മലപ്പുറത്തെ വാനോളം പുകഴ്ത്തി മന്ത്രി ജി.സുധാകരന്
മലപ്പുറം: മലപ്പുറത്തെ വാനോളം പുകഴ്ത്തി മന്ത്രി ജി.സുധാകരന്, ഇത്രത്തോളം മതസൗഹാര്ദവും സമാധാനവും ഉള്ള വേറെ നാടുണ്ടോയെന്ന് മന്ത്രി ജി.സുധാകരന്, സി.പി.എമ്മിന് മലപ്പുറം ജില്ലയോട് വല്ലാത്ത ഇഷ്ടമുണ്ട്, 67ലെ ഇ.എം.എസ് സര്ക്കാറാണ് മലപ്പുറം ജില്ല രൂപീകരിച്ചത്, മുസ്ലിംലീഗും സി.പി.എമ്മും ഒന്നിച്ചാണിത് സാധ്യമാക്കിയത്, മലപ്പുറം പാക്കിസ്ഥാനാകും എന്നൊക്കെ പറഞ്ഞ് നിരാഹാരവും ധര്ണയും നടത്തിയവര് അക്കാലത്തുണ്ടായിരുന്നു, എന്നാല് ഇന്നെന്താണ് സ്ഥിതി, ഇത്രത്തോളം മത സൗഹാര്ദവും സമാധാനവും ഉള്ള നാടുണ്ടോ, തെരഞ്ഞെടുപ്പ് പ്രചരണത്തിനും മറ്റും താന് ഇവിടെ വരുമ്പോള് എത്ര സംയമനത്തോടെയും സഹകരണത്തോടെയുമാണ് ഇവിടുത്തെ രാഷ്ട്രീയ പ്രവര്ത്തനം എന്നാലോചിച്ചിട്ടുണ്ടെന്നും മന്ത്രി പറഞ്ഞു. 90കോടി രൂപ പാലത്തിന് അനുവദിച്ചത് തനിക്ക് മലപ്പുറം ജില്ലയോടുള്ള ഇഷ്ടം കൊണ്ടാണെന്നും മന്ത്രി പറഞ്ഞു. ആലുക്കലിനടുത്ത് പെരുങ്കടവ് പാലത്തിന്റെ ഉദ്ഘാടന ചടങ്ങിലാണ് മന്ത്രി ഇത്തരത്തില് പ്രസംഗിച്ചത്. മുസ്ലിംലീഗിന്റെ ഏറനാട് എം.എല്.എ പി.കെ ബഷീറിനെ വേദിയിലിരുത്തിയാണ് മന്ത്രിയുടെ പ്രസംഗമെന്നതും ശ്രദ്ധേയമായി.
അരീക്കോട് എടവണ്ണപ്പാറ റോഡിനെയും കുറ്റൂളി എടശ്ശേരിക്കടവ് റോഡിനെയും ബന്ധിപ്പിക്കുന്ന പെരുങ്കടവ് പാലം പൊതുമരാമത്ത് വകുപ്പ് മന്ത്രി ജി.സുധാരകരന് നാടിന് സമര്പ്പിച്ചു. ഇരുകരകളെയും ബന്ധിപ്പിക്കുന്ന കണ്ണിയെന്ന നിലയില് പാലങ്ങളുടെ നിര്മ്മാണത്തില് ജനമനസുകളില് പ്രത്യേക സ്ഥാനമുണ്ടെന്ന് മന്ത്രി പാലം നാടിന് സമര്പ്പിച്ചു കൊണ്ടു സംസാരിച്ചു.
പാലം നിര്മ്മാണത്തില് വിപ്ലവകരമായ മാറ്റങ്ങള്ക്കാണ് സര്ക്കാര് നേതൃത്വം നല്കുന്നത്. ഒരു ടെണ്ടര് വിളിക്കുന്നതിന് മുമ്പ് തന്നെ നിര്മാണത്തിന് ഉതകും വിധം എല്ലാ തടസങ്ങളും നീക്കുന്ന രീതിയിലേക്കാണ് സര്ക്കാര് പദ്ധതി നടപ്പാക്കുക. ഇതോടെ നിര്മ്മാണം ഏറ്റെടുക്കുന്ന കരാറുകാരന് അധികതുക ആവശ്യപ്പടുന്ന രീതിക്ക് അവസാനമാകുമെന്നും മന്ത്രി പറഞ്ഞു.
