മലപ്പുറം തിരൂരങ്ങാടിയില്‍ വിദ്യാര്‍ഥിനി ബസ്സില്‍നിന്ന് തെറിച്ചുവീണ സംഭവത്തില്‍ ഡ്രെവറുടെ ലൈസന്‍സ് സസ്‌പെന്‍ഡ് ചെയ്തു
മലപ്പുറം: മലപ്പുറം തിരൂരങ്ങാടി ഗവണ്മെന്റ് സ്‌കൂളിലെ വിദ്യാര്‍ത്ഥിനി കഴിഞ്ഞദിവസം ബസ്സില്‍ നിന്നും തെറിച്ചുവീണ സംഭവത്തില്‍ നടപടിയെടുത്ത് തിരൂരങ്ങാടി മോട്ടോര്‍ വാഹന വകുപ്പ് ഉദ്യോഗസ്ഥര്‍. ഡിലൈറ്റ് എന്ന സ്വകാര്യ ബസിലെ ഡ്രൈവര്‍ക്കെതിരെയാണ് നടപടി എടുത്തത്. ഇന്നു രാവിലെ എട്ടു മണിയോടെ തിരൂരങ്ങാടി ജോയിന്റ് ആര്‍ടിഒ എം.പി. അബ്ദുല്‍ സുബൈറിന്റെ നിര്‍ദ്ദേശപ്രകാരം എം.വി.ഐ എം.കെ പ്രമോദ് ശങ്കര്‍ ബസ് കക്കാട് വെച്ച് പരിശോധിക്കുകയും അപകടകരമായ രീതിയില്‍ ബസ് ഓടിച്ചതിന് ഡ്രൈവറുടെ ലൈസന്‍സ് സസ്‌പെന്‍ഡ് ചെയ്യുകയായിരുന്നു. കൂടാതെ പ്രോസിക്യൂഷന്‍ അടക്കമുള്ള നിയമനടപടികള്‍ സ്വീകരിക്കുന്നതിന് ശുപാര്‍ശ ചെയ്തു. വിദ്യാര്‍ഥിനി ബസില്‍നിന്നു തെറിച്ചുവീണ സംഭവത്തിന്റെ സിസിടിവി ദൃശ്യങ്ങള്‍ സാമൂഹ്യ മാധ്യമങ്ങളില്‍ വൈറലായിരുന്നു. വിദ്യാര്‍ഥിനി ബസില്‍ നിന്ന് തെറിച്ചുവീണതിനെ തുടര്‍ന്ന് തിരൂരങ്ങാടി താലൂക്കിലെ വിവിധ ഭാഗങ്ങളില്‍ രാവിലെയും വൈകുന്നേരവും മോട്ടോര്‍ വാഹന വകുപ്പ് ഉദ്യോഗസ്ഥര്‍ സ്‌കൂള്‍ പരിസരങ്ങളില്‍ പരിശോധന കര്‍ശനമാക്കിയിട്ടുണ്ട്.
RECENT NEWS
കലക്ടറേറ്റില്‍ ഭീഷണിയായ മുള്ള് പൂള മുറിച്ച് മാറ്റി മങ്കട ട്രോമകെയര് പ്രവര്‍ത്തകര്‍
മലപ്പുറം: കലക്ടറേറ്റില്‍ ദുരന്ത ഭീഷണി ഉയര്ത്തിയിരുന്ന വന് മരം മുറിച്ചു മാറ്റി. ജില്ലാ കലക്ടറുടെ കാര്യാലയത്തിനു സമീപം ദുരന്തനിവാരണ സമിതി ഓഫീസിനോട് ചേര്ന്നു നിലനിന്നിരുന്ന മുള്ള് പൂളയാണ് മുറിച്ചുമാറ്റിയത്. മങ്കട ട്രോമാകെയര് പ്രവര്ത്തകരാണ് [...]
