മലപ്പുറം ജില്ലയില് നാല് സ്ഥാനാര്ത്ഥികള് കൂടി നാമനിര്ദേശ പത്രിക സമര്പ്പിച്ചു
മലപ്പുറം: നിയമസഭാ തെരഞ്ഞെടുപ്പിലേക്കും മലപ്പുറം ലോക്സഭാ ഉപതെരഞ്ഞെടുപ്പിലേക്കുമുള്ള നാമനിര്ദേശ പത്രികാ സമര്പ്പണത്തിന്റെ മൂന്നാം ദിവസമായ മാര്ച്ച് 16ന് നാല് പേര് പത്രിക സമര്പ്പിച്ചു. മലപ്പുറം ലോക്സഭാ ഉപതെരഞ്ഞെടുപ്പിലേക്ക് ഒരു സ്ഥാനാര്ത്ഥിയും നിയമസഭാ തെരഞ്ഞെടുപ്പിലേക്ക് മൂന്ന് സ്ഥാനാര്ത്ഥികളുമാണ് വരണാധികാരികള്ക്ക് മുമ്പാകെ നാമനിര്ദേശ പത്രികകള് സമര്പ്പിച്ചത്.
മലപ്പുറം ലോക്സഭാ ഉപതെരഞ്ഞെടുപ്പിലേക്ക് സോഷ്യല് ഡെമോക്രാറ്റിക് പാര്ട്ടി ഓഫ് ഇന്ത്യയുടെ (എസ്.ഡി.പി.ഐ) സ്ഥാനാര്ത്ഥിയായി തസ്ലീം അഹമ്മദ് റഹ്മാനിയാണ് വരണാധികാരിയായ ജില്ലാകലക്ടര് കെ. ഗോപാലകൃഷ്ണന് മുമ്പാകെ നാമനിര്ദേശ പത്രിക സമര്പ്പിച്ചത്. നിയമസഭാ തെരഞ്ഞെടുപ്പിലേക്ക് തിരൂര് മണ്ഡലത്തില് മുഹമ്മദ് ഷരീഫ് പരിയാരത്ത് രണ്ട് പത്രികകള് വീതം വരണാധികാരിയായ ഇറിഗേഷന് മലപ്പുറം ഡിവിഷന് എക്സിക്യൂട്ടീവ് എഞ്ചിനീയര് കെ.എസ് സുജയ്ക്ക് മുമ്പാകെ സമര്പ്പിച്ചു.
പെരിന്തല്മണ്ണ മണ്ഡലത്തില് സ്വതന്ത്ര സ്ഥാനാര്ത്ഥി അബൂബക്കര് വരണാധികാരിയായ സബ് കലക്ടര് കെ.എസ് അഞ്ജുവിനും നിലമ്പൂര് മണ്ഡലത്തില് എസ്.ഡി.പി.ഐ സ്ഥാനാര്ത്ഥി മണി വരണാധികാരിയായ നിലമ്പൂര് നോര്ത്ത് ഡിവിഷനല് ഫോറസ്റ്റ് ഓഫീസര് കെ.ജെ മാര്ട്ടിന് ലോവലിനും പത്രികകള് നല്കി. ഇതോടെ ജില്ലയില് നാമനിര്ദേശ പത്രികകള് നല്കിയ സ്ഥാനാര്ത്ഥികളുടെ എണ്ണം ആറും പത്രികകളുടെ എണ്ണം ഏഴുമായി.
തെരഞ്ഞെടുപ്പ് ചെലവ് പരിധി നിശ്ചയിച്ചു
ലോക്സഭയിലേക്കും നിയമസഭകളിലേക്കുമുള്ള തെരഞ്ഞെടുപ്പുകളില് സ്ഥാനാര്ത്ഥികള്ക്ക് ബാധകമായ തെരഞ്ഞെടുപ്പ് ചെലവുകളുടെ ഉയര്ന്ന പരിധി കേന്ദ്ര ഇലക്ഷന് കമ്മീഷന് പ്രസിദ്ധീകരിച്ചു. കേരളത്തിലെ ലോക്സഭമണ്ഡലത്തിലേക്ക് 77,00,000 രൂപയും നിയമസഭാ മണ്ഡലത്തിലേക്ക് 30,80,000 രൂപയുമാണ് നിശ്ചയിച്ചിട്ടുള്ളത്.
