December 22, 2020

കടലുണ്ടിപ്പുഴയില്‍ മുങ്ങിത്താഴ്ത്ത 76കാരനെ രക്ഷപ്പെടുത്തിയത് ഒമ്പതാംക്ലാസുകാര്‍

മലപ്പുറം: കടലുണ്ടി പുഴയിലെ കൂരിയാട് പനമ്പുഴ കടവില്‍ കുളിക്കുന്നതിനിടെ തലകറങ്ങി മുങ്ങി താഴ്ന്ന കൊളപ്പുറം കുഭാര കോളനിയിലെ കുഞ്ഞുട്ടി ചെട്ട്യാര്‍ (76) നെ ഒമ്പതാം ക്ലാസ് വിദ്യാര്‍ഥികള്‍ രക്ഷപ്പെടുത്തി. ഈ കുട്ടികളുടെ കൃത്യമായ ഇടപെടല്‍ ഉണ്ടായത് കുഞ്ഞുട്ടി ചെട്ട്യാരുടെ ജീവന്‍ തിരിച്ച് കിട്ടി. കൂരിയാട് സ്വദേശികളായ കാട്ടുമുണ്ടക്കല്‍ സഞ്ജയും കാട്ടുമുണ്ടക്കല്‍ അദ്വൈതും ചേര്‍ന്നാണ് രക്ഷിച്ചത്. വിദ്യാര്‍ഥികള്‍ മീന്‍ പിടിക്കാനും കുളിക്കാനുമായിരുന്നു പുഴയിലേക്ക് എത്തിയത്.
പുഴയുടെ എതിര്‍വശത്ത് ഒരാള്‍ മുങ്ങി താഴുന്നത് ശ്രദ്ധയില്‍പ്പെട്ട ഇരുവരും ചേര്‍ന്ന് കുഞ്ഞുട്ടി ചെട്ട്യാരേ മുങ്ങി പോക്കി പുഴയുടെ കരക്ക് കയറ്റിയതിനു ശേഷം നാട്ടുകാരെ വിവരം അറിയിക്കുകയും തിരൂരങ്ങാടി സ്വകാര്യ ആശുപത്രിയിലേക്ക് എത്തിക്കുകയും ചെയ്തു. കാട്ടുമുണ്ടക്കല്‍ ഷണ്‍മുഖന്റെയും തങ്കമണിയുടെയും മകനാണ് അദ്വൈത്, ഭാസ്‌ക്കരന്റെയും ബീനയുടെയും മകനാണ് സഞ്ജയ്. ഇരുവരെയും കൂരിയാട് കാസ്മ ക്ലബിന്റെ നേത്യത്വത്തില്‍ ആദരിച്ചു.

 

Sharing is caring!