മലപ്പുറം വട്ടപ്പൊന്തയില്‍ ഹാന്‍സ് നിര്‍മാണ ഫാക്ടറി പാക്കിങ് യന്ത്രങ്ങള്‍ ഉള്‍പ്പെടെ നാലുപേര്‍ അറസ്റ്റില്‍
മലപ്പുറം: സംസ്ഥനത്ത് ആദ്യമായി ഹാന്‍സ് നിര്‍മ്മിക്കുന്ന ഫാക്ടറി കണ്ടെത്തി. പരിശോധനയില്‍ 50 ലക്ഷത്തോളം വില വരുന്ന നിരോധിത പുകയില ഉത്പന്നങ്ങളുമായി നാലു പേര്‍ പിടിയിലായി. മലപ്പുറം വേങ്ങര വട്ടപ്പൊന്ത ‘ എന്ന സ്ഥലത്താണ് ആളൊഴിഞ്ഞ ‘റബ്ബര്‍ തോട്ടത്തിനു നടുവിലെ ഇരുനില വീട്ടില്‍ പ്രവര്‍ത്തിച്ചിരുന്ന ഫാക്ടറിയാണ് പിടികൂടിയത്. അന്വോഷണ സംഘം എത്തിയ സമയത്തും ഫാക്ടറി പ്രവര്‍ത്തിച്ചു കൊണ്ടിരിക്കുകയായിരുന്നു. രണ്ടു പാക്കങ്ങിങ്ങ് യന്ത്രങ്ങളും സാമഗ്രികളും നിരോധിത പുകയിലയടക്കം അരക്കോടിയോളം രൂപയുടെ വസ്തുക്കള്‍ പിടിച്ചെടുത്തു.
രഹസ്യവിവരം. കിട്ടിയതനുസരിച്ചു ജില്ലാ ആന്റി നാര്‍ക്കോട്ടിക് സെപഷ്യല്‍ ആക്ഷന്‍ ഫോഴ്സ നടത്തിയ പരിശോധനയിലാണ് ബാംഗ്ലൂരില്‍ നിന്ന് മൊത്തമായി കൊണ്ടുവന്ന് യന്ത്രസഹായത്തോടെ ചെറിയ പാക്കറ്റുകളാക്കു ന്നതിനിടയില്‍ ഇവ പിടിച്ചെടുത്തത്.സംഭവുമായി ബന്ധപ്പെട്ട് പട്ടാമ്പി വല്ലപ്പുഴ സ്വദേശി നടുത്തൊടി ഹംസ (36) വേങ്ങര കച്ചേരിപ്പടി സ്വദേശി കെ കെ അഫ്സല്‍ 30, എ ആര്‍ നഗര്‍ കൊളപ്പുറം സ്വദേശി കെ ടി മുഹമ്മദ് സുഹൈല്‍ 25 ഡല്‍ഹി സ്വദേശി അസ്ലം 23 എന്നിവരെ പൊലിസ് അറസ്റ്റ് ചെയ്തു.
വട്ട പൊന്ത എം ഇ എസ് സ്‌കൂളിനടുത്ത് ഇരുനില നില വീട് വാടകക്കെടുത്തായിരുന്നു പ്രതികള്‍ ഹാന്‍സ് പാക്കിങ്ങ് യൂണിറ്റ് നടത്തിയിരുന്നത്. പട്ടാമ്പി സ്വദേശി ഹംസയാണ് യൂണിറ്റിന്റെ നടത്തിപ്പുകാരന്‍ മറ്റുള്ളവര്‍ ഇവിടെത്തെ ജോലിക്കാരായിരുന്നു. ബാംഗ്ലൂരില്‍ നിന്ന് മത്സ്യം, കോഴി എന്നിവ കൊണ്ടുവരുന്ന ലോറികളില്‍ നിരോധിക പുകയില മൊത്തമായി കൊണ്ട് വന്ന് പ്രത്യേക രാസവസ്തുക്കള്‍ കൂട്ടിയോജിപ്പിച്ച് യന്ത്രസഹായത്തോടെ ചെറിയ പാക്കറ്റുകളാക്കി മാറ്റി പെരുമ്പാവൂര്‍ ,ഈരാട്ടു പേട്ട, ചെന്നൈ എന്നിവിടങ്ങളിലേക്ക് വില്പനക്കായി ആഡംബര വാഹനളുപയോഗിച്ച് കയറ്റി അയക്കുകയായിരുന്നു സംഘം ചെയ്തിരുന്നത്.
ആവശ്യമായ വിവിധ യന്ത്രങ്ങളും കെട്ടു കണക്കിന് പ്രിന്റഡ് റാപ്പറുകളും കേന്ദ്രത്തില്‍ നിന്ന് പൊലിസ് പിടിച്ചെടുത്തു. ബീഡി നിര്‍മ്മാണ യൂണിറ്റെന്ന് നാട്ടുകാരെ തെറ്റിദ്ധരിപ്പിച്ചാണ് നാലു മാസം മുമ്പ് ഇവിടെ ഹാന്‍സ് പേക്കിങ്ങ് കേന്ദ്രം പ്രവര്‍ത്തനം ആരംഭിച്ചത്
റെയ്ഡിന് മലപ്പുറം ഡിവൈഎസ്പി പി.എം. പ്രതീപ്, വേങ്ങര എസ്എച്ച് ഒ പി കെ മുഹമ്മദ് ഹനീഫ
നാര്‍ക്കോട്ടിക് സ്‌ക്വാഡ് എസ് ഐമാരായ കുണ്ടറക്കാട് ശശി,സത്യനാഥന്‍മനാട്ട്, കാരിയോട്ട്അബ്ദുല്‍ അസീസ്, എ എസ് ഐഉണ്ണികൃഷ്ണന്‍ മാരാത്ത്, സി വില്‍ ഓഫിസര്‍ പി സഞ്ജീവ് വേങ്ങര എസ് ഐ ടി കെ ഉണ്ണികൃഷ്ണന്‍, ‘ എഎസ്ഐമാരായ അശോകന്‍, മോഹന്‍ദാസ്, എന്നിവര്‍ നേതൃത്വം നല്‍കി.
RECENT NEWS
പി വി അൻവർ ഡി എം കെയുമായി അടുക്കുന്നു; പാർട്ടി നേതാക്കളെ സന്ദർശിച്ചു
ചെന്നൈ: പി.വി. അൻവർ എം.എൽ.എ. ഡി.എം.കെയിലേക്കെന്ന് സൂചന. അൻവർ ചെന്നെെയിലെത്തി ഡി.എം.കെ. നേതാക്കളുമായി കൂടിക്കാഴ്ച നടത്തിയതിന്റെ ചിത്രങ്ങൾ പുറത്തുവന്നു. സെന്തിൽ ബാലാജിയടക്കമുള്ള നേതാക്കളുമായുള്ള അൻവറിന്റെ മകന്റെ ചിത്രവും പുറത്തുവന്നിട്ടുണ്ട്. [...]