നബാര്ഡ് പദ്ധതിയില് ഉള്പ്പെടുത്തി 21 കോടി രൂപയാണ് പെരുങ്കടവ് പാലം നിര്മാണത്തിനായി അനുവദിച്ചത്. ഏഴര മീറ്റര് വീതിയില് രണ്ട് വരി പാതയോടൊപ്പം ഒന്നര മീറ്റര് വീതില് ഇരു ഭാഗത്തും നടപ്പാതയും നിര്മ്മിച്ചിട്ടുണ്ട്. കൂടാതെ ആലുക്കല് ഭാഗത്തേക്ക് 245 മീറ്ററും കുനിയില് ഭാഗത്തേക്ക് 210 മീറ്ററിലും അപ്രോച്ച് റോഡും പദ്ധതി തുകയില് ഉള്പ്പെടുത്തി പണി പൂര്ത്തീകരിച്ചിട്ടുണ്ട്.
പി.കെ ബഷീര് എം.എല്.എ അധ്യക്ഷത വഹിച്ചു. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്, ജില്ലാ പഞ്ചായത്ത് മെമ്പര്മാരായ ഇസ്മയില് മൂത്തേടം, അഡ്വ. പി.വി മനാഫ്, അരീക്കോട് ബ്ലോക്ക് പഞ്ചായത്ത് പ്രസിഡന്റ് പറമ്പന് ലക്ഷ്മി,
ഗ്രാമപഞ്ചായത്ത് പ്രസിഡന്റുമാരായ കെ.വി റൈഹാന ബേബി, എം.പി രമ, ഗ്രാമപഞ്ചായത്ത് വൈസ് പ്രസിഡന്റ് ഉമ്മര് വെള്ളേരി, മുന് ഗ്രാമ പഞ്ചായത്ത് പ്രസിഡന്റ് പി.കെ കമ്മദ്കുട്ടി ഹാജി, വൈസ് പ്രസിഡന്റ് എം.പി ഹാജറ, ബ്ലോക്ക് പഞ്ചായത്ത് സ്ഥ്ിരമിതി അധ്യക്ഷ കെ. ശ്രീപ്രിയ, ബ്ലോക്ക് പഞ്ചായത്ത് മെമ്പര് എം.ടി അയ്യപ്പന്, ഗ്രാമ പഞ്ചായത്ത് മെമ്പര്മാരായ കെ.ടി ആയിഷ, പി.പി സനാഹുള്ള, സംഘാടക സമിതി ചെയര്മാന് പി.പി അബ്ദുറഹ്മാന്കുട്ടി ഹാജി, പൊതുമരാമത്ത് പാലങ്ങളുടെ വിഭാഗത്തിലെ സൂപ്രണ്ടിങ്് എഞ്ചിനീയര് പി.കെ മിനി,അസിസ്റ്റന്റ് എക്സിക്യൂട്ടീവ് എഞ്ചിനീയര് വി.കെ ഹാഷിം, വിവിധ രാഷ്ര്ടീയ സാംസ്കാരിക രംഗത്തെ പ്രമുഖര് തുടങ്ങിയവര് സംസാരിച്ചു. എക്സിക്യൂട്ടീവ് എഞ്ചിനീയര് എസ്.ഹരീഷ് റിപ്പോര്ട്ട് അവതരിപ്പിച്ചു.
RECENT NEWS
വിവാഹാഭ്യർഥന നിരസിച്ച യുവതിയെ മലപ്പുറം നഗരമധ്യത്തിൽ കുത്തി പരിക്കേൽപിച്ചു യുവാവ്
മലപ്പുറം: വിവാഹാഭ്യര്ത്ഥന നിരസിച്ചതിന് യുവതിയെ യുവാവ് കുത്തിപ്പരിക്കേല്പ്പിച്ചു. ഇന്ന് രാവിലെ 9.15ന് മലപ്പുറം പെന്ഷന് ഭവന് റോഡിലാണ് ആക്രമണം നടന്നത്. സംഭവ ശേഷം ബൈക്കില് രക്ഷപ്പെട്ട പ്രതിയായ പാലക്കാട് നല്ലേപ്പിള്ളി സ്വദേശി 25കാരനായ അശ്വിനായി [...]
