മലപ്പുറം ജില്ലയില് ടെസ്റ്റ് പോസിറ്റീവിറ്റി നിരക്ക് 14.89 ശതമാനം
മലപ്പുറം ജില്ലയില് ഞായറാഴ്ച (2021 ജൂലൈ 25) കോവിഡ് ടെസ്റ്റ് പോസിറ്റീവിറ്റി നിരക്ക് 14.89 ശതമാനം രേഖപ്പെടുത്തി. 2,684 പേര്ക്ക് കോവിഡ് 19 സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. ഞായറാഴ്ച 2,467 പേര് രോഗമുക്തരായി. ഇതോടെ വിദഗ്ധ പരിചരണത്തിനു ശേഷം കോവിഡ് വിമുക്തരായവരുടെ എണ്ണം 3,62,790 പേരായതായും ജില്ലാ മെഡിക്കല് ഓഫീസര് വ്യക്തമാക്കി.
രോഗികളുമായി സമ്പര്ക്കത്തിലേര്പ്പെട്ട് വൈറസ് ബാധിതരാകുന്നവര് വര്ധിക്കുന്ന സ്ഥിതി ജില്ലയില് തുടരുകയാണ്. നേരിട്ടുള്ള സമ്പര്ക്കത്തിലൂടെ 2,607 പേര്ക്കാണ് ഞായറാഴ്ച രോഗബാധയുണ്ടായത്. 31 പേര്ക്ക് വൈറസ് ബാധയുണ്ടായതിന്റെ ഉറവിടം കണ്ടെത്താനായിട്ടില്ല. ആരോഗ്യ മേഖലയില് പ്രവര്ത്തിക്കുന്ന രണ്ട് പേര്ക്കും വിദേശ രാജ്യങ്ങളില് നിന്ന് തിരിച്ചെത്തിയ രണ്ട് പേര്ക്കും ഇതര സംസ്ഥാനങ്ങളില് നിന്നെത്തിയ 42 പേര്ക്കും രോഗബാധ സ്ഥിരീകരിച്ചിട്ടുണ്ട്. 62,940 പേരാണ് ജില്ലയില് ഇപ്പോള് നിരീക്ഷണത്തില് കഴിയുന്നത്. 20,244 പേര് ചികിത്സയിലാണ്.
കോവിഡ് പ്രത്യേക ചികിത്സാ കേന്ദ്രങ്ങളായ ആശുപത്രികളില് 704 പേരും കോവിഡ് ഫസ്റ്റ് ലൈന് ട്രീറ്റ്മെന്റ് സെന്ററുകളില് 372 പേരും 137 പേര് കോവിഡ് സെക്കന്ഡ് ലൈന് ട്രീറ്റ്മെന്റ് സെന്ററുകളിലുമാണ്. തദ്ദേശഭരണ സ്ഥാപനങ്ങള്ക്കു കീഴിലുള്ള പ്രത്യേക താമസ കേന്ദ്രങ്ങളായ ഡൊമിസിലിയറി കെയര് സെന്ററുളില് 465 പേരും ശേഷിക്കുന്നവര് വീടുകളിലും മറ്റുമായും നിരീക്ഷണത്തില് കഴിയുന്നു. ജില്ലയില് ഇതുവരെ 1,459 പേരാണ് കോവിഡ് ബാധിതരായി മരിച്ചത്.
കോവിഡ് വ്യാപന സാധ്യത തിരിച്ചറിയണം: ജില്ലാ മെഡിക്കല് ഓഫീസര്
മലപ്പുറം ജില്ലയില് കോവിഡ് 19 വ്യാപന സാധ്യത സജീവമായി നിലനില്ക്കുകയാണെന്നും ഇത് തിരിച്ചറിഞ്ഞുള്ള ഇടപെടലാണ് പൊതു സമൂഹത്തില് നിന്നുണ്ടാകേണ്ടതെന്നും ജില്ലാ മെഡിക്കല് ഓഫീസര് ഡോ. കെ. സക്കീന അഭ്യര്ഥിച്ചു. ആരോഗ്യ ജാഗ്രതാ നിര്ദേശങ്ങള് ഒരു കാരണവശാലും ലംഘിക്കരുത്. രോഗ വ്യാപന നിരക്ക് പരിശോധിച്ച് ഉറപ്പാക്കി നിയന്ത്രണ നടപടികള് ഊര്ജ്ജിതമായി നടന്നു വരികയാണ്. രോഗ നിര്വ്യാപന പ്രവര്ത്തനങ്ങളുമായി പൊതുജനങ്ങള് സഹകരിക്കണമെന്നും ജില്ലാ മെഡിക്കല് ഓഫീസര് പറഞ്ഞു.
