മലപ്പുറം ജില്ലയില്‍ ഇതുവരെ 11,04,370 പേര്‍ കോവിഡ് പ്രതിരോധ വാക്സിന്‍ സ്വീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഇതില്‍ 8,84,600 പേര്‍ ഒന്നാം ഡോസും 2,19,770 പേര്‍ രണ്ടാം ഡോസുമാണ് സ്വീകരിച്ചിട്ടുള്ളത്.

18 മുതല്‍ 44 വയസ് വരെ പ്രായമുള്ള 1,58,021 പേരാണ് ഇതുവരെ വാക്സിന്‍ സ്വീകരിച്ചിട്ടുള്ളത്. ഇതില്‍ 1,52,801 പേര്‍ ഒന്നാം ഡോസ് വാക്സിനും 5,220 പേര്‍ രണ്ടാം ഡോസും സ്വീകരിച്ചു. 45 വയസിനു മുകളില്‍ പ്രായമുള്ള 6,33,910 പേര്‍ ഒന്നാം ഡോസും 1,53,915 പേര്‍ രണ്ടാം ഡോസ് വാക്സിനുമാണ് സ്വീകരിച്ചിട്ടുള്ളത്.

ആരോഗ്യ പ്രവര്‍ത്തകരില്‍ 43,011 പേരാണ് ഒന്നാം ഡോസ് വാക്സിന്‍ സ്വീകരിച്ചിട്ടുള്ളത്. 29,412 പേര്‍ക്ക് രണ്ടാം ഡോസും സ്വീകരിച്ചു. കോവിഡ് മുന്നണി പോരാളികളില്‍ 21,331 പേര്‍ ഒന്നാം ഡോസും 18,323 പേര്‍ രണ്ടാം ഡോസുമാണ് സ്വീകരിച്ചത്. പോളിംഗ് ഉദ്യോഗസ്ഥരില്‍ 33,547 പേര്‍ ഒന്നാം ഡോസും 12,900 പേര്‍ രണ്ടാം ഡോസുമാണ് സ്വീകരിച്ചിട്ടുള്ളത്.