പെരുന്നാള്‍ വസ്ത്രത്തിനും ആഘോഷത്തിനുമായി ഒരു വര്‍ഷമായി സ്വരുക്കൂട്ടിയ പണം അവസാനം സി.എച്ച് സെന്ററിന് കൈമാറി ഏഴാം ക്ലാസുകാരി ഫാത്തിമ റിദ
മലപ്പുറം: പെരുന്നാള്‍ വസ്ത്രത്തിനും ആഘോഷത്തിനുമായി ഒരു വര്‍ഷമായി സ്വരുക്കൂട്ടിയ
പണം അവസാനം സി.എച്ച് സെന്ററിന് കൈമാറി ഏഴാംക്ലാസുകാരി ഫാത്തിമ റിദ.മലപ്പുറം കൊടിഞ്ഞി കടുവാളൂര്‍ നരിമടക്കല്‍ നൗഷാദിന്റെ മകള്‍ ഫാത്തിമ റിദ ആണ് ഒരു വര്‍ഷത്തോളമായി ചില്ലറത്തുട്ടുകളായി സ്വരൂപിച്ച ആയിരം രൂപ സി.എച്ച് സെന്ററിന്റെ പ്രവര്‍ത്തനങ്ങള്‍ക്ക് സംഭാവന സല്‍കിയത്. ലോക്ക് ഡൗണും മഹാമാരിയും കാരണം ലോകജനത പ്രയാസപ്പെടുന്നതിനാല്‍ വസ്ത്രങ്ങളെടുക്കാതെ റിദ തന്റെ ആഘോഷങ്ങളും വേണ്ടെന്ന് വയ്ക്കുകയായിരുന്നു. ഇക്കാര്യം പിതാവിനെ അറിയിക്കുകയും തുക നന്നമ്പ്ര പഞ്ചായത്ത് മുസ്ലിംലീഗ് സീനിയര്‍ വൈസ് പ്രസിഡന്റ് പത്തൂര്‍ കുഞ്ഞോന്‍ ഹാജിക്ക് കൈമാറി. ചടങ്ങില്‍ പത്തൂര്‍ അബ്ദുല്‍ അസീസ്, നരിമടക്കല്‍ നൗഷാദ്, മുഷ്താഖ്, ജിനു റാസിഖ്, കെ.ടി സൈഫുദ്ദീന്‍, എം.പി അബ്ദുറബ്ബ്, ഉസ്മാന്‍ പത്തൂര്‍ സംബന്ധിച്ചു. കൊടിഞ്ഞി എം.എ ഹയര്‍ സെക്കണ്ടറി സ്‌കൂള്‍ ഏഴാം തരം വിദ്യാര്‍ത്ഥിനിയാണ് റിദ.
കരിമ്പില്‍ ടൗണ്‍ മുസ്ലിം ലീഗ് കമ്മിറ്റിക്ക് കീഴില്‍ ശിഹാബ് തങ്ങള്‍ റിലീഫ് സെല്‍ കഴിഞ്ഞ 40 വര്‍ഷമായി നടത്തിവരുന്ന റിലീഫ് പ്രവര്‍ത്തനത്തിന്റെ ഭാഗമായി പെരുന്നാള്‍ കിറ്റുകള്‍ വിതരണം ചെയ്തു. തൊള്ളായിരത്തോളം വരുന്ന കുടുംബങ്ങള്‍ക്കാണ് കിറ്റുകള്‍ വിതരണം ചെയ്തത്. കരിമ്പില്‍, കക്കാട്,കാച്ചടി ഉള്‍പ്പെടെയുള്ള പ്രദേശങ്ങളിലെ എല്ലാ വീടുകളിലും പ്രവര്‍ത്തകര്‍ കിറ്റുകള്‍ എത്തിച്ചു നല്‍കി. ചടങ്ങില്‍ എ.കെ. റഹീം, കെ.എം. മൊയ്തീന്‍, കെ.എം. മുഹമ്മദ്, ഒ.സി. ബഷീര്‍അഹമ്മദ്, പോക്കാട്ട് അബ്ദുറഹ്മാന്‍, കെ.പി. യാകൂബ്, ഒളളക്കന്‍ റാഫി, എം.ടി ഹംസ, എം.പി സിദ്ധീഖ്, എ.കെ. അബ്ദുസ്സലാം, കെ.കെ. കബീര്‍, ഒള്ളക്കന്‍ സാദിഖ്, കെ.കെ. മുസ്തഫ എന്നിവര്‍ സംസാരിച്ചു.
RECENT NEWS
നിലമ്പൂരിൽ കൊട്ടിക്കലാശം; പ്രതീക്ഷയോടെ മുന്നണികൾ
പ്രധാനപ്പെട്ട മുന്നണികളെല്ലാം ആവേശമേറിയ കൊട്ടിക്കലാശത്തിൽ സജ്ജമായപ്പോൾ നിലമ്പൂർ മുൻ എംഎൽഎയും സ്വതന്ത്ര സ്ഥാനാർത്ഥിയുമായ പി വി അൻവർ വീടുകള് കയറി പ്രചരണം നടത്തി
