ഇന്ത്യയില്‍നിന്നുള്ള ആ അഞ്ചുപേരില്‍ മലപ്പുറത്തുകാരി റീമ ഷാജിയും
മലപ്പുറം: ഇന്ത്യയില്‍നിന്നുള്ള ആ അഞ്ചുപേരില്‍ മലപ്പുറം തിരൂര്‍ സ്വദേശി റീമ ഷാജിയും.
യുഎസ് ഡിപ്പാര്‍ട്ട്‌മെന്റ് ഓഫ് സ്റ്റേറ്റിന്റെ ഗ്രാജ്വേറ്റ് പ്രോഗ്രാമിന് അര്‍ഹത നേടിയ സന്തോഷത്തിലാണ് എഞ്ചിനീയറിങ് വിദ്യാര്‍ഥിനിയായ റീമ ഷാജി.ഇന്ത്യയില്‍ നിന്ന് അഞ്ച് പേര്‍ക്ക് മാത്രം അവസരം ലഭിക്കുന്ന സ്‌കോളര്‍ഷിപ്പിനാണ് മലപ്പുറം തിരൂര്‍ സ്വദേശിയായ റീമ അര്‍ഹയായിരിക്കുന്നത്.അമേരിക്കന്‍ അണ്ടര്‍ ഗ്രാജ്വേറ്റ് പഠനം പൂര്‍ത്തിയാക്കുന്നതിന് യുഎസ് സര്‍ക്കാറിന്റെ സാമ്പത്തിക സഹായം ലഭിക്കുന്ന അപൂര്‍വ സ്‌കോളര്‍ഷിപ്പാണ് യുഗാന്‍ പ്രോഗ്രാം. പൂര്‍ണമായും യുഎസ് ഫണ്ട് ലഭിക്കുന്ന സ്‌കോളര്‍ഷിന് ഇന്ത്യയില്‍ നിന്നും അഞ്ച് പേര്‍ക്ക് മാത്രമാണ് അവസരമുള്ളത്.രണ്ട് ഉപന്യാസങ്ങളാണ് റീമ സ്‌കോളര്‍ഷിപ്പിനായി സമര്‍പ്പിച്ചത്. മറ്റു നടപടികള്‍ പൂര്‍ത്തിയാക്കി ഒരു മാസത്തിനും ശേഷം ഇന്റര്‍വ്യൂ കോളിലും റീമ തന്റെ കഴിവ് തെളിയിച്ചു. മറ്റു കുട്ടികള്‍ക്ക് പ്രചോദനമേകുക എന്ന ലക്ഷ്യമാണ് കുറ്റിപ്പുറം എംഇഎസ് എഞ്ചിനീയറിങ് കോളേജിലെ വിദ്യാര്‍ഥിയായ റീമയ്ക്കുള്ളത്. യുഎസിലെ മാഗ്‌നി സ്റ്റേറ്റ് യൂണിവേഴ്‌സിറ്റിയിലാണ് റീമ പഠനം നടത്തുക. പഠന വിഷയമോ ടോപികോ ഇപ്പോള്‍ തെരഞ്ഞെടുത്തിട്ടില്ല. ചെറുപ്പം മുതലുള്ള ആഗ്രഹമാണ് യുഎസില്‍ പോകണം, അവിടെ സെറ്റില്‍ ആകണം എന്നത്. ഈയൊരു നേട്ടത്തിലൂടെ തനിക്ക് അത് നേടാനായെന്നും റീമ ഷാജി പറയുന്നു. അപ്രതീക്ഷിതമായി ലഭിച്ച ഈ നേട്ടത്തില്‍ റിമയുടെ കുടുംബവും വലിയ സന്തോഷത്തിലാണ്.
RECENT NEWS
അപകടത്തിൽ മരിച്ച ബസ് ജീവനക്കാരന്റെ കുടുംബത്തിനായി സ്വകാര്യ ബസുകൾ സമാഹരിച്ചത് 18 ലക്ഷം രൂപ
പെരിന്തൽമണ്ണ: ജോലിക്കിടെ അപകടത്തിൽ മരിച്ച ബസ് ജീവനക്കാരന്റെ കുടുംബത്തെ സഹായിക്കാൻ സ്വകാര്യ ബസുകൾ കാരുണ്യയാത്ര നടത്തി സമാഹരിച്ചത് 17,98,155 രൂപ. കൊളത്തൂർ ഓണപ്പുട സ്വദേശി മൻസൂറിന്റെ ഭാര്യയും വിദ്യാർഥികളായ 2 കുട്ടികളും ഉൾപ്പെട്ട നിർധന കുടുംബത്തെ [...]
