മയക്കുമരുന്നു നല്‍കി ബാലികയെ പീഡിപ്പിച്ച യുവാവിന് ജാമ്യമില്ല

മയക്കുമരുന്നു നല്‍കി ബാലികയെ പീഡിപ്പിച്ച യുവാവിന് ജാമ്യമില്ല

മഞ്ചേരി ബസ് സ്റ്റാന്റില്‍ നിന്നും കാറില്‍ കയറ്റിക്കൊണ്ടുപോയി ബാലികയെ മയക്കുമരുന്നു നല്‍കി ബലാല്‍സംഗം ചെയ്തുവെന്ന കേസില്‍ റിമാന്റില്‍ കഴിയുന്ന രണ്ടാം പ്രതിയുടെ ജാമ്യാപേക്ഷ കോടതി തള്ളി.  കുഴിമണ്ണ ആക്കപ്പറമ്പ് കടുങ്ങല്ലൂര്‍ കണ്ണാടിപ്പറമ്പ് നവാസ് ഷരീഫ് (21)ന്റെ ജാമ്യാപേക്ഷയാണ് മഞ്ചേരി പോക്‌സോ സ്‌പെഷ്യല്‍ കോടതി തള്ളിയത്.  2021 സെപ്തംബര്‍ എട്ടിനാണ് കേസിന്നാസ്പദമായ സംഭവം.  പത്തപ്പിരിയത്തെ വാടക വീട്ടില്‍ താമസിക്കുന്ന 15 കാരിയെ മഞ്ചേരി എസ് എച്ച് ബി ടി സ്റ്റാന്റില്‍ നിന്നും കാറില്‍ കയറ്റി കഞ്ചാവ് വലിപ്പിച്ചും വെളുത്തപൊടി മൂക്കില്‍ മണപ്പിച്ചും മയക്കിയ ശേഷം മിനി ഊട്ടിയിലും പിന്നീട് കരിപ്പൂര്‍ എയര്‍പോര്‍ട്ട് പരിസരത്തെ ലോഡ്ജിലും കൊണ്ടു പോയി ബലാല്‍സംഗം ചെയ്തുവെന്നാണ് കേസ്.  കുട്ടിയെ കാണാതായതിനെ തുടര്‍ന്ന് മാതാവ് എടവണ്ണ പൊലീസില്‍ പരാതി നല്‍കിയിരുന്നു.  എടവണ്ണ എസ് ഐ  ഷിജോ സി തങ്കച്ചനാണ് കേസിന്വേഷിക്കുന്നത്.  കേസിലെ ഒന്നാം പ്രതിയെ 9നും രണ്ട്, മൂന്ന് പ്രതികളെ 12നുമാണ് അറസ്റ്റ് ചെയ്തത്.

Sharing is caring!