പെരിന്തല്മണ്ണയിലെ അഞ്ചുമാസം പ്രായമുള്ള ഇമ്രാന്റെ ജീവന് രക്ഷിക്കാന് 18കോടി രൂപവേണം
കേരളക്കരയുടെ കൈത്താങ്ങ് പ്രതീക്ഷിച്ച് മലപ്പുറം പെരിന്തല്മണ്ണയിലെ അഞ്ചുമാസം പ്രായമുള്ള ഇമ്രാനും. കണ്ണൂരുകാരന് മുഹമ്മദിനായി കൈകോര്ത്ത കേരളം ഇമ്രാന് എന്ന അഞ്ച് മാസം മാത്രം പ്രായമായ മകന് വേണ്ടിയും ഒത്തൊരുമിക്കുമെന്ന പ്രതീക്ഷയിലാണ് പെരിന്തല്മണ്ണ സ്വദേശി ആരിഫും കുടുംബവും. 18 കോടി രൂപ ചെലവ് ആവശ്യമായ മരുന്ന് മകന് എത്തിക്കാനുള്ള പെടാപാടിലാണ് ഈ കുടുംബം. മരുന്നിനുള്ള തുക കണ്ടെത്താനായി സര്ക്കാര് സഹായിക്കണമെന്നാവശ്യപ്പെട്ട് കോടതിയെ സമീപിച്ചിരിക്കുകയാണ് ഇവര്. കേസ് കോടതിയുടെ പരിഗണനയിലാണ്.
ജനിച്ച് വീണ അന്ന് മുതല് പുറം ലോകം കാണാന് ഇമ്രാനായിട്ടില്ല. ആശുപത്രി കിടക്കയും മരുന്നുകളുടെ മണവുമാണ് ഈ കുഞ്ഞിന്റെ കൂട്ട്. സ്പൈനല് മസ്കുലര് അട്രോഫി എന്ന അപൂര്വ രോഗത്തിന് അഞ്ച് മാസമായി ചികിത്സയിലാണ് കുഞ്ഞ് ഇമ്രാന്. മരുന്നെത്തിച്ചാല് കുട്ടിയെ രക്ഷപ്പെടുത്തിയെടുക്കാമെന്ന് ഡോക്ടര്മാര് അറിയിച്ചെങ്കിലും കോടികണക്കിന് രൂപ ഉണ്ടാക്കിയെടുക്കാനുള്ള സാമ്പത്തിക സ്ഥിതി ഇമ്രാന്റെ കുടുംബത്തിനില്ല. 18 കോടി രൂപ എങ്ങനെ സമാഹാരിക്കുമെന്ന് അറിയില്ല. സഹായത്തിനായി പറ്റാവുന്ന വഴികളെല്ലാം മുട്ടിയെങ്കിലും നിരാശമാത്രമാണ് ഫലം. അവസാന സഹായമായി ഹൈക്കോടതിയെ സമീപിച്ചെങ്കിലും ഫലം ഉണ്ടായില്ല.
കോഴിക്കോട് മെഡിക്കല് കോളേജ് ആശുപത്രിയിലാണ് നിലവില് ഇമ്രാന് ചികിത്സയിലുള്ളത്. ഉമ്മയും ഉമ്മൂമ്മയുമാണ് വെന്റിലേറ്ററില് അവന് കൂട്ട്. ആശുപത്രിക്കിടക്കയില് കരഞ്ഞ് തളര്ന്ന കുഞ്ഞ് ഇമ്രാന് ആശ്വാസം വേണം. സ്വപ്നം കണ്ട് തുടങ്ങേണ്ട കുഞ്ഞിന് സ്വപ്നമാവേണ്ടതും നമ്മളാണ്. മുഹമ്മദിനായി കൈകോര്ത്ത നമ്മള്ക്ക് ഇമ്രാനായും കൈകോര്ക്കാം.
അക്കൗണ്ട് വിവരങ്ങള്
അക്കൗണ്ട് നമ്പര്- 16320100118821
IFSC- FDRL0001632
ഗൂഗിള് പെ- 8075393563
ഫേണ്: 8075393563
RECENT NEWS
മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണം; കേരളാ പത്രപ്രവര്ത്തക യൂണിയന്
മലപ്പുറം: മാധ്യമ മേഖലയിലെ തൊഴില് സുരക്ഷ ഉറപ്പാക്കാന് സര്ക്കാര് ഇടപെടണമെന്നു കേരളാ പത്രപ്രവര്ത്തക യൂണിയന് ജില്ലാ സമ്മേളനം ആവശ്യപ്പെട്ടു. പത്രപ്രവര്ത്തക പെന്ഷന് അപേക്ഷകളിലെ കാലതാമസം ഒഴിവാക്കാന് ഉദ്യോഗസ്ഥ തലത്തിലെ അലംഭാവം [...]
