ഡെറാഡൂണില് ദുരൂഹ സാഹചര്യത്തില് യുവാവ് മരിച്ച സംഭവം കേരളാ പൊലീസ് അന്വേഷിക്കണമെന്ന് മഞ്ഞളാംകുഴിഅലി എം.എല്.എ
പെരിന്തല്മണ്ണ: ഡെറാഡൂണില് ദുരൂഹസാഹചര്യത്തില് പുലാമന്തോള് സ്വദേശിയായ യുവാവ് മരിച്ച സംഭവം കേരളാ പൊലീസ് അന്വേഷിക്കണമെന്ന് മഞ്ഞളാംകുഴി അലി എം.എല്.എ. ഇക്കാര്യം ചൂണ്ടിക്കാട്ടി എം.എല്.എ മുഖ്യമന്ത്രിക്ക് കത്ത് നല്കി. കഴിഞ്ഞ ആഗസ്ത് 28ന് രാത്രിയാണ് പുലാമന്തോള് വടക്കന് പാലൂര് സ്വദേശിയായ മേലേപീടിയേക്കല് അബ്ദുള് ഷുക്കൂര്(25) ആണ് ഡെറാഡൂണില് ദുരൂഹസാഹചര്യത്തില് മരണപ്പെട്ടത്. ഇതേ തുടര്ന്ന ഷുക്കൂറിന്രെ മാതാവ് സക്കീന എം.എല്.എക്ക് നിവേദനം സമര്പ്പിച്ചിരുന്നു. നിവേദനത്തിന്റെ പകര്പ്പും കത്തിനൊപ്പം എം.എല്.എ മുഖ്യ മന്ത്രിക്ക് നല്കി. നിലവില് ഡെറാഡൂണ് പൊലീസ് അന്വേഷിക്കുന്നുണ്ടെന്ന് പറയപ്പെടുന്ന കേസ് കേരളാ പൊലീസ് ക്രൈം ബ്രാഞ്ച് ഏറ്റെടുത്ത് മാതാവ് നിവേദനത്തിലൂടെ ആവശ്യപ്പെട്ട കാര്യങ്ങളില് സമഗ്രാന്വേഷണം നത്തണമെന്നും എം.എല്.എ ആവശ്യപ്പെട്ടു. ആഗസ്ത് 28ന് രാത്രിയില് ഡെറാഡൂണ് പ്രേം നഗറിലുള്ള മാക്സ് ആസപത്രിയില് ചിലര് അബ്ദുള് ഷുക്കൂറിനെയെത്തിച്ച് സ്ഥലം വിടുകയായിരുന്നു. പരിക്കുകളോടെയാണ് എത്തിച്ചത്. ആസപത്രിയിലെത്തിച്ചപ്പോള് തന്നെ മരിച്ചിരുന്നു. സംഭവത്തില് മലയാളികളടങ്ങിയ ഷുക്കൂറിന്റെ അടുത്ത ബിസിനസ് പങ്കാളികളായ അഞ്ചംഗം സംഘത്തെ ഡെറാഡൂണ് പൊലീസ് അറ്സറ്റ് ചെതിരുന്നു. ബിഗ്കോയിന് ഇടപാടിനായി 485 കോടി രൂപ ഷുക്കൂര് ശേഖരിച്ചിരുന്നു. ഇത് തിരികെ ലഭിക്കാനുള്ള ശ്രമത്തിന്റെ ഭാഗമായി നടന്ന മര്ദനത്തെ തുടര്ന്നാണ് ഷുക്കൂര് കൊല്ലപ്പെട്ടതെന്നാണ് ഡെറാഡൂണ് പൊലീസ് പറയുന്നത്.
RECENT NEWS
സ്ത്രീത്വത്തെ അപമാനിച്ച സി പി എം തെന്നല പഞ്ചായത്ത് മെംബറെ പുറത്താക്കണം- എ പി അനിൽകുമാർ
മലപ്പുറം: തെന്നല പഞ്ചായത്തിലെ സിപിഎം ലോക്കൽ കമ്മിറ്റി മുൻ സെക്രട്ടറിയും പഞ്ചായത്തിലേക്ക് തെരഞ്ഞെടുക്കപ്പട്ടെ വ്യക്തിയുമായ സെയ്തലവി മജീദിന്റെ വിദ്വേഷ പ്രസംഗം സ്ത്രീ വിരുദ്ധവും അങ്ങേയറ്റം മനുഷ്യത്വവിരുദ്ധമാണെന്ന് കെപിസിസി വർക്കിംഗ് പ്രസിഡൻറ് എ പി [...]
