പിണങ്ങി കഴിയുന്ന രണ്ടാം ഭാര്യയെ കാണാനെത്തിയയാള്‍ എടപ്പാള്‍ മേല്‍പാലത്തിന് മുകളില്‍നിന്നും ചാടി ആത്മഹത്യാ ഭീഷണിയുയര്‍ത്തി
മലപ്പുറം: പിണങ്ങി കഴിയുന്ന രണ്ടാം ഭാര്യയെ കാണാനെത്തിയയാള്‍ പാലത്തിന് മുകളില്‍ നിന്നും ചാടി ആത്മഹത്യാ ഭീഷണിയുയര്‍ത്തിയത് മണിക്കൂറുകളോളം. ഇതോടെ ജനം പരിഭ്രാന്തരായി.
എടപ്പാള്‍ മേല്‍പ്പാലത്തിന് മുകളില്‍ ഇന്ന് വൈകീട്ടോടെയാണ് സംഭവം നടന്നത്. തിരൂരിലെ സ്വകാര്യ ആശുപത്രിയില്‍ ജോലി ചെയ്യുന്ന രണ്ടാം ഭാര്യയെ കാണാനെത്തിയ ഇടുക്കി സ്വദേശിയായ യുവാവാണ് മദ്യപിച്ചെത്തി ഭീതി ഉയര്‍ത്തിയത്. ഭാര്യ കാണാന്‍ വിസമ്മദിച്ചതിനെ തുടര്‍ന്ന് തിരൂരില്‍ നിന്നും എടപ്പാളിലെത്തിയ ഇയാള്‍ കുറ്റിപ്പുറം കോഴിക്കോട് റോഡില്‍ ഗതാഗതം തടസ്സപ്പെടുത്തി. ഇവിടെ നിന്നും മാറ്റാനുള്ള ശ്രമങ്ങള്‍ ഹോംഗാര്‍ഡിന്റെ നേതൃത്വത്തില്‍ നടത്തിയെങ്കിലും പരാജയപെട്ടു. തുടര്‍ന്ന് എടപ്പാള്‍ ടൗണിലെത്തിയ ഇയാള്‍ മേല്‍പ്പാലത്തിന് മുകളില്‍ കയറുകയും താഴെക്ക് ചാടാന്‍ ശ്രമിക്കുകയുമായിരുന്നു. നാട്ടുകാരും ടാക്‌സി ഡ്രൈവര്‍മാരും ചേര്‍ന്ന് ഇയാളെ പിടിച്ച് നിര്‍ത്തി. ഇതോടെ എടപ്പാളില്‍ ഗതാഗത കുരുക്ക് രൂക്ഷമായി. വിവരമറിയിച്ചതിനെ തുടര്‍ന്ന് ചങ്ങരംകുളം എസ്.ഐ വിജയകുമാരന്റെ നേതൃത്വത്തിലുള്ള പോലീസ് സംഘം സ്ഥലത്തെത്തി ഇയാളെ സ്റ്റേഷനിലേക്ക് മാറ്റി. യുവാവിനെ ബന്ധുക്കളെ വിളിച്ച് വരുത്തി അവര്‍കൊപ്പം വിടും
RECENT NEWS
അൻവറിനെതിരെ രൂക്ഷ വിമർശനവുമായി എം വി ഗോവിന്ദൻ; പുതിയ പാർട്ടിയെന്നത് പ്രഖ്യാപനം മാത്രമായി
തിരുവനന്തപുരം: അൻവർ ഉന്നയിച്ച വിഷയങ്ങൾക്ക് അടിസ്ഥാനമില്ലെന്നും അൻവറിനെ നായകനാക്കി നാടകങ്ങൾ അരങ്ങേറിയെന്നും സി പി എം സംസ്ഥാന സെക്രട്ടറി എം വി ഗോവിന്ദൻ. ആരോപണങ്ങൾ ചീട്ടുകൊട്ടാരം പോലെ തകർന്നു. പുതിയ പാർട്ടി എന്നത് പ്രഖ്യാപനം മാത്രമായി മാറി. [...]
