ഹൈദരലി തങ്ങളുടെ ഫോട്ടോ ഹാന്സ്പാക്കറ്റില് മോര്ഫ്ചെയ്ത് കയറ്റി അപകീര്ത്തിപ്പെടുത്തിയ യുവാവിനെതിരെ കേസ്
തിരൂരങ്ങാടി: മൂരികള്ക്കൊക്കെ ഇത്തരി തങ്ങള്പൊടി തരട്ടെയെന്ന അടിക്കുറിപ്പോടെ പാണക്കാട് ഹൈദരലി തങ്ങളുടെ ഫോട്ടോ ഹാന്സ്പാക്കറ്റില് മോര്ഫ്ചെയ്ത് കയറ്റി ഫേസ്ബുക്കില് പോസ്റ്റ് ചെയ്ത് അപകീര്ത്തിപ്പെടുത്തിയ യുവാവിനെതിരെ കേസ്. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദറലി ശിഹാബ് തങ്ങളെ അപകീര്ത്തിപ്പെടുത്തി ഫേസ് ബുക്കില് പോസ്റ്റ് ചെയ്ത യുവാവിനെതിരെ തിരൂരങ്ങാടി പോലീസാണ് കേസെടുത്തത്.
വെള്ളിമ്പുറം സ്വദേശി അഖില് കൃഷ്ണക്കെതിരെയാണ് തിരൂരങ്ങാടി പോലീസ് കേസെടുത്തത്. ഫേസ് ബുക്കില് അഖില് കൃഷ്ണ എന്ന അക്കൗണ്ടില് നിന്നും ഹാന്റ്സ് പാക്കറ്റില് ശിഹാബ് തങ്ങളുടെ ഫോട്ടോ വെച്ച് ഫേസ് ബുക്കില് പോസ്റ്റ് ചെയ്തതിനെതിരെ തിരൂരങ്ങാടി മണ്ഡലം മുസ്ലിം യൂത്ത്ലീഗ് ജനറല് സെക്രട്ടറി യു.എ. റസാഖ് നല്കിയ പരാതിയിലാണ് പോലീസ് കേസെടുത്തത്. ഇത് പ്രചരിപ്പിച്ചവര്ക്കെതിരെയും നടപടിയുണ്ടാകുമെന്ന് തിരൂരങ്ങാടി സി.ഐ ജോയ് പറഞ്ഞു. പരപ്പനങ്ങാടി മുന്സിപ്പല് മുസ്ലിം യൂത്ത്ലീഗ് കമ്മിറ്റി പരപ്പനങ്ങാടി പോലീസിലും പരാതി നല്കിയിട്ടുണ്ട്.
RECENT NEWS
ബൈക്കപകടത്തിൽ പരുക്കേറ്റ് ചികിൽസയിലായിരുന്ന വിദ്യാർഥി മരിച്ചു
വളാഞ്ചേരി: ബൈക്കപകടത്തിൽ പരുക്കേറ്റ് ചികിൽസയിലായിരുന്ന വിദ്യാർഥി മരിച്ചു. ബൈപ്പാസ് റോഡ് സ്വദേശിയും മമ്പുറത്ത് താമസക്കാരനുമായ വി കെ റഹീമിന്റെ (ഓട്ടോ ഡ്രൈവർ) മകൻ സൽമാൻ മമ്പുറമാണ് മരിച്ചത്. കഴിഞ്ഞ വ്യാഴാഴ്ച്ച വളാഞ്ചേരി പോലീസ് സ്റ്റേഷൻ പരിധിയിൽ [...]