അത്യാവശ്യ ഘട്ടങ്ങളില്ലാതെ ഒരു കാരണവശാലും വീടുകളില് നിന്ന് ആരും തന്നെ പുറത്തിറങ്ങരുത്. പ്രത്യേക പരിഗണന ആവശ്യമായ മുതിര്ന്ന പൗരന്മാര്, കുട്ടികള്, നിത്യ രോഗികള്, ഗര്ഭിണികള് തുടങ്ങിയവരെ നേരിട്ടു സന്ദര്ശിക്കുന്നതില് നിന്ന് പുറത്തു നിന്നുള്ളവര് വിട്ടു നില്ക്കണം. വീടുകളിലും വൈറസ് വ്യാപന സാധ്യത മുന്നിര്ത്തി അതീവ ജാഗ്രത പുലര്ത്തണം. ആരോഗ്യ ജാഗ്രത കര്ശനമായി പാലിക്കുന്നതിലൂടെ മാത്രമെ നിലവിലെ ആരോഗ്യ ഭീഷണി മറികടക്കാനാകൂ.
കൃത്യമായ ഇടവേളകളില് കൈകള് കഴുകി വൃത്തിയാക്കണം. രണ്ട് മാസ്കുകളുടെ ശരിയായ ഉപയോഗവും ഉറപ്പാക്കണം. ഏതെങ്കിലും വിധത്തിലുള്ള ആരോഗ്യ പ്രശ്നങ്ങളുണ്ടായാല് അടുത്തുള്ള ആരോഗ്യ കേന്ദ്രം, ജില്ലാതല കണ്ട്രോള് സെല്, ആരോഗ്യ പ്രവര്ത്തകര് എന്നിവരുമായി ഫോണില് ബന്ധപ്പെടണമെന്നും ഒരു കാരണവശാലും നേരിട്ട് ആശുപത്രികളില് പോകരുതെന്നും ജില്ലാ മെഡിക്കല് ഓഫീസര് പറഞ്ഞു. ജില്ലാതല കണ്ട്രോള് സെല്ലില് വിളിച്ച് ലഭിക്കുന്ന നിര്ദേശങ്ങള് പൂര്ണമായും പാലിക്കണം.
ജില്ലാതല കണ്ട്രോള് സെല് നമ്പറുകള്: 0483 2737858, 2737857, 2733251, 2733252, 2733253.
ഞായറാഴ്ച (ജൂലൈ 25) മലപ്പുറം ജില്ലയില് രോഗബാധിതരായവരുടെ പ്രാദേശികാടിസ്ഥാനത്തിലുള്ള എണ്ണം ചുവടെ ചേര്ക്കുന്നു,
എ.ആര് നഗര് 52
ആലങ്കോട് 27
ആലിപ്പറമ്പ് 21
അമരമ്പലം 46
ആനക്കയം 19
അങ്ങാടിപ്പുറം 67
അരീക്കോട് 20
ആതവനാട് 32
ഊരകം 19
ചാലിയാര് 34
ചീക്കോട് 14
ചേലേമ്പ്ര 11
ചെറിയമുണ്ടം 07
ചെറുകാവ് 32
ചോക്കാട് 11
ചുങ്കത്തറ 42
എടക്കര 37
എടപ്പറ്റ 06
എടപ്പാള് 38
എടരിക്കോട് 17
എടവണ്ണ 25
എടയൂര് 23
ഏലംകുളം 08
ഇരിമ്പിളിയം 35
കാലടി 09
കാളികാവ് 16
കല്പകഞ്ചേരി 09
കണ്ണമംഗലം 27
കരുളായി 38
കരുവാരക്കുണ്ട് 27
കാവനൂര് 24
കീഴാറ്റൂര് 40
കീഴുപറമ്പ് 32
കോഡൂര് 17
കൊണ്ടോട്ടി 37
കൂട്ടിലങ്ങാടി 22
കോട്ടക്കല് 17
കുറുവ 37
കുറ്റിപ്പുറം 43
കുഴിമണ്ണ 08
മക്കരപ്പറമ്പ് 28
മലപ്പുറം 32
മമ്പാട് 06
മംഗലം 09
മഞ്ചേരി 94
മങ്കട 29
മാറാക്കര 57
മാറഞ്ചേരി 26
മേലാറ്റൂര് 15
മൂന്നിയൂര് 29
മൂര്ക്കനാട് 35
മൂത്തേടം 28
മൊറയൂര് 23
മുതുവല്ലൂര് 05
നന്നമ്പ്ര 08
നന്നംമുക്ക് 19
നിലമ്പൂര് 36
നിറമരുതൂര് 25
ഒതുക്കുങ്ങല് 13
ഒഴൂര് 07
പള്ളിക്കല് 20
പാണ്ടിക്കാട് 21
പരപ്പനങ്ങാടി 31
പറപ്പൂര് 24
