ഇരട്ടഗർഭസ്ഥ ശിശുക്കളുടെ മരണം; ആരോഗ്യവകുപ്പ് സെക്രട്ടറിയോട് നേരിട്ട് ഹാജറാകാൻ നിർദേശം
മലപ്പുറം: മഞ്ചേരി ഗവ.മെഡിക്കൽ കോളജ് ആശുപത്രിയിൽ നിന്നും പൂർണ ഗർഭിണിയായ യുവതിക്ക് ചികിത്സ നിഷേധിച്ചതിനെ തുടർന്ന് ഇരട്ട ഗർഭസ്ഥ ശിശുക്കൾ മരിച്ച സംഭവത്തിൽ സംസ്ഥാന ആരോഗ്യ പ്രിൻസിപ്പൽ സെക്രട്ടറിയോട് ദേശീയ മനുഷ്യാവകാശ കമീഷന് മുന്നിൽ നേരിട്ട് ഹാജറാകാൻ നിർദേശം. പുത്തനഴി സ്വദേശി ഡോ.സൈനുൽ ആബിദീൻ ഹുദവി നൽകിയ പരാതിയിലാണ് കമ്മീഷൻ നിയമവിഭാഗം അസി.രജിസ്ട്രാർ കെ.കെ.ശ്രീവാസ്തവ കത്തയച്ചത്. വരുന്ന ജൂൺ 21ന് ഹാജറാകണമെന്നാണ് കത്തിലെ പ്രധാന നിർദേശം. ഇതിന് ഒരാഴ്ച മുമ്പ് അന്വേഷണ റിപ്പോർട്ട് കമീഷന് സമർപ്പിക്കണം. മനുഷ്യാവകാശ കമീഷൻറെ നിയമപരമായ ഉത്തരവ് പാലിക്കുന്നതിൽ സംസ്ഥാന സർക്കാർ വീഴ്ചവരുത്തിയതായി കത്തിലുണ്ട്. നേരിട്ട് ഹാജറാകാത്ത പക്ഷം മെഡിക്കൽ വിദ്യാഭ്യാസ വകുപ്പ് ഡ‍യറക്ടറും ആരോഗ്യവകുപ്പ് സെക്രട്ടറിയും നടപടി നേരിടേണ്ടി വരുമെന്നും കമ്മീഷൻ മുന്നറിയിപ്പ് നൽകി. കമീഷൻ പലതവണ ആവശ്യപ്പെട്ടിട്ടും ആരോഗ്യവകുപ്പും മെഡിക്കൽ വിദ്യാഭ്യാസ വകുപ്പും അന്വേഷണ റിപ്പോർട്ട് നൽകാത്തതിനെ തുടർന്നാണ് സെക്രട്ടറിയോട് നേരിട്ട് ഹാജരാകാൻ നിർദേശിച്ചത്. കുറ്റക്കാർക്കെതിരെ നാലാഴ്ചക്കകം നടപടി സ്വീകരിക്കണമെന്നാവശ്യപ്പെട്ട് 2020 നവംബർ 19ന് ഡി.എം.ഇ, ആരോഗ്യകുടുംബക്ഷേമ പ്രിൻസിപ്പൽ സെക്രട്ടറി എന്നിവർക്ക് കമ്മീഷൻ കത്തയച്ചിരുന്നു. ഇതിന് സർക്കാർ മറുപടി നൽകിയില്ല. 2021 മെയ് നാലിന് വീണ്ടും കമ്മീഷൻ വിഷയം സർക്കാറിൻറെ ശ്രദ്ധയിൽപ്പെടുത്തി. നടപടി ആവശ്യപ്പെട്ട് അന്ത്യശാസനം നൽകിയിട്ടും വിഷയത്തിൽ സർക്കാർ ഇടപെട്ടില്ല. ഈ സാഹചര്യത്തിലാണ് കമീഷൻ ആരോഗ്യ വകുപ്പ് സെക്രട്ടറിയെ നേരിട്ട് വിളിപ്പിക്കുന്നത്. സുപ്രഭാതം മഞ്ചേരി ലേഖകൻ കിഴിശ്ശേരി സ്വദേശി എൻ.സി.മുഹമ്മദ് ഷെരീഫ് – സഹല തസ്നീം ദമ്പതികളുടെ ഇരട്ട കുട്ടികളാണ് 2020 സെപ്റ്റംബർ 27ന് മരിച്ചത്. സംഭവം നടന്ന് ഒന്നര വർഷം പിന്നിട്ടിട്ടും കുറ്റക്കാർക്കെതിരെ നടപടി ഉണ്ടായിട്ടില്ല
RECENT NEWS
അൻവറിന്റെ രാഷ്ട്രീയ നീക്കത്തോട് വിജോജിപ്പുമായി കെ ടി ജലീൽ; സി പി എമ്മിനെ കൈവിടില്ല
വളാഞ്ചേരി: മാധ്യമ പ്രവർത്തകരെ വിളിച്ചു വരുത്താൻ ഉപയോഗിച്ച തന്ത്രമാണ് വെളിപ്പെടുത്തലുകളുണ്ടാകുമെന്ന് പറഞ്ഞതെന്ന് കെ ടി ജലീൽ. ചില പാർട്ടികളിലെ ജനപ്രതിനിധികളെ പോലെ മരണം വരെ ജനപ്രതിനിധിയായി തുടരുന്നതിന് താൽപര്യമില്ലെന്നും അതിനാലാണ് പാർലമെന്ററി [...]
