പി.വി അന്വര് എം.എല്.എയുടെ ഭാര്യാപിതാവിന്റെ അനധികൃത റോപ് വെ പൊളിക്കാനുള്ള ഓംബുഡ്സ്മാന് ഉത്തരവ് നടപ്പാക്കാതെ ഊര്ങ്ങാട്ടിരി പഞ്ചായത്ത് സെക്രട്ടറി.
മലപ്പുറം: പി.വി അന്വര് എം.എല്.എയുടെ ഭാര്യാപിതാവിന്റെ അനധികൃത റോപ് വെ പൊളിക്കാനുള്ള ഓംബുഡ്സ്മാന് ഉത്തരവ് നടപ്പാക്കാതെ ഊര്ങ്ങാട്ടിരി പഞ്ചായത്ത് സെക്രട്ടറി. റസ്റ്റോറന്റിനുള്ള അനുമതിയുടെ മറവില് ചീങ്കണ്ണിപ്പാലിയിലെ വിവാദതടയണക്ക് കുറുകെ പി.വി അന്വര് എം.എല്.എയുടെ ഭാര്യാപിതാവ് നിയമവിരുദ്ധമായി കെട്ടിയ റോപ് വെ പൊളിച്ചുനീക്കാനുള്ള തദ്ദേശ സ്വയംഭരണസ്ഥാപനങ്ങളുടെ ഓംബുഡ്സ്്മാന് ജസ്റ്റിസ് പി.എസ് ഗോപിനാഥന്റെ ഉത്തരവാണ് ഇതുവരെ നടപ്പാക്കാത്തത്. തയണയടക്കമുള്ള അനധികൃത നിര്മ്മാണങ്ങള് പൊളിച്ചുനീക്കി നടപടിക്രമങ്ങള് നവംബര് 30തിന് റിപ്പോര്ട്ട് ചെയ്യാണ് ഊര്ങ്ങാട്ടീരി പഞ്ചായത്ത് സെക്രട്ടറിക്ക് സെപ്തംബര് 22ന് ഉത്തരവ് നല്കിയത്. നിലമ്പൂര് സ്വദേശി എം.പി വിനോദിന്റെ പരാതിയിലായിരുന്നു നടപടി.
അനുമതിയില്ലാതെയാണ് നിര്മ്മാണമെന്ന് കണ്ടെത്തി നാലു വര്ഷം കഴിഞ്ഞിട്ടും പഞ്ചായത്ത്് നടപടിയെടുക്കാത്തത് അംഗീകരിക്കാനാവില്ലെന്ന് വ്യക്തമാക്കിയാണ് അനധികൃത നിര്മ്മാണങ്ങള് പൊളിക്കാന് ഓംബുഡ്സ്മാന് ഉത്തരവിട്ടത്.
ഊര്ങ്ങാട്ടിരി പഞ്ചായത്തിലെ ചീങ്കണ്ണിപ്പാലിയില് വനത്തിലേക്കൊഴുകുന്ന കാട്ടരുവിക്ക് കുറുകെ പി.വി അന്വര് കെട്ടിയ തടയണ പൊളിച്ചുനീക്കാന് മലപ്പുറം കളക്ടര് ഉത്തരവിട്ടിരുന്നു. ഇതോടെയാണ് ഭാര്യാപിതാവ് സി.കെ അബ്ദുല്ലത്തീഫ് ഊര്ങ്ങാട്ടിരി പഞ്ചായത്തില് നിന്നും റസ്റ്ററന്റ് കം ലോഡ്ജിങ് കെട്ടിടം പണിയാന് പെര്മിറ്റ് നേടിയ ശേഷം തടയണക്ക് കുറുകെ നിയമവിരുദ്ധമായി റോപ് വേ നിര്മ്മിച്ചത്. ഇക്കാര്യം ചൂണ്ടിക്കാട്ടി 2017 മെയ് 18ന് ഊര്ങ്ങാട്ടിരി പഞ്ചായത്ത് സെക്രട്ടറിക്ക് വിനോദ് പരാതി