പെരിന്തല്‍മണ്ണ പാടത്തുവെച്ച് രണ്ടു സുഹൃത്തുക്കള്‍ക്കൊപ്പം 24കാരിയെ കൂട്ട ബലാല്‍സംഗം ചെയ്ത പ്രതിക്ക് ജാമ്യമില്ല

പെരിന്തല്‍മണ്ണ പാടത്തുവെച്ച് രണ്ടു സുഹൃത്തുക്കള്‍ക്കൊപ്പം 24കാരിയെ കൂട്ട ബലാല്‍സംഗം ചെയ്ത പ്രതിക്ക് ജാമ്യമില്ല

മഞ്ചേരി : ഇരുപത്തിനാലുകാരിയെ കൂട്ടബലാല്‍സംഗത്തിന് വിധേയയാക്കിയെന്ന കേസില്‍ റിമാന്റില്‍ കഴിയുന്ന യുവാവിന്റെ ജാമ്യാപേക്ഷ മഞ്ചേരി ജില്ലാ സെഷന്‍സ് കോടതി തള്ളി. പെരിന്തല്‍മണ്ണ പാതാക്കര കോലോത്തുംപടി കോങ്ങാടന്‍ ഷാനവാസ് (37)ന്റെ ജാമ്യാപേക്ഷയാണ് തള്ളിയത്. ഫേസ് ബുക്കിലൂടെ പരിചയപ്പെട്ട പെണ്‍കുട്ടിക്ക് വിവാഹവാഗ്ദാനം നല്‍കി 2021 ഒക്ടോബര്‍ 12ന് പെരിന്തല്‍മണ്ണയിലെ സ്വകാര്യ ലോഡ്ജില്‍ കൊണ്ടുപോയി പ്രതി ലൈംഗികമായി പീഡിപ്പിച്ചു. തൊട്ടടുത്ത ദിവസം വയനാട്ടിലെ വൈത്തിരിയില്‍ കൊണ്ടുപോയി ആയുര്‍വേദം എന്ന സ്ഥാപനത്തിന്റെ മുറിയില്‍ വെച്ച് പ്രതിയും മൂന്ന് സുഹൃത്തുക്കളും ചേര്‍ന്ന് കൂട്ടബലാല്‍സംഗം ചെയ്തുവെന്നാണ് കേസ്. ഇക്കഴിഞ്ഞ ജനുവരി അഞ്ചിന് രാത്രി പെരിന്തല്‍മണ്ണയിലെ പാടത്തുവെച്ച് രണ്ടു സുഹൃത്തുക്കള്‍ക്കൊപ്പം പ്രതി ബലാല്‍സംഗം ചെയ്തതായും പരാതിയില്‍ പറയുന്നു. ജനുവരി ഏഴിനാണ് പെണ്‍കുട്ടി പെരിന്തല്‍മണ്ണ പൊലീസില്‍ പരാതി നല്‍കിയത്. എട്ടിന് പ്രതിയെ അറസ്റ്റ് ചെയ്തു. പെരിന്തല്‍മണ്ണ ഡി വൈ എസ് പി എം സന്തോഷ് കുമാറാണ് കേസന്വേഷിക്കുന്നത്.

 

Sharing is caring!