July 29, 2021

12കാരനെ പ്രകൃതി വിരുദ്ധ പീഡനത്തിന് വിധേയനാക്കിയ 59കാരന് 10വര്‍ഷം കഠിന തടവും പിഴയും

പന്ത്രണ്ടു വയസ്സുകാരനെ രണ്ടു തവണ പ്രകൃതി വിരുദ്ധ പീഡനത്തിന് വിധേയനാക്കിയ 59കാരന് മഞ്ചേരി പോക്സോ സ്പെഷ്യല്‍ കോടതി പത്തുവര്‍ഷം കഠിന തടവും 25000 രൂപ പിഴയും ശിക്ഷ വിധിച്ചു. താനൂര്‍ ഒഴൂര്‍ ഓമച്ചപ്പുഴ പരപ്പില്‍ കൊണ്ടായത്ത് ഹംസയെയാണ് ശിക്ഷിച്ചത്. കുട്ടിയെ പ്രലോഭിപ്പിച്ച് പ്രതിയുടെ ഉടമസ്ഥതയില്‍ ഓമച്ചപ്പുഴ മരിക്കോട്ടില്‍ തറയിലുള്ള ഹോട്ടലില്‍ കൊണ്ടുപോയി പീഡിപ്പിച്ചുവെന്നാണ് കേസ്. 2014 ഏപ്രില്‍ മൂന്നിനും 24നുമാണ് കേസിന്നാസ്പദമായ സംഭവം. പരാതിയെ തുടര്‍ന്ന് പ്രതി 2015 ജൂലൈ മൂന്നിന് കോടതിയില്‍ കീഴടങ്ങുകയായിരുന്നു. പ്രോസിക്യൂഷനു വേണ്ടി പബ്ലിക് പ്രോസിക്യുട്ടര്‍ ഐഷ പി ജമാല്‍ ഹാജരായി.

 

Sharing is caring!