കാറിടിച്ച് ബൈക്ക് യാത്രികനായ ചാപ്പനങ്ങാടി സ്വദേശി മരിച്ചു
മഞ്ചേരി: വള്ളുവമ്പ്രം അത്താണിക്കലില്‍ കാറിടിച്ച് ബൈക്ക് യാത്രികനായ യുവാവ് മരിച്ചു.
കൂടെ യാത്രചെയ്ത സ്ത്രീക്ക് ഗുരുതര പരുക്ക്, ചാപ്പനങ്ങാടി പറങ്കിമൂച്ചിക്കല്‍ പാപ്പായി മുല്ലപ്പള്ളി കുഞ്ഞവറാന്‍ ഹാജിയുടെ മകന്‍ സഈദ് (23) ആണ് മരിച്ചത്. ബൈക്കില്‍ കൂടെ യാത്രചെയ്ത സഹപ്രവര്‍ത്തക മലപ്പുറം കോഡൂര്‍ സ്വദേശിനി സജ്ന (30)നെ സാരമായ പരിക്കുകളോടെ കോഴിക്കോട് മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു. ഇന്ന് വൈകീട്ട് 5.45ന് വള്ളുവമ്പ്രം അത്താണിക്കലിലാണ് അപകടം. കൂട്ടിലങ്ങാടിയിലെ പാത്രക്കടയിലാണ് ഇരുവരും ജോലി ചെയ്യുന്നത്. ലൈനില്‍ സെയില്‍സ് കഴിഞ്ഞ് കടയിലേക്ക് മടങ്ങും വഴിയാണ് അപകടം.
ജലസേചന വിഭാഗത്തില്‍ ജോലി ലഭിച്ച സഈദ് പരിശീലനത്തിനായി തിങ്കളാഴ്ച്ച ഡല്‍ഹിയിലേക്ക് പോകാനിരിക്കുകയായിരുന്നു.
മാതാവ് : ആയിശുമ്മ, സഹോദരങ്ങള്‍ : മുഹമ്മദ് റാഫി, റാഫിയ ഫര്‍ഹത്ത്, സഈദ. മഞ്ചേരി മെഡിക്കല്‍ കോളേജ് മോര്‍ച്ചറിയിലുള്ള മൃതദേഹം പൊലീസ് നടപടികള്‍ക്ക് ശേഷം ഇന്ന് പോസ്റ്റ്മോര്‍ട്ടം ചെയ്ത് ഉച്ചയോടെ പാപ്പായി ജുമാമസ്ജിദില്‍ ഖബറടക്കും.
RECENT NEWS
അൻവറിന്റെ രാഷ്ട്രീയ നീക്കത്തോട് വിജോജിപ്പുമായി കെ ടി ജലീൽ; സി പി എമ്മിനെ കൈവിടില്ല
വളാഞ്ചേരി: മാധ്യമ പ്രവർത്തകരെ വിളിച്ചു വരുത്താൻ ഉപയോഗിച്ച തന്ത്രമാണ് വെളിപ്പെടുത്തലുകളുണ്ടാകുമെന്ന് പറഞ്ഞതെന്ന് കെ ടി ജലീൽ. ചില പാർട്ടികളിലെ ജനപ്രതിനിധികളെ പോലെ മരണം വരെ ജനപ്രതിനിധിയായി തുടരുന്നതിന് താൽപര്യമില്ലെന്നും അതിനാലാണ് പാർലമെന്ററി [...]