നല്കിയെങ്കിലും നിയമവിരുദ്ധമായി കെട്ടിയ റോപ് വേ പൊളിച്ചുനീക്കാന് നടപടിയുണ്ടായില്ല. റോപ് വെ പണിയാന് നിയമവിരുദ്ധമായി സൗകര്യം ചെയ്തുകൊടുത്ത പഞ്ചായത്ത് സെക്രട്ടറിക്കെതിരെ നടപടിയാവശ്യപ്പെട്ട് മലപ്പുറം പഞ്ചായത്ത് ഡെപ്യൂട്ടി ഡയറക്ടര്ക്ക് പരാതി നല്കിയെങ്കിലും പ്രയോജനമുണ്ടായില്ല. ഇക്കാര്യങ്ങള് വ്യക്തമാക്കി അന്നത്തെ തദ്ദേശ സ്വയംഭരണ മന്ത്രി കെ.ടി ജലീലിന് നല്കിയ പരാതിയിലും നടപടിയുണ്ടായില്ല. ഇതോടെയാണ് ഇക്കാര്യങ്ങള് ചൂണ്ടിക്കാട്ടി തദ്ദേശസ്വയംഭരണ സ്ഥാപനങ്ങള്ക്കായുള്ള ഓംബുഡ്സ്മാനെ സമീപിച്ചത്.
ഉരുള്പൊട്ടലിനെ തുടര്ന്ന് കോഴിക്കോട് കളക്ടര് അടച്ചുപൂട്ടിയ പി.വി അന്വര് എം.എല്.എയുടെ കക്കാടംപൊയിലിലെ വിവാദ വാട്ടര്തീം പാര്ക്കില് നിന്നും ഒന്നര കിലോമീറ്റര് അകലെയാണ് ചീങ്കണ്ണിപ്പാലിയിലെ തടയണയും തടയണക്ക് കുറുകെ മൂന്നു മലകളെ ബന്ധിപ്പിച്ച് പണിത റോപ് വെയും. അതേസമയം എം.എല്.എയുടെ ഭാര്യാപിതാവിന്റെ വിലാസത്തില് രണ്ടു തവണ നോട്ടീസ് അയച്ചിട്ടും താമസക്കാരനെ അറിയില്ലെന്നു കാണിച്ച്് മടങ്ങിയെന്നാണ് പഞ്ചായത്ത് സെക്രട്ടറി ഇ.ആര് ഓമന അമ്മാളുവിന്റെ വിശദീകരണം. ഒടുവില് പോസ്റ്റ് ഓഫീസ് വഴി അന്വേഷിച്ച് അയച്ച മൂന്നാമത്തെ കത്ത് രണ്ട് ദിവസം മുമ്പാണ് കൈപ്പറ്റിയതെന്നും 15 ദിവസത്തെ സമയപരിധി കഴിഞ്ഞിട്ടില്ലെന്നും സെക്രട്ടറി വ്യക്തമാക്കുന്നു. കേസ് നാളെ ഓംബുഡ്സ്മാന് പരിഗണിക്കുന്നുണ്ട്.
RECENT NEWS
രണ്ടാഴ്ച്ചക്കിടെ കാട്ടാനയുടെ ആക്രമണത്തിൽ നിലമ്പൂരിൽ രണ്ടാമത്തെ മരണം
നിലമ്പൂർ: ആനയുടെ ആക്രമണത്തിൽ നിലമ്പൂരിൽ രണ്ടാഴ്ച്ചയ്ക്കിടെ രണ്ടാമത്തെ മരണം. എടക്കര ഉച്ചക്കുളം നഗർ സ്വദേശിനി സരോജിനി (50) ബുധനാഴ്ച രാവിലെ കാട്ടാനയുടെ ആക്രമണത്തിൽ കൊല്ലപ്പെട്ടത്. സരോജിനിയും, അവരുടെ ഭർത്താവും മറ്റ് അംഗങ്ങളും ആടുകളെ മേയ്ക്കാൻ [...]