പാട്ടു പാടി, ചെണ്ട കൊട്ടി പ്രചാരണം കൊഴുപ്പിക്കാം;
കണക്കുണ്ടാകണം
തെരഞ്ഞെടുപ്പ്: പ്രചാരണ വസ്തുക്കളുടെ വിലനിലവാരം പ്രസിദ്ധീകരിച്ചു
നിയമസഭാ തെരഞ്ഞെടുപ്പ്/ മലപ്പുറം ലോക്സഭാ ഉപ തെരഞ്ഞെടുപ്പിന്റെ ഭാഗമായി സ്ഥാനാര്ത്ഥി/രാഷ്ട്രീയ പാര്ട്ടികളുടെ തെരഞ്ഞെടുപ്പ് ചെലവ് നിരീക്ഷണവുമായി ബന്ധപ്പെട്ട വിവിധ പ്രചാരണ വസ്തുക്കളുടെ ജില്ലയിലെ വില നിലവാരം പ്രസിദ്ധീകരിച്ചു. നിയമസഭ തെരഞ്ഞെടുപ്പില് രാഷ്ട്രീയ പാര്ട്ടികളുടെയും സ്ഥാനാര്ത്ഥികളുടെയും തെരഞ്ഞെടുപ്പ് ചെലവ് കണക്കാക്കുന്നതിന് ഈ നിരക്കുകളാണ് തെരഞ്ഞെടുപ്പ് കമ്മീഷന് ഉപയോഗിക്കുക.
പ്രചാരണ വസ്തുക്കളുടെ നിരക്കുകള് (രൂപ) താഴെ ചേര്ക്കുന്നു
ബസ് (സീറ്റ് 38-48) ഒരു ദിവസത്തേക്ക് (എട്ട് മണിക്കൂര്)- 4500 രൂപ, ടൂറിസ്റ്റ് ബസ് (49 സീറ്റ്) (ഒരു ദിവസം)- 4500, മിനി ബസ്-(സീറ്റ് 33-35)3800, ട്രാവലര് (സീറ്റ് 20- 22) (ഒരു ദിവസം)- 2800, ടെമ്പോ ട്രാവലര് (സീറ്റ് 14 – 17) (ഒരു ദിവസം) – 2000, ഇന്നോവ (ഒരു ദിവസം)- 2000, സുമോ / ക്വാളീസ് – 1600, ജീപ്പ് / ടെമ്പോ / ട്രക്കര് – – 2000, ത്രീവീലര് (ഒരു ദിവസം)- 750, ടൂ വീലര്(ഒരു ദിവസം)- (250), മോട്ടോര് ബൈക്ക് – (ഓരോ പരിപാടിക്കും) -200, മോട്ടോര് ബോട്ട് വാടക (ഒരു മണിക്കൂറിന്) – 350, ഡ്രൈവര്മാരുടെ ചാര്ജ്/കൂലി (ഒരു ദിവസത്തിന്) – 730, കമാനങ്ങള്ക്കും ഗേറ്റുകള്ക്കും (15 അടി) – 3000, 30 അടി -5000, ആര്ച്ച് (ബോക്സ് ടൈപ്പ്) ഒരോന്നിനും – 3000, കിയോസ്ക് (ഒരോന്നിനും) -2000, പ്രചരണ ഓഫീസ് നിര്മാണം (വലുത്) ഒരോന്നിനും -7000, ഇലക്ഷന് കമ്മിറ്റി ബൂത്ത് സിംപിള് -(ഒരോന്നിനും) – 400,
സ്റ്റേജ് ഓണ് വെഹിക്കിള് -(ഒരു ദിവസത്തിന്) – 5000, ഹോട്ടല് റും / ഗസ്റ്റ് ഹൗസ് – എ/സി – (ഒരു ദിവസത്തിന് )1000 , ഹോട്ടല് റൂം / ഗസ്റ്റ് ഹൗസ് – നോണ് എ.സി. (ഒരു ദിവസത്തിന്) -600, ഓഡിറ്റോറിയം (ഒരു ദിവസത്തിന്) ( 500 ല് കൂടുതല് സീറ്റുകള്)- 9000, ഓഡിറ്റോറിയം-(ഒരു ദിവസത്തിന്) (300 മുതല് 500 വരെ സീറ്റുകള്)-5250, ഓഡിറ്റോറിയം (300 മുതല് 200 വരെ സീറ്റുകള്) -2250, ഓഡിറ്റോറിയം(ഒരു ദിവസത്തിന്) (200 താഴെ)-1500 രൂപ, വീഡിയോ ഡിസ്പ്ലേ(ഒരു ദിവസത്തിന്)- 3000, ഓഡിയോ സോങ് റെക്കോഡിങ് (സോളോ ) 8000, ഓഡിയോ സോങ്ങ് റെക്കോഡിങ് (ഡ്യുയറ്റ്)-12000, ഓഡിയോ സോങ്ങ് റെക്കോഡിങ്( സോളോ, അമേച്ചര്)-4000, ഓഡിയോ സോങ് റെക്കോഡിങ് (ഡ്യുയറ്റ് – അമേച്ചര്)- 6000, നോട്ടീസ് (1000 കോപ്പി)-700, കളര് (1000 കോപ്പി)-2000, ഡെമി (2 ഭാഗം)- (1000 കോപ്പി)-2500, ഡ്രോണ് ക്യാമറ – (ഒരു ദിവസത്തിന്)- 12000, (മണിക്കൂറിന്) -3000 രൂപ, ജിമ്പ് ക്യാമറ (ഒരു ദിവസത്തിന് )11000, സോഫസെറ്റ് ഒന്നിന് 200, സോഫസെറ്റ് ഡബിള്- 400, ട്യൂബ് ലൈറ്റ്- 20, എല്.ഇ.ഡി ടിവി -750, എല്ഇഡി/സിഎഫ്എല് ലാമ്പ് 70 വാട്ട് അതിനു മുകളിലും -30, ജനറേറ്റര്- ഹോണ്ട (ഒരു ദിവസത്തിന്) 300, ജനറേറ്റര്- 7.5 കെ.വി (ഒരു ദിവസത്തിന്) -2000, ജനറേറ്റര്- 10 കെവി (ഒരു ദിവസത്തിന്) -2500, മുത്തുക്കുട- 55, നെറ്റിപ്പട്ടം- 2000, ബാന്ഡ് സെറ്റ്- ഒരാള്ക്ക് 800, ചെണ്ട മേളം- ഒരാള്ക്ക്-800, ലൗഡ് സ്പീക്കര്, ആംപ്ലിഫയര്, മൈക്ക് (1000 വാട്ടിന് താഴെ) -3000, ലൗഡ് സ്പീക്കര്, ആംപ്ലിഫയര്, മൈക്ക്-(1000 വാട്ടിന് മുകളില് )4000, പന്തല് (സാധാരണ സ്ക്വയര് ഫീറ്റ്)-8 രൂപ, പന്തല് (അലങ്കരിച്ചത് സ്ക്വയര് ഫീറ്റ്)-12 രൂപ, ഹോര്ഡിങ്സ് സ്ക്വയര് ഫീറ്റ്-100, പുനരുപയോഗിക്കാന് കഴിയുന്ന പരസ്യ ബില് ബോര്ഡ് സ്ക്വ.ഫീറ്റ്- 35, മൈക്ക് അനൗണ്സ്മെന്റ്- സൗണ്ട് സിസ്റ്റം വാടക 1500, അനൗണ്സ്മെന്റ് വാഹന വാടക- 2000, യുഎസ്ബി -300, വെബ്സൈറ്റ് നടത്തിപ്പ് ചെലവ്-800, ഡൊമൈന് രജിസ്ട്രേഷന് ചാര്ജ്-400, ഡിസൈന് ചാര്ജ്-1000, ഹൈഡ്രജന് ബലൂണ്-2500, ഡെയ്ലി അലവന്സ് (പോളിങ് ഏജന്റ്)-500, കൗണ്ടിങ് ഏജന്റ്-500, ക്യാംപെയിനിങ് വര്ക്ക്-500 എന്നിങ്ങനെ 114 ഇനങ്ങളുടെ വിലയാണ് നിശ്ചയിച്ചത്.
RECENT NEWS
പരപ്പനങ്ങാടി പുത്തന് പീടികയില് ലോറികള് തമ്മില് കൂട്ടിയിടിച്ച് ഒരാള് മരണപ്പെട്ടു
പരപ്പനങ്ങാടി : പരപ്പനങ്ങാടി പുത്തന് പീടികയില് ലോറികള് തമ്മില് കൂട്ടിയിടിച്ച് ഒരാള് മരണപ്പെട്ടു. ചെകല്ല് കയറ്റി വന്ന ലോറിയുടെ ഡ്രൈവര് കൊല്ലം സ്വദേശിയും കണ്ണൂര് ആലംമൂട്ടില് വാടക വീട്ടില് താമസിക്കുന്ന അരുണ് കുമാര് (41) ആണ് മരണപ്പെട്ടത്. [...]
