസ്റ്റന്റ്റ് മാര്‍ എന്നിവരുടെ നേത്രുത്വത്തില്‍ ആണ് പരിശോധന നടത്തിയത്.

മലപ്പുറം ജില്ലയിലെ വാർത്തകൾ വാട്സ്ആപ്പിൽ ലഭിക്കുവാൻ ക്ലിക്ക് ചെയ്ത് ജോയിൻ ചെയ്യുക

Sharing is caring!