പെരിന്തല്മണ്ണ 42
പെരുമണ്ണ ക്ലാരി 14
പെരുമ്പടപ്പ് 31
പെരുവള്ളൂര് 40
പൊന്മള 02
പൊന്മുണ്ടം 09
പൊന്നാനി 58
പൂക്കോട്ടൂര് 37
പോരൂര് 09
പോത്തുകല്ല് 26
പുലാമന്തോള് 51
പുളിക്കല് 39
പുല്പ്പറ്റ 11
പുറത്തൂര് 06
പുഴക്കാട്ടിരി 42
താനാളൂര് 24
താനൂര് 16
തലക്കാട് 17
തവനൂര് 35
താഴേക്കോട് 17
തേഞ്ഞിപ്പലം 12
തെന്നല 09
തിരുനാവായ 08
തിരുവാലി 05
തൃക്കലങ്ങോട് 17
തൃപ്രങ്ങോട് 28
തുവ്വൂര് 14
തിരൂര് 34
തിരൂരങ്ങാടി 23
ഊര്ങ്ങാട്ടിരി 38
വളാഞ്ചേരി 36
വളവന്നൂര് 05
വള്ളിക്കുന്ന് 11
വട്ടംകുളം 21
വാഴക്കാട് 23
വാഴയൂര് 17
വഴിക്കടവ് 54
വെളിയങ്കോട് 14
വേങ്ങര 34
വെട്ടത്തൂര് 43
വെട്ടം 21
വണ്ടൂര് 25
മലപ്പുറം ജില്ലയില് 15.33 പേര് കോവിഡ്
പ്രതിരോധ വാക്സിന് സ്വീകരിച്ചു
മലപ്പുറം ജില്ലയില് 15,33,233 പേര് കോവിഡ് പ്രതിരോധ വാക്സിന് സ്വീകരിച്ചതായി ജില്ലാ മെഡിക്കല് ഓഫീസര് ഡോ. കെ. സക്കീന അറിയിച്ചു. 10,87,177 പേര്ക്ക് ഒന്നാം ഡോസും 4,46,056 പേര്ക്ക് രണ്ടാം ഡോസുമാണ് നല്കിയത്. പ്രത്യേക വിഭാഗങ്ങളിലായുള്ള മുന്ഗണനാ ക്രമത്തിലാണ് ജില്ലയില് വാക്സിന് വിതരണം ജില്ലയില് പുരോഗമിക്കുകയാണ്.
18 മുതല് 44 വയസ് വരെ പ്രായമുള്ള 2,64,540 പേര്ക്ക് ഒന്നാം ഡോസ് വാക്സിന് നല്കി. 59,315 പേര്ക്ക് രണ്ടാം ഡോസ് വാക്സിനും നല്കി. 45 വയസിനു മുകളില് പ്രായമുള്ള 7,22,232 പേര്ക്ക് ആദ്യഘട്ട വാക്സിനും 3,23,831 പേര്ക്ക് രണ്ടാം ഘട്ട വാക്സിനുമാണ് നല്കിയിരിക്കുന്നത്. ആരോഗ്യ പ്രവര്ത്തകരില് 44,322 പേര്ക്ക് കോവിഡ് പ്രതിരോധ വാക്സിന്റെ ഒന്നാം ഡോസും 30,530 പേര്ക്ക് രണ്ടാം ഡോസും നല്കി. കോവിഡ് മുന്നണി പോരാളികളില് 22,526 പേര്ക്ക് ഒന്നാം ഡോസും 19,480 പേര്ക്ക് രണ്ടാം ഡോസും ലഭ്യമാക്കി. പോളിംഗ് ഉദ്യോഗസ്ഥരില് 12,900 പേര് രണ്ടാം വാക്സിന് സ്വീകരിച്ചു. നേരത്തെ 33,547 പോളിംഗ് ഉദ്യോഗസ്ഥര്ക്ക് ആദ്യ ഘട്ട വാക്സിന് നല്കിയിരുന്നു.
RECENT NEWS
ബൈക്കപകടത്തിൽ പരുക്കേറ്റ് ചികിൽസയിലായിരുന്ന വിദ്യാർഥി മരിച്ചു
വളാഞ്ചേരി: ബൈക്കപകടത്തിൽ പരുക്കേറ്റ് ചികിൽസയിലായിരുന്ന വിദ്യാർഥി മരിച്ചു. ബൈപ്പാസ് റോഡ് സ്വദേശിയും മമ്പുറത്ത് താമസക്കാരനുമായ വി കെ റഹീമിന്റെ (ഓട്ടോ ഡ്രൈവർ) മകൻ സൽമാൻ മമ്പുറമാണ് മരിച്ചത്. കഴിഞ്ഞ വ്യാഴാഴ്ച്ച വളാഞ്ചേരി പോലീസ് സ്റ്റേഷൻ പരിധിയിൽ [...]
