മലപ്പുറം പൊന്നാനിയിലെ പത്താംക്ലാസുകാരിക്ക് ന്യൂസിലാന്റ് പ്രധാനമന്ത്രി ജെസിന്‍ഡ ആര്‍ഡന്റെ കത്ത്
മലപ്പുറം: ന്യൂസിലാന്റ് പ്രധാനമന്ത്രിക്ക് ജന്മദിനാശംസകള്‍ നേര്‍ന്ന് കത്തയച്ചപ്പോള്‍ പൊന്നാനിക്കാരി അമാന അഷറഫ് ഒരിക്കലും പ്രതീക്ഷിച്ചിരുന്നില്ല മറുപടി ലഭിക്കുമെന്ന്. ഇപ്പോള്‍ പ്രധാനമന്ത്രി അമാനക്ക് മറുപടി കത്തയച്ചതിന്റെ ആവേശത്തിലും ഞെട്ടലിലുമാണ് അമാന.
ലോകത്തെ അപൂര്‍വ്വം വനിതാ പ്രധാനമന്ത്രിമാരിലൊരാളായ ന്യൂസിലാന്റ്് പ്രധാനമന്ത്രി ജെസിന്‍ഡ ആര്‍ഡന്റെ ജന്മദിന ത്തോടനുബന്ധിച്ചാണ് ജൂലൈയില്‍ പത്താം ക്ലാസ് വിദ്യാര്‍ത്ഥിയായ അമാന അഷറഫ് കത്തയച്ചത്. ജന്മദിന ആശംസകളോടൊപ്പം ന്യൂസിലാന്റില്‍ കുറച്ച് മാസങ്ങള്‍ക്ക് മുന്‍പ് ലോകത്തെ ഞെട്ടിച്ച ക്രൈസ്റ്റ് ചര്‍ച്ചിലിലെ മുസ്ലിംപള്ളിയില്‍ നടന്ന വെടിപ്പെല്‍ നിരവധിപേര്‍ കൊല്ലപ്പെട്ട സംഭവത്തെ പ്രധാനമന്ത്രിയായ അവര്‍ക്ക് നേരിടേണ്ടി വന്ന സാഹചര്യത്തെയും, അവര്‍ എടുത്ത ധീരമായ നടപടികളെ കുറിച്ചും, അവര്‍ ഹിജാബ് ധരിച്ച് കൊല്ലപ്പെട്ടവരുടെ ബന്ധുക്കളെയും, അവിടത്തെ മുസ്ലിം ജനവിഭാഗത്തെ ആശ്വസിപ്പിച്ചതിനെ കുറിച്ചുമൊക്കെ അമാന എഴുതിയിരുന്നു.
ന്യൂസിലാന്റിലെ ഏറ്റവും പ്രായം കുറഞ്ഞ പ്രധാനമന്ത്രി യാണെന്നതും, പ്രധാനമന്ത്രിയായിരിക്കെ ഒരു പെണ്‍കുഞ്ഞിന് ജന്മം നല്‍കിയ ലോകത്തെ അത്യപൂര്‍വ്വ സംഭവത്തെകുറിച്ചും, അവരുടെ മകള്‍ ഒരു വയസുകാരി നെവ് നെ കുറിച്ചും അമാന എഴുത്തില്‍ പരമാര്‍ശിച്ചിരുന്നു.
ലോകത്തെ പ്രകൃതിരമണീയമായ ന്യൂസിലാന്റിനെ കുറിച്ച് വായിച്ചറിഞ്ഞതും, ദൈവത്തിന്റെ സ്വന്തം നാടായ കേരളത്തെകുറിച്ചും പ്രധാനമന്ത്രിക്ക് പരിചയപ്പെടുത്തിക്കൊടുക്കാനും അമാന മറന്നില്ല.പ്രധാനമന്ത്രി ജസിന്‍ഡ ആര്‍ഡ തന്റെ മറുപടി കത്തില്‍ ലോകം മുഴുവന്‍ നല്‍കുന്ന പിന്തുണയെ കുറിച്ചും, ഐക്യദാര്‍ഡ്യത്തെകുറിച്ചും,ന്യൂസിലാന്റിലെ മുസ്ലിം ജനവിഭാഗത്തിന് ആത്മവിശ്വാസം നല്‍കുന്ന പിന്തുണക്ക് അമാനയെ അഭിനന്ദനങ്ങളറിയിച്ചു.
ഇത്തരം കത്തുകള്‍ ന്യൂസിലാന്റിനും,ഇവിടത്തെ ജനതക്കും വലിയശക്തിയാണ് നല്‍കുന്നത്.
അമാനയുടെ കത്ത് വളരെ ഇഷ്ടപ്പെട്ടതായും പ്രധാനമന്ത്രി മറുപടിക്കത്തില്‍ കുറിച്ചു. മാത്രമല്ല അമാനയെ അഭിനന്ദിക്കുകയും ചെയ്തു.കേരളം സന്ദര്‍ശിച്ചിട്ടില്ലെന്നും,കേരളം അതിശയകരമാണെന്ന് കേട്ടിട്ടുണ്ടെന്നും ഒരുദിവസം കാണണമെന്ന് പ്രതീക്ഷിക്കുന്നതായും കത്തില്‍ ന്യൂസിലാന്റ് പ്രധാനമന്ത്രി പറഞ്ഞു….
മകള്‍ ഒരു വയസുകാരി നെവ് വളരുകയാണെന്നും,സംസാരിക്കുന്നത് കേള്‍ക്കാന്‍ ആശ്ചര്യകരമാണെന്നും,എല്ലാവരോടും ഹായ് പറയുന്നതായും പ്രധാനമന്ത്രി ജസിന്‍ഡ ആര്‍ഡന്‍ എഴുതിയിട്ടുണ്ട്.മലപ്പുറം ജില്ല കോണ്‍ഗ്രസ് ജനറല്‍ സെക്രട്ടറി ടി.കെ.അഷറഫ് പൊന്നാനി യുടെയും ഒരുമനയൂര്‍ കുറുപ്പത്ത് വഹീദ യുടെയും മകളാണ് അമാന അഷറഫ് തൃശൂര്‍ ജില്ലയിലെ പെരുമ്പിലാവ് അന്‍സാര്‍ ഇംഗ്ലീഷ് സ്‌ക്കൂളിലെ പത്താം ക്ലാസ് വിദ്യാര്‍ര്‍ത്ഥിയാണ് അമാന അഷറഫ്.
മൂത്ത സഹോദരി ഹനീന ശുഹൈബ്
RECENT NEWS
കൊണ്ടോട്ടിയിലെ വൻ കഞ്ചാവ് വേട്ട, ലഹരിയുടെ ഉറവിടം തേടി പോലീസ്
കൊണ്ടോട്ടി: ഐക്കരപ്പടിക്കടുത്ത് പേങ്ങാട് വാടക വീട്ടില് നിന്ന് 15 ലക്ഷം രൂപ വില വരുന്ന 50 കിലോഗ്രാം കഞ്ചാവ് പിടികൂടിയ സംഭവത്തില് ഉറവിടം കണ്ടെത്താനുള്ള ശ്രമം ഊർജിതമാക്കി കൊണ്ടോട്ടി പൊലീസ്. കേസില് [...]
