തങ്ങൾ കുടുംബത്തിന്റെ സ്വാതന്ത്ര്യ സമര പോരാട്ടങ്ങൾ സ്മരിച്ച്‌ കുഞ്ഞാലിക്കുട്ടി നിയമസഭയിൽ
തിരുവനന്തപുരം:ഇന്ത്യൻ സ്വാതന്ത്ര്യ സമരചരിത്രത്തിൽ പോർവീര്യവുമായി ജനങ്ങളെ നയിച്ചവരിൽ അനുസ്മരിക്കപ്പെടേണ്ടവരാണ്‌ പാണക്കാട് സയ്യിദ് ഹുസൈൻ ആറ്റക്കോയ തങ്ങൾ, മമ്പുറം സയ്യിദലവി തങ്ങൾ, മമ്പുറം സയ്യിദ് ഫസൽ തങ്ങൾ തുടങ്ങിയവരെന്ന് പ്രതിപക്ഷ ഉപ നേതാവ്‌ പി കെ കുഞ്ഞാലിക്കുട്ടി നിയമസഭയിൽ പറഞ്ഞു.ബ്രിട്ടീഷ് വിരുദ്ധ പോരാട്ടങ്ങളെ ജനകീയമാക്കി തീർത്തവരാണവർ.
പത്തൊമ്പതാം നൂറ്റാണ്ടു മുതൽ ബ്രിട്ടീഷ് ആധിപത്യത്തിനെതിരിൽ നടന്ന, ബഹുജന സായുധ പോരാട്ടങ്ങളുടെ മുന്നിൽ നിലയുറപ്പിച്ചവരായിരുന്നു തങ്ങൾ കുടുംബം. തൃക്കളൂർ കലാപത്തിന് ഊർജ്ജം പകർന്ന കുറ്റം ചുമത്തിയാണ്‌ പാണക്കാട് സയ്യിദ് ഹുസൈൻ ആറ്റക്കോയതങ്ങളെ വെല്ലൂരിലേക്ക്‌ നാട്‌ കടത്തിയത്‌. ആ ശിക്ഷാ കാലയളവിൽ തങ്ങൾ വെല്ലൂരിൽ മരണമടഞ്ഞു.
അദ്ദേഹത്തിന്റെ പൗത്രനാണ്‌ ദേശീയ പ്രസ്ഥാനത്തിലൂടെ പൊതുരംഗത്ത്‌ വന്ന മുസ് ലിം ലീഗ്‌ അധ്യക്ഷനായിരുന്ന പാണക്കാട് പി എം എസ് എ പൂക്കോയ തങ്ങൾ.
മമ്പുറം സയ്യിദ് അലവി തങ്ങൾ ഇംഗ്ലീഷ് സൈന്യത്തിനെതിരെ ചേറൂരിൽ യുദ്ധ സമാനമായ ഏറ്റുമുട്ടലിനു നേതൃത്വം നൽകി.അദ്ദേഹത്തിന്റെ പുത്രനും ധീര നായകനുമായിരുന്ന സയ്യിദ് ഫസൽ തങ്ങളെ മക്കയിലേക്ക്‌ നാടുകടത്തി.
ഇങ്ങനെ ജീവിതം തന്നെ രാജ്യ സ്വാതന്ത്ര്യത്തിനു സമർപ്പിച്ച ആത്മീയ വ്യക്തിത്വങ്ങളും പണ്ഡിതന്മാരും സാധാരണക്കാരും ഏറെയുണ്ട്‌. സമര സ്മരണകളിലും ചരിത്രത്തിലും ആ പേരുകൾ അഭിമാനത്തോടെ എടുത്തു പറയേണ്ടതുണ്ടെന്ന് കുഞ്ഞാലിക്കുട്ടി ചൂണ്ടിക്കാട്ടി.
RECENT NEWS
മാതൃകയായി മലപ്പുറം; മുഴുവന്‍ അങ്കണവാടികളും സ്മാര്‍ട്ട് ആക്കി മലപ്പുറം നഗരസഭ
മലപ്പുറം: നഗരസഭയിലെ മുഴുവന്‍ അങ്കണവാടികളും സ്മാര്‍ട്ട് അങ്കണവാടിയാക്കിയതിന്റെ ഉദ്ഘാടനം കേന്ദ്ര നൈപുണ്യ വികസന മന്ത്രി ജയന്ത് ചൗധരി നിര്വഹിച്ചു. എയര്കണ്ടീഷന്, സ്മാര്‍ട്ട് ടിവി, സൗണ്ട് സിസ്റ്റം, ഹൈടെക് കളിയുപകരണങ്ങള്, ശിശു സൗഹൃദ [...]
