കോവിഡിനെ പ്രതിരോധിക്കാന്‍ മുസ്ലിംലീഗിന്റെ അണുനശീകരണ കാമ്പയിന്
മലപ്പുറം: കോവിഡ്- 19 സമൂഹ വ്യാപനത്തിന്റെ അപകടകരമായ സ്ഥിതിയിലേക്ക് എത്തിയതിനാല്‍ മുസ്ലിം ലീഗ് മലപ്പുറം ജില്ലാ കമ്മിറ്റി പ്രഖ്യാപിച്ച അണു നശീകരണ യജ്ഞം സജീവമായി മുന്നേറുകയാണ് – 21 മുതല്‍ 28 വരെ നടക്കുന്ന ‘വീടും നാടും സുരക്ഷിതം’ എന്ന ക്യാമ്പയിന്റ ഭാഗമായി മുസ്ലിം ലീഗ് നേതാക്കളും പ്രവര്‍ത്തകരും സ്വന്തം വീടും അയല്‍പക്കത്തെ വീടുകളും അണുനശീകരണം നടത്തുന്ന പ്രവര്‍ത്തനം പുരോഗമിക്കുകയാണ്
– 
വീടുകള്‍,കച്ചവട സ്ഥാപനങ്ങള്‍, ആരാധനാലയങ്ങള്‍, വാഹനങ്ങള്‍ തുടങ്ങിയവ അണുവിമുക്തമാക്കുന്ന പ്രവര്‍ത്തനമാണ് പ്രധാനമായും നടത്തുന്നത് – 21 ന് ജില്ലാ പ്രസിഡണ്ട് സയ്യിദ് സാദിഖലി ശിഹാബ് തങ്ങള്‍ സ്വവസതിയില്‍ അണുനശീകരണം നടത്തിക്കൊണ്ടാണ് കാമ്പയിന് തുടക്കം കുറിച്ചത്
–
ജില്ലാ ഭാരവാഹികളെയും നിയോജക മണ്ഡലം കമ്മിറ്റികളുടെ മുഖ്യകാര്യദര്‍ശി കളെയും വീഡിയോ കോണ്‍ഫറന്‍സിലൂടെ സാദിഖലി തങ്ങള്‍ ഈ പ്രവര്‍ത്തനത്തിന്റെ പ്രാധാന്യം ബോധ്യപ്പെടുത്തുകയും പരിപാടി വിജയിപ്പിക്കുവാന്‍ നിര്‍ദ്ദേശിക്കുകയും ചെയ്തു – നിയോജക മണ്ഡലം തലത്തില്‍ മുനി : പഞ്ചായത്ത് ഭാരവാഹികളുടെ ഓണ്‍ലൈന്‍ മീറ്റിങ്ങുകള്‍ രണ്ടുദിവസമായി നടന്നുകൊണ്ടിരിക്കുകയാണ്.
മുസ്ലിംലീഗ് അഖിലേന്ത്യാ ജനറല്‍ സെക്രട്ടറി പി കെ കുഞ്ഞാലിക്കുട്ടി എം. പി കഴിഞ്ഞദിവസം അണു നശീകരണ യജ്ഞത്തില്‍ പങ്കാളിയായി – അദ്ദേഹത്തിന്റെ ക്യാമ്പ് ഓഫീസില്‍ അണുനശീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി
–
മുസ്ലിംലീഗ് അഖിലേന്ത്യാ ഓര്‍ഗനൈസിംഗ് സെക്രട്ടറി ഇ ടി മുഹമ്മദ് ബഷീര്‍ എംപി ,അഖിലേന്ത്യാ ട്രഷറര്‍ പി വി അബ്ദുല്‍ വഹാബ് എം.പി
,
സംസ്ഥാന ജനറല്‍ സെക്രട്ടറി കെ പി എ മജീദ് സാഹിബ്, എംഎല്‍എമാരായ കെ. കെ. ആബിദ് ഹുസൈന്‍ തങ്ങള്‍, ടി.എ.അഹമദ് കബീര്‍,അഡ്വ: എന്‍.ശംസുദ്ദീന്‍, പി.കെ. അബ്ദുറബ്ബ്, അഡ്വ: കെ എന്‍ എ ഖാദര്‍ ,അഡ്വ: എം ഉമ്മര്‍
,മഞ്ഞളാംകുഴി അലി,പി അബ്ദുല്‍ ഹമീദ്, പി ഉബൈദുല്ല, ടിവി ഇബ്രാഹിം – പി – കെ ബഷീര്‍ സി.മമ്മുട്ടി തുടങ്ങിയവര്‍ അണുനശീകരണ യജ്ഞത്തില്‍ പങ്കാളികളായി – നേതാക്കളും ജനപ്രതിനിധികളും അവരുടെ വീടുകള്‍ അണുവിമുക്തമാക്കി. പൊതുജനങ്ങള്‍ ധാരാളമായി വരുന്നതുകൊണ്ട് രോഗവ്യാപനത്തിന്റെ സാധ്യത പരിഗണിച്ച് നേതാക്കളുടെയും ജനപ്രതിനിധികളുടെയും ക്യാമ്പ് ഓഫീസുകള്‍,
സിറ്റൗട്ട്, ഓഫീസ് റൂമുകള്‍, തുടങ്ങിയ ഇടങ്ങള്‍ അണു നശീകരണം നടത്തിക്കൊണ്ടാണ് എല്ലാവരും ക്യാമ്പയിനില്‍ ഭാഗവാക്കായത്
RECENT NEWS
നിലമ്പൂരിൽ കൊട്ടിക്കലാശം; പ്രതീക്ഷയോടെ മുന്നണികൾ
പ്രധാനപ്പെട്ട മുന്നണികളെല്ലാം ആവേശമേറിയ കൊട്ടിക്കലാശത്തിൽ സജ്ജമായപ്പോൾ നിലമ്പൂർ മുൻ എംഎൽഎയും സ്വതന്ത്ര സ്ഥാനാർത്ഥിയുമായ പി വി അൻവർ വീടുകള്‍ കയറി പ്രചരണം നടത്തി
