വേങ്ങരയില് കുഞ്ഞാലിക്കുട്ടിക്കെതിരെ അഡ്വ.സാദിഖ് നടുത്തൊടി എസ്.ഡി.പി.ഐ സ്ഥാനാര്ഥി
മലപ്പുറം: അധികാരക്കൊതി മൂലം ലോക്സഭാംഗത്വം രാജി വെച്ച് നിയമസഭയിലേക്ക് മല്സരിക്കുന്ന പി.കെ കുഞ്ഞാലിക്കുട്ടിക്കെതിരെ വേങ്ങരയില് ജന രോഷം ശക്തമാണ്. അത് ഉള്ക്കൊണ്ട് വേങ്ങരയില് എസ് ഡി പി ഐ ജില്ലാ വൈസ് പ്രസിഡണ്ട് അഡ്വ.സാദിഖ് നടുത്തൊടി മല്സരിക്കും.പൊതു വികാരത്തെ ഒട്ടും മാനിക്കാത്ത നിലപാടാണ് കുഞ്ഞാലിക്കുട്ടി കൈ കൊണ്ടത്. സംഘ്പരിവാറിന്റെ ന്യൂനപക്ഷ വിരുദ്ധ, ജന വിരുദ്ധ നയങ്ങളെ പ്രതിരോധിക്കാന് തനിക്ക് സാധിക്കുമെന്നവകാശപ്പെട്ടാണ് അദ്ദേഹം നിയമസഭാംഗത്വം രാജിവെച്ച് പാര്ലമെന്റിലേക്ക് പോയത്. ആ ദൗത്യം പാതിവഴിയിലുപേക്ഷിച്ച് വീണ്ടും നിയമസഭാ സ്ഥാനാര്ഥിയായ കുഞ്ഞാലിക്കുട്ടി കടുത്ത ജനവഞ്ചനയാണ് ചെയ്യുന്നത്. തങ്ങള്ക്ക് വോട്ട് ചെയ്തവരെ ഇത്രയധികം പരിഹസിക്കുന്ന നിലപാട് മറ്റൊരു നേതാവില് നിന്നും മുമ്പുണ്ടായിട്ടില്ല. ഇത്തരം അധികാരക്കൊതിയന്മാരെ പാഠം പഠിപ്പിക്കുവാന് ജനങ്ങള് ഒറ്റക്കെട്ടാകേണ്ടതുണ്ട്. ഒറ്റുകാര്ക്ക് മാപ്പ് നല്കാത്ത മലപ്പുറത്തിന്റെ പാരമ്പര്യം ആവര്ത്തിക്കേണ്ടതുണ്ട്. ഈ വികാരം ഉയര്ത്തിപ്പിടിച്ച് കൊണ്ട് സ്ഥാനാര്ഥി നിര്ണ്ണയം നടത്തുന്നതില് ഇടത് മുന്നണി പരാജയപ്പെട്ടു.ഈ സാഹചര്യത്തില് വേങ്ങരയില് ഒരു പൊതു സ്ഥാനാര്ഥി വരികയാണെങ്കില് പാര്ട്ടി പിന്തുണക്കും.വാര്ത്താ സമ്മേളനത്തില് എസ് ഡി പി ഐ സംസ്ഥാന പ്രസിഡണ്ട് പി അബ്ദുല് മജീദ് ഫൈസി , ജില്ലാ വൈസ് പ്രസിഡണ്ട് വി ടി ഇക്റാമുല് ഹഖ് പങ്കെടുത്തു.
RECENT NEWS
പരപ്പനങ്ങാടി പുത്തന് പീടികയില് ലോറികള് തമ്മില് കൂട്ടിയിടിച്ച് ഒരാള് മരണപ്പെട്ടു
പരപ്പനങ്ങാടി : പരപ്പനങ്ങാടി പുത്തന് പീടികയില് ലോറികള് തമ്മില് കൂട്ടിയിടിച്ച് ഒരാള് മരണപ്പെട്ടു. ചെകല്ല് കയറ്റി വന്ന ലോറിയുടെ ഡ്രൈവര് കൊല്ലം സ്വദേശിയും കണ്ണൂര് ആലംമൂട്ടില് വാടക വീട്ടില് താമസിക്കുന്ന അരുണ് കുമാര് (41) ആണ് മരണപ്പെട്ടത്. [...]
