ടോയ്ലെറ്റ് എന്ന് കരുതി പുറത്തേക്കുള്ള വാതില് തുറന്ന് ട്രെയിനില് നിന്ന് പുറത്തേക്ക് വീണു; മലപ്പുറം മമ്പാട് സ്വദേശിയായ 10 വയസുകാരന് ദാരുണാന്ത്യം
മലപ്പുറം: മലപ്പുറത്തെ പത്തുവയസുകാരന് ട്രെയിനില് നിന്നു വീണു മരിച്ചു. മമ്പാട് പുള്ളിപ്പാടം സിദ്ദിഖിന്റെ മകന് മുഹമ്മദ് ഇഷാനാണ് മരിച്ചത്. ടോയ് ലെറ്റ് വാതിലെന്നു കരുതി പുറത്തേക്കുള്ള വാതില് തുറന്നതാണ് അപകടകാരണം. ഇന്നലെ രാത്രി 11.45 ന് മൂലേടം ഭാഗത്തു വച്ചായിരുന്നു അപകടം.
കൊച്ചുവേളി – നിലമ്പൂര് റോഡ് രാജ്യറാണി എക്സ്പ്രസില് കുടുംബത്തോടൊപ്പം യാത്ര ചെയ്യുകയായിരുന്നു കുട്ടി. ഒരു വിവാഹത്തില് പങ്കെടുക്കാന് തിരുവനന്തപുരത്തേക്ക് പോയ ശേഷം മടങ്ങുകയായിരുന്നു.
ടോയ്ലെറ്റില് പോകാനായി ഇഷാന് എണീറ്റു. ടോയ്ലെറ്റിന്റെ വാതിലെന്നു കരുതി ട്രെയിനിന്റെ പുറത്തേക്കുള്ള വാതില് തുറക്കുകയായിരുന്നു. ശക്തമായ കാറ്റില് പെട്ട് ഇഷാന് പുറത്തേക്ക് തെറിച്ച് വീണു. ഇതോടെ അപായ ചങ്ങല വലിച്ച് ട്രെയിന് നിര്ത്തി. കുട്ടിയെ ഉടന് തന്നെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല.
RECENT NEWS
മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണം; കേരളാ പത്രപ്രവര്ത്തക യൂണിയന്
മലപ്പുറം: മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണമെന്നു കേരളാ പത്രപ്രവര്ത്തക യൂണിയന് ജില്ലാ സമ്മേളനം ആവശ്യപ്പെട്ടു. പത്രപ്രവര്ത്തക പെന്ഷന് അപേക്ഷകളിലെ കാലതാമസം ഒഴിവാക്കാന് ഉദ്യോഗസ്ഥ തലത്തിലെ അലംഭാവം [...]
