മലപ്പുറം പൂക്കിപ്പറമ്പിലെ ദുരൂഹ മരണം. പോലീസ് അന്വേഷണം തുടങ്ങി
നാലുദിവസമായി കാണാതായ യുവാവിന്റ മൃതദേഹം ലഭിച്ചത് 70 താഴ്ചയിലുള്ള ഒഴിഞ്ഞ പറമ്പില്‍നിന്ന്. ശരീരത്തില്‍ പരുക്കേറ്റ പാടുകളോടെ മൂന്നുദിവസം പഴക്കമുള്ള ജീര്‍ണ്ണിച്ച മൃതദേഹം കണ്ടെത്തിയത് മലപ്പുറം പൂക്കിപ്പറമ്പിലെ ആളൊഴിഞ്ഞ പറമ്പില്‍നിന്ന്. തെന്നല അറക്കല്‍ മുക്കോയി ചൂലന്റെ മകന്‍ ശശി (44)യുടെ അസ്വാഭാവിക മരണത്തില്‍ പോലീസ് അന്വേഷണം ആരംഭിച്ചു.
കഴിഞ്ഞ വെളളിയാഴ്ച വൈകീട്ട് ആറു മണിയോടെയാണ് ദുരൂഹ സാഹചര്യത്തില്‍ ശശിയുടെ മൃതദേഹം കണ്ടെത്തിയത്. പൂക്കിപ്പറമ്പിലെ സ്ഥല ഉടമ തിരൂരങ്ങാടി പൊലീസില്‍ വിവരം അറിയിച്ചതിനെ തുടര്‍ന്ന് പോലീസ് എത്തി പരിശോധന നടത്തിയതോടെയാണ് മൃതദേഹം ലഭിച്ചത്. തുടര്‍ന്ന് മലപ്പുറം ജില്ലാ പോലീസ് മേധാവി സുജിത് ദാസ് ഉള്‍പ്പെടെയുള്ള ഉന്നത ഉദ്യോഗസ്ഥരും സ്ഥലം സന്ദര്‍ശിച്ചു. മലപ്പുറത്തുനിന്നും വിരലടയാള, ഫോറന്‍സിക് വിദഗ്ധരും പരിശോധന നടത്തി. ശരീരത്തില്‍ പരിക്കേറ്റ പാടുകളുണ്ട്. പോസ്റ്റ്‌മോര്‍ട്ടം നടപടികള്‍ പൂര്‍ത്തിയാക്കി മൃതദേഹംബന്ധുക്കള്‍ക്ക് വിട്ടുകൊടുത്തു. വെല്‍ഡിംഗ് ജോലിക്കാരനായ ശശി വിവാഹമോചിതനായിരുന്നു. കഴിഞ്ഞ ചൊവ്വാഴ്ച മുതല്‍ ശശിയെ കാണാതായതായി ബന്ധുക്കള്‍ പരാതിപ്പെടുകയും ചെയ്തിരുന്നു. വീട്ടുകാരും സുഹൃത്തുക്കളും നടത്തിയെ തെരച്ചിലില്‍ വെള്ളിയാഴ്ച രാത്രി ഏഴുമണിയോടെയാണ് മൃതദേഹം കണ്ടെത്തിയത്. നാലു വര്‍ഷത്തിലേറെയായി ഭാര്യ സുമിത്രയുമായി അകന്നുകഴിയുന്ന ശശിയുടെ ഏക മകനാണ് സൂര്യ. സഹോദരങ്ങള്‍ : വേലായുധന്‍, സേതു, പത്മനാഭന്‍, പത്മിനി, സരോജിനി. തിരൂരങ്ങാടി എസ് ഐ പ്രിയന്‍ ഇന്‍ക്വസ്റ്റ് ചെയ്ത മൃതദേഹം മഞ്ചേരി ഗവണ്‍മെന്റ് മെഡിക്കല്‍ കോളേജില്‍ ഇന്ന് പോസ്റ്റുമോര്‍ട്ടത്തിന് ശേഷം ബന്ധുക്കള്‍ ഏറ്റുവാങ്ങി.
RECENT NEWS
മലപ്പുറം സ്വദേശിയായ പ്രശസ്ത വ്ലോഗർ ജുനൈദ് വാഹനാപകടത്തിൽ മരിച്ചു
മഞ്ചേരി: പ്രശസ്ത വ്ലോഗർ ജുനൈദ് (32) വാഹനാപകടത്തിൽ മരണപ്പെട്ടു. മഞ്ചേരി മരത്താണിയിൽ വെച്ച് അദ്ദേഹം സഞ്ചരിച്ച ബൈക്ക് അപകടത്തിൽപ്പെടുകയായിരുന്നു. ഉടൻ തന്നെ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. തലയുടെ പിൻഭാഗത്ത് ഗുരുതരമായി [...]
