ഇന്ത്യ ബുക്ക് ഓഫ് റെക്കോര്‍ഡ്‌സില്‍ ഇടംനേടി മലപ്പുറത്തെ രണ്ട് വയസ്സുകാരന്‍
ചങ്ങരംകുളം :പിച്ച വെച്ച് നടക്കുന്ന പ്രായത്തില്‍ തന്നെ റെക്കോര്‍ഡുകള്‍ സൃഷ്ടിച്ച് അഭിമാനമാവുകയാണ് ചങ്ങരംകുളം കൊഴിക്കര സ്വദേശിയായ രണ്ട് വയസുകാരന്‍.കൊഴിക്കര സ്വദേശികളായ മുള്ളംകുന്നത്ത് റിനീഷ് ഹരിത ദമ്പതികളുടെ രണ്ട് വയസുകാരനായ മകന് ധ്രുവ് റിനീഷ് ആണ് ഓര്‍മ്മ ശക്തിയുടെ മികവിലൂടെ ആരെയും അമ്പരപ്പിക്കുന്നത്.മകന് ചില കാര്യങ്ങള്‍ അനായാസമായി ഓര്‍ത്ത് വെക്കാന്‍ കഴിയുന്നുണ്ടെന്ന് കുട്ടിയുടെ അമ്മയ്ക്ക് നേരത്തെ തിരിച്ചറിയാന്‍ സാധിച്ചിരുന്നു.അത് കൊണ്ട് തന്നെ തിരക്കിനിടയിലും ഒഴിവു സമയം കണ്ടെത്തി ധ്രുവിന്റെ കഴിവിനെ പ്രോത്സാഹിപ്പിച്ചിരുന്നു .ഈ സമയത്തു ഇന്ത്യന്‍ ബുക്ക് ഓഫ് റെക്കോര്‍ഡ്‌സ് 2021 ഇവരുടെ ശ്രദ്ധയില്‍ പെട്ടത് .തുടന്ന് ഐ.ബി.ആര്‍ അധികൃതരുമായി ഓണ്‍ലൈനില്‍ ബന്ധപ്പെടുകയും ചിത്രങ്ങളും വസ്തുക്കളും തിരിച്ചറിയുന്നതിന്റെയും പേരുകള്‍ പറയുന്നതിന്റെയും വീഡിയോ അവര്‍ക്കു നല്‍കി .20 വാഹനങ്ങള്‍ 21 മൃഗങ്ങള്‍ , 20 പക്ഷികള്‍ , 15 പഴങ്ങള്‍ 15 ശരീര ഭാഗങ്ങള്‍ , 15 ഭക്ഷണ സാധനങ്ങള്‍ , 20 ഹൌസ് ഹോള്‍ഡ് ഐറ്റംസ് , 10 പച്ചക്കറികള്‍ , 10 ഫ്‌ലാഷ് കാര്‍ഡുകള്‍ 6 ഉരഗ ജീവികള്‍ , 6 കോസ്‌മെറ്റിക് ഐറ്റംസ് 7 ആകൃതികള്‍ 10 വ്യക്തികള്‍ , 7 നിറങ്ങള്‍ ആഴ്ചകളുടെ പേരുകള്‍ മാസങ്ങളുടെ പേരുകള്‍ ഒന്ന് മുതല്‍ 10 വരെ കൗണ്ടിംഗ് , അസാന്‍ഡിങ് ഓര്‍ഡര്‍ , ബിഗ് ഓര്‍ സ്മാള്‍ ഐറ്റംസ് , 7 പ്രമുഖ പുസ്തകങ്ങളും എഴുത്തുകാരും എന്നി നിരവധി ശ്രമങ്ങളാണ് ധ്രുവ് റിനീഷിനു കഴിഞ്ഞത് .തുടര്‍ന്ന് അനുമോദന സര്‍ടിഫിക്കറ്റും മെഡലും അധികൃതര്‍ അയച്ചു നല്‍കിയിട്ടുണ്ട്
RECENT NEWS
സുഹൃത്തിന് ഗൂഗിൾ ലൊക്കേഷൻ അയച്ച് കൊടുത്തതിന് പിന്നാലെ യുവാവ് മരിച്ച നിലയിൽ
കുറ്റിപ്പുറം: കൂട്ടുകാരന് ഗൂഗിൾ ലൊക്കേഷൻ അയച്ചുകൊടുത്ത് യുവാവ് ആത്മഹത്യ ചെയ്തു. മാറഞ്ചേരി കാഞ്ഞിരമുക്ക് പമ്പ് ഹൗസിനടുത്തുള്ള പടന്നവളപ്പിൽ ബാലകൃഷ്ണന്റെ മകൻ രതീഷ് (28) ആണ് മരണപ്പെട്ടത്. കുറ്റിപ്പുറം തിരൂർ റോഡിൽ ചെമ്പിക്കലിൽ ബാറിന് പുറകിലുള്ള [...]
