സമാപന ദിവസമായ മറ്റെന്നാള്‍ നാല് വിമാനങ്ങള്‍ കരിപ്പൂരില്‍ നിന്നും സര്‍വ്വീസ് നടത്തും
മലപ്പുറം: ഈ വര്‍ഷത്തെ ഹജ് ക്യാമ്പ് സമാപന സംഗമംനാളെ നടക്കും. വൈകുന്നേരം 4.30 ന് കരിപ്പൂര്‍ ഹജ് ഹൗസില്‍ സംസ്ഥാന ഹജ് വകുപ്പ് മന്ത്രി ഡോ. കെ ടി ജലീല്‍ സംഗമം ഉദ്ഘാടനം ചെയ്യും. പാണക്കാട് ഹൈദറലി ശിഹാബ് തങ്ങള്‍ പ്രാര്‍ത്ഥനക്കു നേതൃത്വം നല്‍കും. ചടങ്ങില്‍ പി.വി അബ്ദുല്‍ വഹാബ് എം പി, എം എല്‍ എമാരായ ടി വി ഇബ്‌റാഹീം, കാരാട്ട് റസാഖ് ,പി അബ്ദുല്‍ ഹമീദ് മാസ്റ്റര്‍, മുഹമ്മദ് മുഹ്‌സിന്‍, സംസ്ഥാന ഹജ്ജ് കമ്മിറ്റി ചെയര്‍മാന്‍ സി മുഹമ്മദ് ഫൈസി, ജില്ലാ കലക്ടറും സംസ്ഥാന ഹജ്ജ് കമ്മിറ്റി ചീഫ് എക്‌സിക്യൂട്ടീവ് ഓഫീസറുമായ ജാഫര്‍ മാലിക് , കേന്ദ്ര ഹജ്ജ് കമ്മിറ്റി വൈസ് ചെയര്‍മാന്‍ ജിന നബി ശൈഖ്, സയ്യിദ് ജിഫ്‌രി മുത്തുക്കോയ തങ്ങള്‍, പൊള അബ്ദുല്‍ ഖാദര്‍ മുസ്‌ലിയാര്‍, കേന്ദ്ര ഹജ്ജ് കമ്മിറ്റി അംഗം പി.കെ അഹമ്മദ്, തൊടിയൂര്‍ മുഹമ്മദ് കുഞ്ഞ് മൗലവി, കുഞ്ഞിമുഹമ്മദ് മദനി പറപ്പൂര്‍, ഡോ. എന്‍.എം മുജീബ് റഹ്മാന്‍ തുടങ്ങി മത, രാഷ്ര്ടീയ, സാംസ്‌കാരിക രംഗത്തെ വിശിഷ്ട വ്യക്തിത്വങ്ങള്‍ സംബന്ധിക്കും. ക്യാമ്പ് മറ്റെന്നാള്‍ സമാപിക്കും. നാളെ രണ്ട് വിമാനങ്ങളും സമാപന ദിവസമായ മറ്റെന്നാള്‍ നാല് വിമാനങ്ങളും കരിപ്പൂരില്‍ നിന്നും സര്‍വ്വീസ് നടത്തും.
RECENT NEWS
ബാംഗ്ലൂരിൽ നിന്ന് എംഡിഎംഎയുമായെത്തിയ പാണ്ടിക്കാട് സ്വദേശികൾ അറസ്റ്റിൽ
പാണ്ടിക്കാട്: തമ്പാനങ്ങാടി സ്വദേശിയുടെ വീട്ടിൽ നിന്ന് 14.5 ഗ്രാം സിന്തറ്റിക് ലഹരിമരുന്ന് ഇനത്തില് പെട്ട എംഡിഎംഎയും 6.2 ഗ്രാം കഞ്ചാവും പിടികൂടി. പരിശോധനയില് വീട്ടിലുണ്ടായിരുന്ന കാഞ്ഞിരക്കാടന് ഷിയാസ്(42) കരുവാരകുണ്ട് തരിശ്ശ് സ്വദേശി ഏലംകുളയന് [...]
