സാദിഖലി തങ്ങൾക്ക് ഓണക്കോടിയുമായി ശ്രീദുർഗാ ക്ഷേത്രം തന്ത്രിയുടെ പ്രതിനിധികൾ
മലപ്പുറം : പാണക്കാട് സയ്യിദ് സാദിഖലി ശിഹാബ് തങ്ങള്ക്ക് ഓണക്കോടിയും ഓണാശംസകളുമായി ശ്രീദുര്ഗാ ഭഗവതി ക്ഷേത്രം തന്ത്രി ബ്രഹ്മശ്രീ തെക്കിനിയേടത്ത് തരണനല്ലൂര് പത്മനാഭന് ഉണ്ണി നമ്പൂതിരിയുടെ പ്രതിനിധികള് പാണക്കാട്ടെത്തി. സാദിഖലി തങ്ങള്ക്ക് ഓണക്കോടിയും പാലട പ്രഥമനും ശര്ക്കര വരട്ടിയും ഉണ്ണിയപ്പവുമായാണ് സംഘം എത്തിയത്. സാഹോദര്യത്തിന്റെയും സ്നേഹത്തിന്റെയും സഹിഷ്ണുതയുടെയും വലിയ സന്ദേശമാണ് ഓണമായി നാം ഒരുമിച്ച് ആഘോഷിക്കുന്നതെന്ന് തന്ത്രി തങ്ങള്ക്ക് കൊടുത്തയച്ച ഓണസന്ദേശത്തില് പറഞ്ഞു.
മുതുവല്ലൂര് ദുര്ഗാഭഗവതി ക്ഷേത്രത്തിന്റെ പുനരുദ്ധാരണ പ്രവര്ത്തനങ്ങളോടനുബന്ധിച്ചുള്ള ചടങ്ങില് പാണക്കാട് സാദിഖലി തങ്ങള് മുഖ്യാതിഥിയായി എത്തിയിരുന്നു. ആരാധനാലയങ്ങള്ക്കകത്തെ സ്നേഹവും ആദരവും പുറത്തുമുണ്ടാവണമെന്നും മനുഷ്യനെ തിരിച്ചറിയാതെ ദൈവത്തെ തിരിച്ചറിയാന് കഴിയില്ലെന്നുമുള്ള അദ്ദേഹത്തിന്റെ വാക്കുകള് ശ്രദ്ധനേടി. മതങ്ങള്ക്കിടയില് സ്നേഹവും വിശ്വാസവും വളര്ത്തേണ്ട കാലമായതുകൊണ്ടാണ് ഓണസന്ദേശവുമായി ജാതി മത ഭേദമില്ലാതെ തന്റെ ആത്മബന്ധുക്കളെ അയക്കുന്നന്നതെന്നും അദ്ദേഹം പറഞ്ഞു.ഐതിഹ്യപ്രകാരം പരശുരാമനാല് അനുഗ്രഹീതമായ തരണനല്ലൂര് പത്മനാഭന് ഉണ്ണി നമ്പൂതിരി ആയിരക്കണക്കിന് ക്ഷേത്രങ്ങളുടെ തന്ത്രിയാണ്.
മലപ്പുറം ജില്ലയിലെ വാർത്തകൾ വാട്സ്ആപ്പിൽ ലഭിക്കുവാൻ ക്ലിക്ക് ചെയ്ത് ജോയിൻ ചെയ്യുക
മലബാര് ദേവസ്വം ബോര്ഡ് അംഗം കെ. ലോഹ്യയുടെ നേതൃത്വത്തില് എത്തിയ സംഘത്തില് പൊതുപ്രവര്ത്തകരായ കെ.പി. നൗഷാദ് അലി, ശങ്കരന് നമ്പീശന്, തലയൂര് ഇല്ലത്ത് വിനയരാജന് മൂസത്, മുതുവല്ലൂര് ദുര്ഗാ ഭഗവതി ക്ഷേത്രം ഭാരവാഹികളായ ചന്ദ്രന് പുല്ലുത്തൊടി, ശശി രാജന്, ജ്യോതിര് ബാബു, കെ പി ഗോപിനാഥന്, ശിവദാസന് കിഴക്കേപ്പാട്ട് തുടങ്ങിയവരാണ് ഉണ്ടായിരുന്നത്.
RECENT NEWS
മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണം; കേരളാ പത്രപ്രവര്ത്തക യൂണിയന്
മലപ്പുറം: മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണമെന്നു കേരളാ പത്രപ്രവര്ത്തക യൂണിയന് ജില്ലാ സമ്മേളനം ആവശ്യപ്പെട്ടു. പത്രപ്രവര്ത്തക പെന്ഷന് അപേക്ഷകളിലെ കാലതാമസം ഒഴിവാക്കാന് ഉദ്യോഗസ്ഥ തലത്തിലെ അലംഭാവം [...]
