കോട്ടക്കുന്നിൽ നിറങ്ങൾ പൂത്തുലയും
മലപ്പുറം കോട്ടക്കുന്ന് ടൂറിസം കേന്ദ്രത്തിന് ഇനി വർണ ലേസറുകൾ കൂടുതൽ ഭംഗിയേകും. ടൂറിസം പാർക്കിലെ പ്രധാന ആകർഷണമായ ലേസർഷോ പുതുമോടിയോടെ അന്താരാഷ്ട്ര നിലവാരത്തിലുള്ള ലൈറ്റ് ആൻഡ് സൗണ്ട് ഷോ ആകുന്നു. വിണ്ണിലും മനസ്സിലും ഒരുപോലെ നിറമഴ പെയ്തിറങ്ങുന്ന ലേസർഷോ സന്ദർശകർക്കായി പൂർണ സജ്ജം. കഴിഞ്ഞ ദിവസം ട്രയൽ റൺ പൂർത്തിയാക്കി. ഷോ ഉടൻ ആരംഭിക്കും.
കാലപ്പഴക്കത്തിന്റെ അവശതകൾ മാറ്റിയാണ് നിലവിലെ ലേസർഷോ മെഗാ ലേസർഷോ ആക്കി മാറ്റിയത്. കോവിഡിലെ അടച്ചുപൂട്ടൽമൂലം നിലവിലെ ലേസർഷോ സിസ്റ്റം തകരാറിലായി. തുടർന്നാണ് ഷോ ആധുനിക സംവിധാനത്തിൽ പുതുമോടിയിൽ ഒരുക്കുന്നത്. കഴിഞ്ഞ ഓക്ടോബറിൽ മന്ത്രി കോട്ടക്കുന്ന് സന്ദർശിച്ചപ്പോൾ ഡിടിപിസി അധികൃതർ ലേസർഷോയുടെ പുതിയ മാറ്റം ശ്രദ്ധയിൽപ്പെടുത്തിയിരുന്നു. മന്ത്രിയുടെ ഇടപെടൽ നിലവിലെ പത്ത് മിനിറ്റ് പരിപാടി പുതുമോടിയിൽ ഇരുപത് മിനിറ്റാക്കി ഉയർത്തി. മലപ്പുറത്തിന്റെ പൈതൃകത്തെയും തനത് കലകളെയും കോർത്തിണക്കിയാണ് ലേസർ ഷോ.ഇടവേളക്കുശേഷം കൂടുതൽ സൗന്ദര്യത്തിൽ നിറഞ്ഞുനിൽക്കുന്ന കോട്ടക്കുന്നിൽ മെഗാ ലേസർഷോ സന്ദർശകരെ ആഹ്ലാദിപ്പിക്കും.
RECENT NEWS
പി ഉബൈദുള്ള എം എൽ എയുടെ ഉമ്മ അന്തരിച്ചു
മലപ്പുറം: ആനക്കയം സ്വദേശി പരേതനായ പൂളക്കണ്ണി അഹമ്മദ്കുട്ടിമാസ്റ്ററുടെ ഭാര്യയും പി.ഉബൈദുള്ള എം.എല്.എയുടെ മാതാവുമായ കലയത്ത് സൈനബ ഹജ്ജുമ്മ (88) മരണപ്പെട്ടു. മറ്റു മക്കള്: മൂസ സ്വലാഹി (റിട്ട. പ്രിന്സിപ്പല് അന്സാര് കോളേജ് വളവന്നൂര്), അബ്ദുല് [...]