കോടികള് വിലമതിക്കുന്ന ഇരുതല മൂരിയുമായി മലപ്പുറത്തുകാരന് പിടിയില്
മലപ്പുറം: അന്താരാഷ്ട്ര വിപണിയില് കോടികള് വിലമതിക്കുന്ന ഇരുതലമൂരി എന്നറിയപ്പെടുന്ന പാമ്പുമായി മലപ്പുറം സ്വദേശി പിടിയില്. മലപ്പുറം പരപ്പനങ്ങാടി ഒട്ടുമ്മല് സ്വദേശി ഹബീബിനെയാണ് പിടികൂടിയത്. പാലക്കാട് ജഗ്ഷന് റെയില്വേസ്റ്റേഷനില് നിന്നാണ് ഇയാള് വലയിലായത്.
ആന്ധ്രാപ്രദേശില് നിന്ന് മലപ്പുറത്തേക്ക് കടത്തികൊണ്ട് വന്ന പാമ്പിനെയാണ് റെയില്വേ സംരക്ഷണ സേനയുടെ ക്രൈം ഇന്റലിജന്സ് ബ്രാഞ്ച് പാലക്കാട്ട് പിടിച്ചെടുത്തത്.നാലേകാല് കിലോഗ്രാം തൂക്കവും 25 സെന്റീമീറ്റര് വണ്ണവും ഒന്നേകാല് മീറ്ററോളം നീളവുമുള്ളതാണ് പാമ്പ്.
അന്താരാഷ്ട്ര വിപണിയില് കോടികള് വിലമതിക്കുന്ന ഈ പാമ്പ് ഇന്ത്യയില് ഇതുവരെ പിടിച്ചിട്ടുള്ളവയില് ഏറ്റവും വലുതാണെന്നാണ് റിപ്പോര്ട്ട്. മലപ്പുറത്ത് നിന്നും പാമ്പിനെ വിദേശത്തേയക്ക് കടത്താനായിരുന്നു പ്രതിയുടെ പദ്ധതിയെന്ന് ആര്പിഎഫ് സംഘം വ്യക്തമാക്കി.
രക്ഷപ്പെടാന് ശ്രമിച്ച പ്രതിയെ മല്പ്പിടുത്തത്തിലൂടെയാണ് ആര്പിഎഫ് സംഘം പിടികൂടിയത്. പിടിച്ചെടുത്ത പാമ്പിനെയും പ്രതിയെയും വനംവകുപ്പിന് കൈമാറുമെന്ന് അധികൃതര് വ്യക്തമാക്കി.
RECENT NEWS
ബൈക്കപകടത്തിൽ പരുക്കേറ്റ് ചികിൽസയിലായിരുന്ന വിദ്യാർഥി മരിച്ചു
വളാഞ്ചേരി: ബൈക്കപകടത്തിൽ പരുക്കേറ്റ് ചികിൽസയിലായിരുന്ന വിദ്യാർഥി മരിച്ചു. ബൈപ്പാസ് റോഡ് സ്വദേശിയും മമ്പുറത്ത് താമസക്കാരനുമായ വി കെ റഹീമിന്റെ (ഓട്ടോ ഡ്രൈവർ) മകൻ സൽമാൻ മമ്പുറമാണ് മരിച്ചത്. കഴിഞ്ഞ വ്യാഴാഴ്ച്ച വളാഞ്ചേരി പോലീസ് സ്റ്റേഷൻ പരിധിയിൽ [...]
