കൊവിഡ് 19; കരിപ്പൂരില്‍നിന്ന് സൗദിയിലേക്കുള്ള എയര്‍ഇന്ത്യാ വിമാനം നാളെ പുറപ്പെടും
മലപ്പുറം: കൊവിഡ് 19 രോഗ ബാധയുടെ പശ്ചാത്തലത്തില്‍ ഇഖാമയുള്ളവര്‍ക്കു മടങ്ങാന്‍ സഊദി സര്‍ക്കാര്‍ അനുവദിച്ച 72 മണിക്കൂര്‍ സമയം ശനിയാഴ്ച അര്‍ധരാത്രി പൂര്‍ത്തിയാകുന്ന സാഹചര്യത്തില്‍ സഊദിയിലേക്കുള്ള വിമാനസര്‍വിസ് നേരത്തെയാക്കി എയര്‍ഇന്ത്യാ എക്‌സ്പ്രസ്. കണ്ണൂര്‍, കോഴിക്കോട് വിമാനത്താവളങ്ങളില്‍ നിന്നുള്ള സര്‍വിസിനാണു മാറ്റം.
ഞായറാഴ്ച രാത്രി 09.05ന് കണ്ണൂരില്‍ നിന്നു റിയാദിലേക്കു പുറപ്പെടേണ്ട എയര്‍ഇന്ത്യാ വിമാനം ശനിയാഴ്ച ഉച്ചയ്ക്ക് 1.30ന് തിരിക്കും. ശനിയാഴ്ച രാത്രി ഒന്‍പതിന് കോഴിക്കോട് നിന്നു റിയാദിലേക്കു പുറപ്പെടേണ്ട വിമാനം ഒന്നരമണിക്കൂര്‍ നേരത്തെ രാത്രി 7.30ന് പുറപ്പെടും. ഞായറാഴ്ച രാത്രി 11.30ന് കോഴിക്കോട് നിന്നു ദമാമിലേക്കു തിരിക്കേണ്ടിയിരുന്ന വിമാനം ശനിയാഴ്ച രാത്രി എട്ടിന് സര്‍വിസ് നടത്തുമെന്നും ഇക്കാര്യം എസ്.എം.എസ് വഴിയും ട്രാവല്‍ ഏജന്റുമാര്‍ മുഖേനയും യാത്രക്കാരെ അറിയിച്ചതായും എയര്‍ഇന്ത്യാ എക്‌സ്പ്രസ് പ്രതിനിധി അറിയിച്ചു.
RECENT NEWS
ലീഗിന്റെ സമുദായ വഞ്ചനയ്ക്ക് തിരഞ്ഞെടുപ്പിലൂടെ ജനം മറുപടി നൽകുമെന്ന് കെ എസ് ഹംസ
തിരൂരങ്ങാടി: മുസ്ലിം സമുദായത്തെ ലീഗ് വഞ്ചിച്ചത് 14 തവണയാണെന്നും സമുദായ വഞ്ചനയ്ക്ക് ലോക്സഭാ തെരഞ്ഞെടുപ്പിലൂടെ ജനം മറുപടി നല്കുമെന്നും പൊന്നാനിയിലെ എല്.ഡി.എഫ് സ്ഥാനാര്ത്ഥി കെ.എസ് ഹംസ. തിരൂരങ്ങാടി നിയമസഭാ മണ്ഡലത്തിലെ വിവിധ പര്യടനകേന്ദ്രങ്ങളില് [...]
