അര്ഹരായവര്ക്കെല്ലാം വാക്സിന് ലഭ്യമാക്കും – ഡി.എം.ഒ
ജില്ലയില് 18 വയസ് പൂര്ത്തിയായ എല്ലാവര്ക്കും വാക്സിന് ലഭിക്കുന്നതിനുള്ള സൗകര്യങ്ങള് ലഭ്യമെന്ന് ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. വാക്സിന് ക്ഷാമം, വാക്സിനേഷന് ക്യാമ്പുകുകളുടെ അഭാവം എന്നീ കാരണത്താല് ജില്ലയില് ആര്ക്കും വാക്സിന് ലഭിക്കാത്ത സാഹചര്യം നിലവിലില്ലെന്നും അവര് പറഞ്ഞു. വാക്സിനെടുക്കാന് സാധിക്കാത്തതിനാല് വിദ്യാര്ത്ഥി കള്ക്ക് കോളജില് പോകാന് സാധിച്ചില്ലെന്ന വാര്ത്തയോട് പ്രതികരിക്കുകയായിരുന്നു അവര്.
കോവിഡ് പോസിറ്റീവായി മൂന്ന് മാസം കഴിയാത്തവര്, ആരോഗ്യ കാരണങ്ങളാല് തത്കാലം വാക്സിന് എടുക്കാന് സാധിക്കാത്തവര്, സ്ഥലത്തില്ലാത്തവര് എന്നീ വിഭാഗങ്ങളിലുള്ളവര്ക്കൊഴികെ അര്ഹരായ എല്ലാവരുടെയും വാക്സിനേഷന് പൂര്ത്തിയാക്കി വരികയാണ്.
ജില്ലയില് ഇതുവരെ 38,05,428 ഡോസ് കോവിഡ് വാക്സിനാണ് വിതരണം ചെയ്തത്. ഇതില് 28,30,740 പേര്ക്ക് ഒന്നാം ഡോസും 9,74,688 പേര്ക്ക് രണ്ട് ഡോസ് വാക്സിനുമാണ് നല്കിയത്. ഇനിയും വാക്സിന് ലഭിക്കാന് ബാക്കി ഉള്ളവര് അതത് ആരോഗ്യകേന്ദ്രത്തിലെ മെഡിക്കല് ഓഫീസര്, ആരോഗ്യപ്രവര്ത്തകര് എന്നിവരുമായി ബന്ധപ്പെടണമെന്നും ജില്ലാ മെഡിക്കല് ഓഫീസര് അറിയിച്ചു.
ഏതെങ്കിലും വിധത്തിലുള്ള കോവിഡ് രോഗ ലക്ഷണങ്ങളുള്ളവര് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെട്ട് ലഭിക്കുന്ന നിര്ദേശങ്ങള് പൂര്ണമായും പാലിക്കണമെന്ന് ജില്ലാ മെഡിക്കല് ഓഫീസര് അറിയിച്ചു.
ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
RECENT NEWS
കോട്ടക്കൽ ചിനക്കലിൽ വാഹനാപകടത്തിൽ ഒമ്പതു വയസുകാരിക്ക് ദാരുണാന്ത്യം
കോട്ടക്കൽ: മലപ്പുറത്ത് വാഹനാപകടത്തില് ഒന്പത് വയസുകാരിക്ക് ദാരുണാന്ത്യം. മലപ്പുറം ചിനക്കല് സ്വദേശി ഷാനാവാസിന്റെ മകള് റീം ഷാനവാസ് ആണ് മരിച്ചത്. ഇന്ന് രാവിലെ കോട്ടക്കല് പുത്തൂരില് ആയിരുന്നു അപകടം. നിയന്ത്രണം വിട്ട ലോറി വാഹനങ്ങള്ക്കിടയിലേക്ക് [...]
