പ്രബഞ്ചത്തിലെ ജീവജാലങ്ങളില്‍ ഇന്‍ഫ്രാറെഡ് രശ്മികളാലുള്ള കോശേതര ജീവിവര്‍ഗത്തിന്റെ സാന്നിദ്ധ്യം കണ്ടെത്തി മലപ്പുറത്തെ യുവഗവേഷകന്‍
മഞ്ചേരി: പ്രബഞ്ചത്തിലെ ജീവജാലങ്ങളില്‍ ഇന്‍ഫ്രാറെഡ് രശ്മികളാലുള്ള കോശേതര ജീവിവര്‍ഗത്തിന്റെ സാന്നിദ്ധ്യം കണ്ടെത്തി മലയാളിയായ യുവ ഗവേഷകന്‍. നിലമ്പൂര്‍ സ്വദേശി ചെമ്മല സ്വാദിഖ് വാഫിയാണ് പ്രകാശശാസ്ത്ര, ജീവശാസ്ത്ര പഠന മേഖലകളിലെ നിര്‍ണായകമായ പുതിയ കണ്ടെത്തലിന് പിന്നില്‍. ഇന്‍ഫ്രാ ബീയിംഗ്‌സ് എന്നാണ് പുതിയ ജീവിവര്‍ഗത്തിന്റെ പേര്. മൂന്ന് വര്‍ഷത്തെ ശാസ്ത്രീയ നിരീക്ഷണങ്ങള്‍ക്കൊടുവിലാണ് പുതിയ ജീവിവര്‍ഗത്തിന്റെ സാന്നിദ്ധ്യം കണ്ടെത്തിയത്. ഇദ്ധേഹത്തിന്റെ പഠനം ഐ.എസ്.എസ്.എന്‍ അംഗീകാരമുള്ള പിയര്‍ റിവ്യൂ ജേണലായ ജേണല്‍ ഓഫ് ഫിസിക്‌സ് ആന്റ് ആസ്‌ട്രോണമി പ്രസിദ്ധീകരിക്കുകയും ചെയ്തു. 10ാം വാള്യത്തിലാണ് ഗവേഷണ പഠനം പ്രസിദ്ധീകരിച്ചത്. മനുഷ്യന്റെ നഗ്‌നനേത്രങ്ങള്‍ കൊണ്ട് കാണാന്‍ കഴിയാത്ത രശ്മികളാലുള്ള പുതിയ ജീവിവര്‍ഗത്തിന്റെ സാന്നിദ്ധ്യം ഇന്‍ഫ്രാറെഡ് നൈറ്റ് വിഷന്‍ സാങ്കേതിക വിദ്യയുളള ക്യാമറയുടെ സഹായത്താല്‍ നിലമ്പൂരിലെ വിവിധ പ്രദേശങ്ങളില്‍ നടത്തിയ മൂന്ന് വര്‍ഷം നീണ്ട ശാസ്ത്രീയ പരിശോധനകളിലൂടെയാണ് കണ്ടെത്താനായത്. വ്യത്യസ്ത ദിശയിലേക്ക് സഞ്ചരിക്കാനും സ്വയം വേഗത നിയന്ത്രിക്കാനുമുള്ള ഇന്‍ഫ്രാ ബീയിംഗ്‌സിന്റെ കഴിവ് പ്രകാശത്തില്‍ നിന്ന് ഇവയെ വ്യത്യസ്തരാക്കുന്നു. ഇവയ്ക്ക് പ്രകാശത്തേക്കാള്‍ വേഗതയില്‍ സഞ്ചരിക്കാനും സാധിക്കുമെന്ന് സ്വാദിഖ് വാഫി പറയുന്നു. വലിയ തോതില്‍ ഇലക്ട്രോ മാഗ്‌നൈറ്റ് റേഡിയേഷന്‍ പുറം തള്ളുന്ന നക്ഷത്രങ്ങളില്‍ നിന്നോ മറ്റോ ആയിരക്കണക്കിന് വര്‍ഷങ്ങള്‍ക്ക് മുമ്പ് രൂപപ്പെട്ട വന്നതായിരിക്കാം ഇന്‍ഫ്രാ ബീയിംഗ്‌സ് എന്നും ഗവേഷകന്‍ പറയുന്നു. കാവനൂര്‍ മജ്മഅ് ശരീഅത്ത് ആന്റ് ആര്‍ട്‌സ് കോളജില്‍ നിന്ന് ഇസ്ലാമിക് ശരീഅയില്‍ ബിരുദാനന്തര ബിരുദവും കാലിക്കറ്റ് സര്‍വകലാശാലയില്‍ നിന്ന് ഇംഗ്ലീഷ് സാഹിത്യത്തില്‍ ബിരുദവും കരസ്ഥമാക്കിയിട്ടുണ്ട്. നിലമ്പൂര്‍ തൊണ്ടിയില്‍ ചെമ്മല മുഹമ്മദിന്റെയും ഹവ്വാ ഉമ്മയുടെയും മകനാണ് സ്വാദിഖ് വാഫി.
RECENT NEWS
അൻവറിനെതിരെ രൂക്ഷ വിമർശനവുമായി എം വി ഗോവിന്ദൻ; പുതിയ പാർട്ടിയെന്നത് പ്രഖ്യാപനം മാത്രമായി
തിരുവനന്തപുരം: അൻവർ ഉന്നയിച്ച വിഷയങ്ങൾക്ക് അടിസ്ഥാനമില്ലെന്നും അൻവറിനെ നായകനാക്കി നാടകങ്ങൾ അരങ്ങേറിയെന്നും സി പി എം സംസ്ഥാന സെക്രട്ടറി എം വി ഗോവിന്ദൻ. ആരോപണങ്ങൾ ചീട്ടുകൊട്ടാരം പോലെ തകർന്നു. പുതിയ പാർട്ടി എന്നത് പ്രഖ്യാപനം മാത്രമായി മാറി. [...]
