ദീര്‍ഘദൂര കുതിരയോട്ട മത്സരത്തില്‍ മലപ്പുറത്തിന്റെ അഭിമാനമായ നിദയെ ആദരിച്ചു
മലപ്പുറം: ദീര്‍ഘദൂര കുതിരയോട്ട മത്സരം പൂര്‍ത്തിയാക്കി ഇന്ത്യയുടെ അഭിമാനമായി മാറിയ തിരൂര്‍ സ്വദേശിനി നിദ അന്‍ജുമിന് കായിക കൂട്ടായ്മ സ്വീകരണം നല്‍കി. മലപ്പുറം സെന്റ് ജോസഫ് ചര്‍ച്ച് പാരിഷ് ഹാളില്‍ നടന്ന പരിപാടിയില്‍ പിവി അബ്ദുല്‍ വഹാബ് എംപി ഉപഹാരം നല്‍കി. നിദയിലൂടെ മലപ്പുറം പെരുമ ഉയര്‍ത്തിയെന്ന് അദ്ദേഹം പറഞ്ഞു. ഇന്ത്യയുടെ അഭിമാനമാണ് നിദയെന്നും അദ്ദേഹം അഭിപ്രായപ്പെട്ടു.
സ്‌പോര്‍ട്‌സ് കൗണ്‍സില്‍ പ്രസിഡന്റ് വിപി അനില്‍ അധ്യക്ഷത വഹിച്ചു. പാരീസില്‍ നടന്ന ഇക്വസ്ട്രിയന്‍ വേള്‍ഡ് എന്‍ഡ്യുറന്‍സ് ചാംപ്യന്‍ഷിപ്പ് പൂര്‍ത്തിയാക്കുന്ന ആദ്യ ഇന്ത്യന്‍ ജൂനിയര്‍ താരമാണ് നിദ അന്‍ജും ചെലാട്ട്. ഒന്നിലേറെ തവണ 100 കിലോമീറ്റര്‍ ദൂരം കുതിരയോട്ടം പൂര്‍ത്തിയാക്കി ത്രീ സ്റ്റാര്‍ റൈഡര്‍ പദവി നേടിയ ആദ്യ ഇന്ത്യന്‍ വനിതയും നിദയാണ്.
മലപ്പുറം ജില്ലയിലെ വാർത്തകൾ അറിയാൻ ജോയിൻ ചെയ്യൂ
എപി അനില്‍കുമാര്‍ എം എല്‍ എ, നഗരസഭ ചെയര്‍മാന്‍ മുജീബ് കാടേരി, എംഎസ്പി അസി. കമാന്‍ഡന്റ് ഹബീബ് റഹ്‌മാന്‍, കാലിക്കറ്റ് യൂണിവേഴ്‌സിറ്റി കായിക വിഭാഗം മേധാവി ഡോ. വിപി സക്കീര്‍ ഹുസൈന്‍, വിവിധ കായിക അസോസിയേഷന്‍ പ്രതിനിധികളായ ഡോ. അന്‍വര്‍ അമീന്‍ ചേലാട്ട്, കെഎം അനില്‍കുമാര്‍, കെ അന്‍വര്‍, മജീദ് ഐഡിയല്‍, പിഎം സുധീര്‍ കുമാര്‍, സി സുരേഷ് സ്‌പോര്‍ട്‌സ് കൗണ്‍സില്‍ സെക്രട്ടറി അര്‍ജുന്‍, ജില്ലാ ഒളിമ്പിക് അസോസിയേഷന്‍ പ്രസിഡന്റ് യു തിലകന്‍, സെക്രട്ടറി ഹൃഷികേഷ് കുമാര്‍ എന്നിവര്‍ സംസാരിച്ചു.
RECENT NEWS
28 വർഷത്തെ കാത്തിരിപ്പിനൊടുവിൽ ഒതായി മാനാഫ് വധക്കേസിലെ വിചാരണ നാളെ തുടങ്ങും
എടവണ്ണ: കോളിളക്കം സൃഷ്ടിച്ച യൂത്ത് ലീഗ് പ്രവര്ത്തകന് ഒതായി മനാഫ് വധക്കേസില് 28 വര്ഷത്തിനു ശേഷം പി.വി അന്‍വര്‍ എം.എല്‍.എയുടെ സഹോദരീപുത്രന്മാരടക്കം നാലു പ്രതികളുടെ വിചാരണ മഞ്ചേരി അഡീഷണല് ജില്ലാ സെഷന്സ് കോടതി രണ്ടില് ജഡ്ജ് എ.വി ടെല്ലസ് [...]
