മലപ്പുറത്ത് കുളത്തില്‍ കുളിക്കാന്‍ പോയ 13കാരന്‍ മുങ്ങി മരിച്ചു
മലപ്പുറം: സ്‌കൂള്‍ അവധി ദിവസം പൊതു കുളത്തില്‍ കുളിക്കാന്‍ പോയ 13കാരന്‍ മുങ്ങി മരിച്ചു. കൊണ്ടോട്ടി എക്കാപറമ്പ് കാളമ്പ്രം കുന്നംപള്ളി നിസാറിന്റെ മകന്‍ അദ്നാന്‍ (13)ആണ് മരിച്ചത്.എക്കാപ്പറമ്പ് മഞ്ഞ പുലത്ത്പാറ പൊതു കുളത്തില്‍ കുളിക്കുന്നതിനിടെ ഉച്ചയോടെയാണ് അപകടം.ഓടിക്കൂടിയ നാട്ടുകാര്‍ കുട്ടിയെ പുറത്തെടുത്ത് കൊണ്ടോട്ടിയിലെ സ്വകാര്യ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. കൊട്ടുക്കര പി.പി.എം. ഹയര്‍ സെക്കന്‍ഡറി സ്‌കൂളിലെ ഒന്‍പതാം ക്ലാസ് വിദ്യാര്‍ഥിയാണ്.മൃതദേഹം പോസ്റ്റ്മോര്‍ട്ടത്തിനായി മഞ്ചേരി മെഡിക്കല്‍ കോളജ് മോര്‍ച്ചറിയിലേക്ക് മാറ്റി.മാതാവ്.ശാനിബ.സഹോദരങ്ങള്‍: നിഷാന്‍ അഹമ്മദ് ,നുബാ നഹ്റിന്‍.
കഴിഞ്ഞ ദിവസങ്ങളിലായി ശ്കതമായ മഴപെയ്തതിനാല്‍ പ്രദേശത്തെ കുളത്തിലും കിണറുകളിലുമെല്ലാം സാധാരണ നിലയിലേക്കാള്‍ വെള്ളമുണ്ട്. കഴിഞ്ഞ മാസം തൊട്ടടുത്ത പ്രദേശമായ ഒഴൂര്‍ ഓണക്കാട് തറക്കല്‍ ക്ഷേത്ര കുളത്തില്‍ നിന്താന്‍ പോയ വിദ്യാര്‍ത്ഥിയും മുങ്ങിമരിച്ചിരുന്നു. എരഞ്ഞിക്കല്‍ ചന്ദ്രന്റെയും സീമ (ആശാവര്‍ക്കര്‍) യുടെ മകന്‍ നിബിന്‍ചന്ദ്രന്‍(17) യാണ് മുങ്ങിമരിച്ചത്, ഒഴൂര്‍ അയ്യായ സി.പി.സി.എച്ച് ഹയര്‍ സെക്കണ്ടറി സ്‌കൂള്‍ പ്ലസ് ടു വിദ്യാര്‍ത്ഥിയായിരുന്നു. നിന്തുന്നതിനിടയില്‍ കാല്‍ കുഴഞ്ഞ് കുളത്തില്‍ താഴുകയായിരുന്നു. തുടര്‍ന്ന് തിരൂരില്‍ നിന്നെത്തിയ ഫയര്‍ ഫോഴ്സിലെ ഫയര്‍ ആന്‍ഡ് റെസ്‌ക്യൂ ഓഫീസര്‍ സജിത്ത് സ്‌കൂബയുടെ സഹായത്തോടെ കുളത്തില്‍ നിന്നുംമുങ്ങി എടുക്കുകയായിരുന്നു.
RECENT NEWS
ലോക്സഭാ തിരഞ്ഞെടുപ്പ്: വോട്ടിങ് മെഷീനുകളുടെ രണ്ടാം ഘട്ട റാന്ഡമൈസേഷന് പൂര്ത്തിയായി
മലപ്പുറം: ലോക്സഭാ തിരഞ്ഞെടുപ്പിൽ ഉപയോഗിക്കുന്നതിനായി ജില്ലയിലെ വിവിധ നിയോജകമണ്ഡലങ്ങളിലേക്കും പൊന്നാനി ലോക്സഭാ മണ്ഡലത്തില് ഉള്പ്പെടുന്ന തൃത്താല നിയോജകമണ്ഡലത്തിലേക്കും അനുവദിച്ച വോട്ടിങ് യന്ത്രങ്ങളുടെ രണ്ടാം ഘട്ട റാന്ഡമൈസേഷന് പൂര്ത്തിയായി. [...]
