ഹരിത വിവാദം: മകളുടെ പരാതിയില് നടപടിയെടുത്തില്ല, രാജിവെച്ച് ലീഗ് നേതാവ്
മലപ്പുറം: എംഎസ്എഫ് നേതാക്കള്ക്കെതിരെ ലൈംഗികാധിക്ഷേപം നടത്തിയെന്നതടക്കമുളള ഹരിത നേതാക്കളുടെ പരാതിയും അതിനോട് അനുബന്ധിച്ച് ഉയര്ന്നു വന്ന വിവാദങ്ങളും നിലനില്ക്കെ, മുസ്ലീം ലീഗില് രാജി. പരാതി ഉന്നയിച്ച ഒരു ഹരിത പ്രവര്ത്തകയുടെ പിതാവ്, മുസ്ലീം ലീഗ് പ്രദേശിക നേതാവും മലപ്പുറം എടയൂര് പഞ്ചായത്ത് മുസ്ലീം ലീഗ് സെക്രട്ടറിയുമായ ബഷീര് കലമ്പനാണ് രാജിവച്ചത്. ഹരിത പ്രവര്ത്തകയായ മകളെക്കുറിച്ച് എം.എസ്.എഫ് നേതാവ് മോശം പരാമര്ശം നടത്തിയതില് പാര്ട്ടി നടപടിയെടുത്തില്ലെന്നാരോപിച്ചാണ് രാജി. എം.എസ്.എഫ് മലപ്പുറം ജില്ലാ പ്രസിഡണ്ട് കബീര് മുതുപറമ്പിലിനെതിരെഇദ്ദേഹത്തിന്റെ മകള് പരാതി നല്കിയിരുന്നു.
അതിനിടെ ലൈംഗീക അധിക്ഷേപം നേരിട്ടെന്ന പരാതി അടിയന്തരമായി പിന്വലിക്കണമെന്ന് എംഎസ്എഫ് വനിതാ വിഭാഗമായ ഹരിതയോട് മുസ്ലീം ലീഗ് നേതൃത്വം ആവശ്യപ്പെട്ടു. നാളെ രാവിലെ പത്ത് മണിക്കുള്ളില് വനിതാ കമ്മീഷനില് നല്കിയ പരാതി പിന്വലിക്കണമെന്നാണ് മുസ്ലീം ലീഗ് നേതാക്കള് ഹരിതയുടെ നേതൃത്വത്തിന് നല്കിയ അന്ത്യശാസനം. എംഎസ്എഫ് നേതൃത്വത്തില് ലൈംഗീക അധിക്ഷേപം സംബന്ധിച്ച പരാതിയില് വിശദമായ ചര്ച്ചകള് നടത്താമെന്ന് ലീഗ് നേതൃത്വം ഹരിതയെ അറിയിച്ചിട്ടുണ്ട്. എന്നാല് അതിന് മുന്പായി വനിതാ കമ്മീഷനില് നല്കിയ പരാതി പിന്വലിക്കണം. ഇല്ലെങ്കില് അച്ചടക്ക നടപടിയുണ്ടാവുമെന്നും ലീഗ് നേതൃത്വം വനിതാ നേതക്കളോട് വ്യക്തമാക്കിയിട്ടുണ്ട്.
സംഘടനയില് നേരിടേണ്ടി വന്ന ലൈംഗീക അധിക്ഷേപവും വിവേചനവും ചൂണ്ടിക്കാട്ടി മുസ്ലിം സ്റ്റുഡന്റ്സ് ഫെഡറേഷനിലെ പത്ത് വനിത നേതാക്കളാണ് വനിതാ കമ്മീഷനില് പരാതി നല്കിയത്. പരാതി വനിതാ കമ്മീഷന് കോഴിക്കോട് സിറ്റി പൊലീസിന് കൈമാറിയിരുന്നു. തുടര്ന്ന് പൊലീസ് പരാതിക്കാരില് നിന്ന് മൊഴിയെടുത്തു.
RECENT NEWS
സ്ത്രീത്വത്തെ അപമാനിച്ച സി പി എം തെന്നല പഞ്ചായത്ത് മെംബറെ പുറത്താക്കണം- എ പി അനിൽകുമാർ
മലപ്പുറം: തെന്നല പഞ്ചായത്തിലെ സിപിഎം ലോക്കൽ കമ്മിറ്റി മുൻ സെക്രട്ടറിയും പഞ്ചായത്തിലേക്ക് തെരഞ്ഞെടുക്കപ്പട്ടെ വ്യക്തിയുമായ സെയ്തലവി മജീദിന്റെ വിദ്വേഷ പ്രസംഗം സ്ത്രീ വിരുദ്ധവും അങ്ങേയറ്റം മനുഷ്യത്വവിരുദ്ധമാണെന്ന് കെപിസിസി വർക്കിംഗ് പ്രസിഡൻറ് എ പി [...]
