മലപ്പുറം വടപുറത്ത് സ്കൂട്ടറും.ലോറിയും കൂട്ടിയിടിച്ച് ബൈക്ക് യാത്രികന് മരിച്ചു
പൂക്കോട്ടുംപാടം: വടപുറത്ത് സ്കൂട്ടറും ലോറിയും കൂട്ടിയിടിച്ച് ബൈക്ക് യാത്രകാരന് മരിച്ചു. കവള മുക്കട്ട പുഞ്ച കിനാത്തില് മൊയ്തീന് (62) ആണ് മരിച്ചത്. വ്യാഴാഴ്ച രാവിലെ 10 മണിയോടെ വടപുറം ന്യൂ ലൈഫ് ആശുപത്രിക്ക് സമീപമാണ് അപകടം. മഞ്ചേരി ഭാഗത്തേക്ക് പോകുകയായിരുന്ന വാഹനങ്ങളാണ് അപകടത്തില്പ്പെട്ടത്. ഫോണ് ചെയ്യുന്നതിനായി സ്കൂട്ടര് റോഡ് അരികിലേക്ക് മാറ്റുന്നതിനിടയില് ലോറി സ്കൂട്ടറില് ഇടിക്കുകയായിരുന്നു, റോഡിലേക്ക് തെറിച്ച് വീഴുകയായിരുന്ന മൊയ്തീന്റെ തലയിലൂടെ കയറിയിറങ്ങിയ ശേഷം ദേഹത്തു കൂടിയും കയറി ഇറങ്ങി, മൊയ്തീന് തല്സമയം മരിച്ചു. നിലമ്പൂര് പോലീസ് സ്ഥലത്തെത്തിയ ശേഷമാണ് മൃതദേഹം ഇന്ക്വസ്റ്റ് നടത്തി നിലമ്പൂര് ജില്ലാ ആശുപത്രിയിലേക്ക് മാറ്റി. ഭാര്യ ഖദീജ. മക്കളില്ല.നിലവില് കോഴിക്കോട് ജില്ലയിലെ അടിവാരത്താണ് താമസം. കെ.എല് 71 ജെ.4657 സ്കൂട്ടറാണ് അപകടത്തില്പ്പെട്ടത്, സ്കൂട്ടര് മറുഭാഗത്തേക്കാണ് മറിഞ്ഞത് അതിനാല് വാഹനത്തിന് കേടുപാടില്ല.
RECENT NEWS
സംഘ പരിവാറിന്റെ അതേ മനസാണ് കോൺഗ്രസിനെന്ന് മുഖ്യമന്ത്രി
തിരൂർ: സംഘ്പരിവാറിൻ്റെ മനസാണ് കോൺഗ്രസിനെന്നും ബി.ജെ.പിയുടെ കേരളവിരുദ്ധ മനോഭാവത്തിനൊപ്പം നിൽക്കുകയാണ് യു.ഡി.എഫെന്നും മുഖ്യമന്ത്രി പിണറായി വിജയൻ. എൽ.ഡി.എഫ് സ്ഥാനാർത്ഥി കെ.എസ് ഹംസയുടെ പൊന്നാനി മണ്ഡലം തെരഞ്ഞെടുപ്പ് റാലി ആലത്തിയൂരിൽ ഉദ്ഘാടനം ചെയ്തു [...]