എടപ്പാളില്‍ ബൈക്കിലെത്തി വീട്ടമ്മയുടെ മാല കവര്‍ന്ന പ്രധാന പ്രതിയെ മല്‍പിടുത്തതിലൂടെ പോലീസ് കീഴടക്കി
എടപ്പാള്‍:ബൈക്കിലെത്തി യുവതിയുടെ മാല പൊട്ടിച്ച കേസില്‍ പിടികിട്ടാനിരുന്ന പ്രധാന പ്രതിയായ യുവാവിനെ പൊന്നാനി പോലീസ് ഓടിച്ചിട്ട് പിടികൂടി. വളാഞ്ചേരി ആദവനാട് സ്വദേശി വെട്ടിക്കാട്ടില്‍ ഷനൂപ്(31)നെ പൊന്നാനി സിഐ സണ്ണി ചാക്കോയുടെ നേതൃത്വത്തിലുള്ള അന്യേഷണ സംഘം പിടികൂടിയത്.വളാഞ്ചേരിയിലെ വീട്ടിലെത്തി പിടികൂടാന്‍ ശ്രമിക്കുന്നതിനിടെ ഓടി രക്ഷപ്പെടാന്‍ ശ്രമിച്ച പ്രതിയെ ഏറെ നേരത്തെ മല്‍പിടുത്തത്തിനിടയിലാണ് അന്യേഷണ സംഘം കസ്റ്റഡിയില്‍ എടുത്തത്.
പിടിയിലാവുമ്പോള്‍ ഇയാള്‍ വീര്യം കൂടിയ ലഹരി വസ്തുക്കള്‍ ഉപയോഗിച്ചിരുന്നതായും പോലീസ് പറഞ്ഞു.വളഞ്ചേരി സ്റ്റേഷനില്‍ ഗുണ്ടാലിസ്റ്റില്‍ ഉള്‍പ്പെട്ട പ്രതി സമാനമായ നിരവധി കേസുകളില്‍ പ്രതിയാണെന്നും കൂടുതല്‍ ചോദ്യം ചെയ്യേണ്ടതുണ്ടെന്നും അന്യേഷണ ഉദ്ധ്യോഗസ്ഥര്‍ പറഞ്ഞു.
രണ്ടാഴ്ച മുമ്പ് എടപ്പാളിലും പരിസര പ്രദേശങ്ങളിലുമായി നാലോളം യുവതികളുടെ മാല പൊട്ടിക്കാന്‍ ശ്രമിക്കുകയും ക്ഷേത്രത്തില്‍ പോയി മടങ്ങുകയായിരുന്ന തട്ടാന്‍പടി സ്വദേശി വസന്തകുമാരിയുടെ മാല പൊട്ടിച്ച് രക്ഷപ്പെടുകയും ചെയ്ത കേസിലാണ് അന്യേഷണ സംഘം ഇയാളെ അറസ്റ്റ് ചെയ്തത്.കൂട്ടുപ്രതിയായിരുന്ന വളാഞ്ചേരി പൂക്കാട്ടിരി മൂച്ചിക്കല്‍ സ്വദേശി ആലുങ്ങല്‍ ഷംസു എന്ന മോനു(19)നെ കഴിഞ്ഞ ആഴ്ചയില്‍ തന്നെ പോലീസ് പിടികൂടിയിരുന്നു.ഇയാള്‍ റിമാന്റില്‍ ആണ്.
മാല പൊട്ടിച്ച് രക്ഷപ്പെട്ട യുവാക്കളാവട്ടെ സിസിടിവി ദൃശ്യങ്ങള്‍ പോലീസ് ശേഖരിച്ച് മാധ്യമങ്ങള്‍ വഴി പരസ്യപ്പെടുത്തുകയും പ്രതികളെ കണ്ടെത്താന്‍ സഹായിക്കുന്നവര്‍ക്ക് പാരിധോഷികം പ്രഖ്യാപിക്കുകയും ചെയ്തിരുന്നു പ്രതികള്‍ മാല പൊട്ടിച്ച് രക്ഷപ്പെടുന്ന സിസിടിവി ദൃശ്യങ്ങള്‍ വ്യാപകമായി പ്രചരിച്ചതോടെയാണ് പ്രതികളെ കുറിച്ച് കൃത്യമായ സൂചന ലഭിക്കാന്‍ പോലീസിന് സഹായകമായത്.തിരൂര്‍ ഡിവൈഎസ്പി പിഎ സുരേഷ്ബാബുവിന്റെ നിര്‍ദേശപ്രകാരം പൊന്നാനി സിഐ സണ്ണി ചാക്കോയുടെ തേതൃത്വത്തില്‍
എസ് ഐ ദിനേഷ് കുമാര്‍ സിപിഒമാരായ ഷൈന്‍ ഉണ്ണികൃഷ്ണന്‍,വിനീത്, ശ്യാം,വിനീഷ്
എന്നിവരടങ്ങുന്ന സംഘമാണ് പ്രതിയെ പിടികൂടിയത്.പിടിയിലായ പ്രതിയെ വൈദ്യപരിശോധനക്ക് ശേഷം അറസ്റ്റ് രേഖപ്പെടുത്തി ഇന്ന് പൊന്നാനി പൊന്നാനി കോടതിയില്‍ ഹാജറാക്കും’
RECENT NEWS
കലക്ടറേറ്റില്‍ ഭീഷണിയായ മുള്ള് പൂള മുറിച്ച് മാറ്റി മങ്കട ട്രോമകെയര് പ്രവര്‍ത്തകര്‍
മലപ്പുറം: കലക്ടറേറ്റില്‍ ദുരന്ത ഭീഷണി ഉയര്ത്തിയിരുന്ന വന് മരം മുറിച്ചു മാറ്റി. ജില്ലാ കലക്ടറുടെ കാര്യാലയത്തിനു സമീപം ദുരന്തനിവാരണ സമിതി ഓഫീസിനോട് ചേര്ന്നു നിലനിന്നിരുന്ന മുള്ള് പൂളയാണ് മുറിച്ചുമാറ്റിയത്. മങ്കട ട്രോമാകെയര് പ്രവര്ത്തകരാണ് [...]
