അന്യസംസ്ഥാനങ്ങളില്‍ നിന്നും വന്‍തോതില്‍ കഞ്ചാവ് എത്തിച്ച് വില്പന നടത്തുന്ന നാലംഗ സംഘം തിരൂരില്‍ പിടിയില്‍
തിരൂര്‍: അന്യസംസ്ഥാനങ്ങളില്‍ നിന്നും വന്‍തോതില്‍ കഞ്ചാവ് എത്തിച്ച് വില്പന നടത്തുന്ന നാലംഗ സംഘത്തെ തിരൂര്‍ പോലീസ് പിടികൂടി. ചെമ്പ്ര സ്വദേശികളായ പറമ്പാട്ട് ഷെഫീഖ് (32), തെയ്യത്തില്‍ മുഹമ്മദ് മുസ്തഫ (40), പുന്നയില്‍ മുബീന്‍ (28), തെക്കുംമുറി സ്വദേശി കൊടിയേരി പ്രജിത്ത് (31) എന്നിവരാണ് പിടിയിലായത്. തമിഴ്‌നാട്-കര്‍ണാടക അതിര്‍ത്തി പ്രദേശങ്ങളില്‍ നിന്ന് കഞ്ചാവ് ശേഖരിച്ച് തിരൂരിലും പരിസരങ്ങളിലും വലിയ വിലയ്ക്ക് ചെറിയ പാക്കറ്റുകളിലാക്കി വില്പന നടത്തുകയാണ് സംഘത്തിന്റെ രീതി. ഷെഫീഖ് താമസിക്കുന്ന തുമരക്കാവിലെ വാടക വീട്ടില്‍ നിന്നും അമ്പതോളം കഞ്ചാവ് പാക്കറ്റുകളും ഇലക്ട്രോണിക് തുലാസുകളും പോലീസ് കണ്ടെടുത്തു. തിരൂര്‍ സി.ഐ ജിജോയുടെ നേതൃത്വത്തില്‍ എസ്.ഐ ജലീല്‍ കറുത്തേടത്ത് സിവില്‍ പോലീസ് ഓഫീസര്‍മാരായ മുഹമ്മദ്കുട്ടി, ഉണ്ണിക്കുട്ടന്‍, ധനേഷ്‌കുമാര്‍, ഷിജിത്ത്, ആന്റണി, അക്ബര്‍ എന്നിവരടങ്ങിയ പോലീസ് സംഘമാണ് പ്രതികളെ പിടികൂടിയത്. പ്രതികളുടെ ലഹരികടത്തിനെകുറിച്ച് കൂടുതല്‍ അന്വഷണം നടക്കുന്നതായി പോലീസ് അറിയിച്ചു.
RECENT NEWS
ചെറവല്ലൂര്‍ ബണ്ട് റോഡ് പ്രവൃത്തി ഉദ്ഘാടനം മന്ത്രി മുഹമ്മദ് റിയാസ് നിർവഹിച്ചു
പൊന്നാനി: പെരുമ്പടപ്പ് നിവാസികളുടെ സ്വപ്നമായ ചെറവല്ലൂര്‍ ബണ്ട് റോഡിന്റെ പ്രവൃത്തി ഉദ്ഘാടനം പൊതുമരാമത്ത് വകുപ്പ് മന്ത്രി പി എ മുഹമ്മദ് റിയാസ് ഓണ്ലൈനായി നിര്വഹിച്ചു. പശ്ചാത്തല വികസന മേഖലയില് കേരളം സാധ്യമാകുന്ന എല്ലാ കാര്യങ്ങളും ചെയ്ത് [...]
